Little Creatures：杯中尋味

啤酒，絕對喺小弟門外漢嘅領域，不過，幾杯落肚都還可以，只喺未識欣賞其精髓而已。不過，友人對酒就甚有研究，唔單止紅酒、白酒、威士忌，對啤酒亦有一定嘅心得，近年香港極流行手工啤，佢就嚐過不少，今晚小弟掹衫尾同佢嚟堅尼地城新海旁嘅Little Creatures見識見識。

Tartes & Pop：脆味手工撻

本身一向嗜甜，單單只喺講甜品中嘅撻類，已經喺無限大，唔同國家、唔同地區都有自已地道嘅出品，香港有蛋撻，澳門有葡撻……，當然唔少得法式嘅甜撻，上環嘅Tartes & Pop喺其中一家做得出色嘅小店。

居廬晉家門 Restaurant & Pub：亡羊補廬

太子嘅「居廬」，其實一直都想搵埋窩夫控嘅表姨甥女去試其窩夫，不過，講嚟講去都無行動，漸漸就無晒回事、懶得再諗。最近，聽朋友講，「居廬」晌附近開咗家賣意大利菜嘅餐廳，而窩夫依然有得食，所以，再次「的」起心肝搵埋佢一齊去試，訂位安排，一切由小弟搞，都喺舉手之「廬」。

Moshi Moshi：喂喂，蟹霸丼喺度嗎？

一諗起海鮮丼，就第一時間諗返起舊年暑假去札幌時，到訪過二条市場，真喺好多海鮮丼店，又平又靚。最近去咗南九州一轉，主要嚐過宮崎山、宮崎地雞……等等，就未有試當地嘅海鮮丼得唔得，所以，貪口爽，返到香港就一支公走去食餐海鮮丼。

北海道牧場餐廳 Hokkaido Dairy Farm Restaurant：我的星期六美孚早餐 ~ 牧定口呆

北海道牧場餐廳只曾光顧過尖沙咀店（已結業），然而，對其印象麻麻，所以，就算美孚開咗分店都有大半年，都一直未有幫襯，況且，對比同區嘅快餐店及茶記都貴一乘至乘半，真喺幫襯嘅誘因唔大。今次之所以到訪，都喺差唔多食勻美孚嘅餐廳早餐，就走入去試吓！

Romanne Leisure Food Concept：誠意樓上小店

剛剛旅行完返嚟，一屋都喺行李、雜物，工作就故然積壓咗唔少，所以，是夜少有哋兩公婆出去食，乾手淨腳嘛。早排去咗太子一間酒吧餐廳，所做嘅西班牙小食（Tapas）甚有水準，晌食文都有提及過，依家唔少餐廳都有提供埋西班牙小食，今晚到訪嘅樓上鋪Romanne亦一樣有，而且，有水準之餘，定價十分相宜。

Channel 3 Tapas Bar & Restaurant：西班牙美味頻道

依家西班牙小食（Tapas）可謂無處不在，唔再局限晌西班牙餐廳，有見過連歐陸小店都加插此類小食，早前，從食友嘅食評就見到連酒吧都有賣西班牙小食，仲話做得有水準，而且，位處太子，算幾近又方便，所以，拉埋住晌深水埗嘅表哥一齊嚟扭開「第三頻道」窺探一下。

MX：我的星期六美孚早餐 ~ 舊店新鋪

原鋪位間「美心MX」變成美心嘅茶記「香港地」，仲以為佢哋會索性執咗間美心，原本同步已搬去之前阿信屋個鋪位改頭換面繼續經營，自不然順便連店名都正名為「MX」，但點改都當佢哋美心快餐。對象都喺街坊客，雖然個鋪位躥埋一角，但大家都識走過嚟搵食。

嵯峨野 Sagano：櫻紅本色

兩次揀三月份去日本，都與櫻花無緣，今次專登揀南部嘅九州，仲要喺南九州嘅宮崎同鹿兒島，喺日本較早開櫻花嘅地區，雖然就出發，但睇近期嘅「花見」情報，已知又喺與櫻花無緣，我哋三月中尾返嚟，佢就三月尾先開始開花，滿花就晌四月初。其實，舊年有留意過千禧新世界香港酒店內嘅嵯峨野晌三、四月會推出「櫻花特色午餐」，風評不俗，雖然錯過咗，但見今年又再推出。正所謂輸人唔輸陣，輸運（氣）唔輸心（態），運氣嘅嘢無得控制，但心態可以自主，我哋一樣未出發先興奮，小弟就專登嚟到一試呢個櫻花特色午餐，再培養多啲旅行情緒。

Cafe YAWN：穩食艱難

食友早前嚟到光顧此小巷中嘅咖啡室小店，話佢哋啲咖啡頗出色，建議我不妨嚟試試，拖咗幾個月，專登拉咗同樣喜歡嘆咖啡嘅親友嚟Cafe Yawn聚一聚兼食餐晚飯。依條小街無嚟年多，似乎又多咗幾家食肆。

功德林上海素食 Kung Tak Lam Shanghai Vegetarian Cuisine：健康德力素

細個嘅時候，有種葡萄糖沖劑叫「得力素」，嗰陣時大行其道，依家好似已經唔見咗，連得力素糖都無埋，不過目前健康產品五花百門，「得力素」個名應該唔喺咁多人識，尤其後生一輩。但講到健康產品，與其靠依等藥物，就不如先晌飲食方面着手，哈哈！講健康飲食，小弟就唔及老婆，佢食素都多年，雖然唔喺全素，但白肉以外，紅肉就極少食，除自家煮之外，亦不時幫襯素菜館。尖沙咀嘅功德林算喺經常光顧嘅食肆，因為以前佢晌依頭返工，反而，小弟就第一次嚟，故此，平時一向由我點菜，今次就得佢出手。

MoMo Café：甜蜜嘆世界

老婆個家姐一家人住晌碧濤花園，所以，馬鐵嘅石門站一年都有機會嚟一兩次，睇住佢對出嘅荒地變商場「京瑞」，是日同老婆嚟到沙田萬豪酒店嘅MoMo Cafe嘆個甜品自助餐，同樣喺由露天停車場變成酒店，感覺好似轉眼間嘅事。

Bovini Steakhouse & Bar：吐氣羊眉

身為九龍人，故然晌九龍搵食多，而港島區，除中環、灣仔、銅鑼灣之外，天后夾大坑算喺嚟得較多嘅區域，尤其後者，因為都幾鍾意依片小區，日頭嚟閒逛好有種寧靜嘅舒適感。今晚同朋友嚟到新開無耐以Steakhouse定位嘅Bovini，目的只有一個，大嘆羊架。

E Molto Buono：E法炮製

表姨甥女話未試過啲上樓嘅私房西餐廳，啱啱近排從食友嘅食評所見，晌銅鑼灣有一家主打法國菜及意大利菜嘅私房餐廳，風評不俗，值得帶佢嚟見識一下。