2016年7月31日星期日

志蓮素齋 Chi Lin Vegetarian:明志之舉

好耐無搵舅母食飯喇,唔喺佢唔得閒,就輪到我唔得閒,對上嗰次已經喺好幾年前嘅事,雖然間唔時傾吓電話講兩句,談談近況,但點都要久唔久見個面。故此,加埋幾個家人,就番佢食齋嘅習慣,揀咗晌南蓮園池裡面嘅志蓮素齋。

2016年7月30日星期六

Sky House:緣份的天空

每隔兩至三個星期嘅星期六晚就要過嚟荃灣依邊開組長會,有時匆匆忙,就會隨意一餐再開會,有時時間多就會搵間好坐少少嘅餐廳坐吓、準備吓,食番餐好嘅之後再開會。今晚嚟到Sky House,就喺後者,而時間好鬆動,6:00pm入座時簡直就喺被小弟包場。

Goobne Chicken:雞喙唔斷重聚日

早前同老友到訪過尖沙咀Goobne Chicken,嗰時嘅總結喺「烤雞的確唔錯,烤得出色,韓式雞蛋卷更深得我心,值得翻兜再嚟!」最近,從食友嘅食評得知佢哋有新店落戶荃灣,更喺小弟常出沒嘅區域,所以,約埋舊同事一齊嚟嘆番餐,兼傾吓來年去旅行嘅事,夾夾時間睇吓成唔成行,講旅行嘢就最開心,真喺傾到雞喙唔斷。

2016年7月28日星期四

樂天皇朝 Paradise Dynasty:知足常樂

樂天皇朝喺一家幾鍾意嘅餐廳,價位唔貴,餸菜有水準,依家開晌旺角雅蘭,對我哋依啲九龍人,唔晒過海真喺方便咗好多,所以,專登搵埋老友一行3人過嚟聚舊兼食餐飯。我哋幾個都喺70後,算喺努力工作搵餐晏,有時都會對現況有啲不滿,但生活各方面稱得上無咩缺,懂得知足常樂可以令人更正面。

2016年7月23日星期六

Layers Bakery:層出不窮

近日,從網上接觸到一家新嘅甜品網購店Layers Bakery,從其FB嘅介紹:以「重塑甜味 The New Sweetness」為標題,把世界各地的特色材料、獨特的甜點味道帶回香港,並期望透過製作不同的甜品,味道重新演繹,以更迎合港人口味,令人好有期待嘅感覺!

Jerry Maguire:銅遊下午茶

印象中大概兩三年前左右,香港開咗首間甜品吧Dessert Bar之後,開始坊間都多咗唔少依一類店,普遍都做得有聲有色,偶然從雜誌睇到有一間新店,喺甜品吧 + 酒吧嘅混合,因為對酒嘅興趣着實唔大,不過,見佢哋有推出下午茶,卻相當吸引,所以,趁着要過嚟梨園二期辦點私事,就順便拉埋同樣喺甜品死粉嘅親友一齊去試。

2016年7月21日星期四

茶木‧台式休閒餐廳:賞心悅木

啱啱六月尾、七月初放咗個大假,因為有排都未有大節日,親友嘅大家庭聚會最快要到中秋先搞,所以,約表姨生女食餐飯,兼幫手分發吓少少手信。茶木原來喺佢同朋友嘅飯堂之一,哈哈,啲嘢實啱佢食啦。

2016年7月14日星期四

Sense Dessert Cafe:Common Sense

工作再忙,飯都喺要食,老友都喺要見,所以,是晚相約好耐無見嘅朋友聚一聚,談談近況,講講工作。地點、日期、時間由佢定,但日子就一拖再拖,食乜嘢嘛?我倒喺無乜所謂,最緊要喺唔趕客走,又唔太嘈吵嘅餐廳就可以喇。

2016年7月8日星期五

Cafe Siam:炎夏泰清新

啱啱放完大假返公,面對大堆大堆文件,真喺要搵啲好嘢嚟彌補吓,所以,事前一早約定好朋友食晏。地點揀番上少少,因為德輔道、皇后大道一帶真喺多人到不得了,相反,蘭桂芳大部份食肆都會靜局少少,讓人食得輕鬆啲,故此,相約朋友到Cafe Siam食餐午飯,聚一聚傾吓偈。