餐廳佔三樓全層，地方好大，設有好多廂房，之前都有介紹過餐廳環境，今次就唔講太多。而友人之一喺粵劇迷，對於店內嘅粵劇壁畫、擺設、衣飾就特別感興趣！我哋坐晌大廳，最欣賞喺枱櫈編排闊落，配合埋柔和燈光，可以舒舒服服咁用餐。
預早就打算享用4人套餐，主要有兩款：「雅宴臻選套餐」$2,388及「臻貴盛宴套餐」$3,680，同樣包咗2款前菜、湯品、燒物、4款熱菜、主食及甜品，可以講非常豐富，份量又十足，最緊要喺用料靚，製作有心思，而我哋享用嘅喺前者。
熗拌濰坊鮮蘿蔔皮先嚟兩客前菜，第一道濰坊蘿蔔皮上次食晏嘅套餐都有，食落爽爽脆脆又帶點韌勁，，咬落咯咯聲，加上醃製過，鹹鹹酸酸，清爽開胃，極有解膩之效，朋友都話覺得幾得意，加上完全未見過，好有新鮮感。
諸城脆蔥手撕雞第二客前菜嘅手撕雞睇落好似好普通，但食落又有啲徼妙之處，就喺加咗啲炸脆咗嘅大蔥片，油香脆口，而手撕雞肉質好嫩滑，有雞鮮味，調味又啱啱好，唔會淡茂茂，又無過鹹毛病。
發酵酸菜豬肚煲兩客前菜後，就喺熱湯，以位上，夠人性化。湯色好濃，味道酸香清爽，唔單止有爽口嘅豬肚，更有唔少爽滑嘅花膠，集鮮香、酸爽一身，好飲又好食。
北京傳統酥烤鴨其實食法都有啲類似片皮鴨，由師傅親自將原隻烤鴨在堂前片鴨，並奉上薄餅皮、西芹條、山渣糕同甜麵醬。單喺淨食烤鴨，可謂皮酥肉嫩，又有幾分油脂香，再將烤鴨跟幾樣材料以薄餅皮捲起一齊食，味道豐富又平衡，多食幾件都唔覺膩。
阿膠蔥燒長島海參
蟹膏豆腐燒明蝦上次嘅「蟹蝦醬非遺饅頭」一鍋蟹粉已覺得好正，今回呢一道蟹膏豆腐燒明蝦亦都好唔錯，同樣一鍋金黃，濃濃嘅蟹粉香，甘腴豐厚，而豆腐非常嫩滑又富豆香，蝦仁爽口鮮甜，沾滿蟹粉實在越食越滋味。
小青頭炒回鍋肉幾款熱菜中，呢一道就顯得比較家常，不過，製作依然好認真，五花腩肉切得薄薄一片，所以，食落無預期中咁肥，配以蔥度，添幾分爽脆嘅口感。其實，亮點喺個醬汁，充分突出濃油赤醬嘅神韻。
蜢子蝦醬扁豆絲睇見「蜢子」以為用蚱蜢有關，上網查查，原來蜢子蝦醬喺山東省威海市嘅一種以蠓子蝦（小型蝦類）所做嘅傳統醬料，炒出嚟嘅扁豆絲，既爽脆，又鹹香，非常之惹味，又夠鑊氣，加上添加咗啲肉碎，食落一啲都唔覺寡。
蝦湯白菜手工麵中國人嘅套餐，總有啲炒粉飯麵，接近尾聲，來一碟手工麵。睇外觀真喺覺得好普通，配料亦只有白菜，但入口就知咩叫做真功夫。麵條有啲似河粉，但口感帶韌性，每一炷都沾滿蝦湯所做嘅醬汁，啖啖都喺精華。
阿膠絲滑酸奶酪
今餐大家都食得好開心，除咗地方舒服，食物出色之外，服務亦好熨貼，不論添茶，收拾碗碟，環環都做到恰到好處，侍應又非常有禮貌，難得一班老朋友聚首，更喺件樂事！
個人評分
味道：10/10
環境：9/10
服務：9/10
抵食：8/10
平均每人消費：HK$650
味道：10/10
環境：9/10
服務：9/10
抵食：8/10
平均每人消費：HK$650
星‧South Beauty
地址：上環德輔道中173號南豐Place 3樓
電話：2808 1311
地址：上環德輔道中173號南豐Place 3樓
電話：2808 1311
沒有留言:
發佈留言