2015年3月28日星期六

俊達晞茶餐廳小廚:長驅直俊

莫講話青怡花園,地鐵上蓋嘅青衣城都甚少去,今晚長驅直進嚟到跟青衣港鐵站相隔一大段路嘅青怡花園「俊達晞茶餐廳小廚」食晚飯,仲一行12個大漢,都喺友人帶嗆,訂咗張「大枱」,真喺好難得嘅聚會。不過,因為明知喺周六晚會好多人,所以,我哋都訂得早啲去食。

點心仔:我的星期六美孚早餐 ~ 點止點心咁簡單

美孚盈暉臺依個所謂商場,好多食店都做唔長,以前有三間茶記,執吓一間又一間,依家得番間荔,苑,而酒家都轉過幾手變成依家嘅百樂門,反而啲小食店捱吓捱吓一年又一年。不過,最近都開始有啲變化,就喺商場內開咗間大快活,面對咁情況,小食店嘅「點心仔」唔知受影響大唔大呢?所以,今早專登同老婆走過嚟幫襯吓佢。

2015年3月26日星期四

鉄人旨花 Shika Teppan-Yaki:旨味無窮

忙碌嘅二、三月過去,好耐無同成班相熟姊妹飯聚,一約就搵咗間貴嘢,當開年飯又好,當慶祝復活節又好,都喺一個藉口,但求食得盡興開心。

2015年3月25日星期三

美心西餅 Maxim's Cake Shop:開卷有益

同事試咗美心最近新出嘅澳洲牛奶蛋糕話超正,叫我都快啲試,所以,收工經過香港站美心就換咗條平平哋嘅牛奶卷(試食價$68)試試,貪佢細細條(比起平時晌美心見到嘅瑞士卷短少少),一家人晚飯後當甜品食,啱啱好清得晒唔會剩。

2015年3月24日星期二

菲爾斯曲奇專賣店 Mrs. Fields Cookies:食晚餐,送宵夜!

跟友人食晚飯,唔知喺唔喺驚我食唔飽,仲送我一個Mrs Field美式鬆餅一個當宵夜,客在太客氣,其實餐飯小弟食得好飽。

Euro Eatery:歐陸奇緣

「緣」依個字本身就好玄,認識食友奇奇,源於一個緣字,因為茫茫人海,能夠相識真喺講份緣;而認識樓上餐廳Euro Eatery,亦都可以講喺源於一個緣字,若非偶然睇到另一食友嘅食評,都不知道有她嘅存在。依家做飲食真喺唔易,各出奇謀不在話下,都仲要面對租金高,人工高,食材價格高……等等,所以,跟奇奇姐一齊嚟支持吓小店。

愛烘焙麵包工房 ibakery:好友狂嚐曲(36)

身邊有唔少食友都好支持小店、社企,就好似由東華三院所搞嘅「愛烘焙麵包工房」(iBakery),喺以專門訓練及聘用殘疾人士嘅社企。之前,都試過好幾次佢哋嘅出品,都喺食友所送,今次,食友趴走西環,就順道買點心意俾小弟,實在多謝晒!

星之味 Star's Taste:好友狂嚐曲(35)

晌食友當中,有幾位特別有小弟心嘅,久不久就送上小曲奇作為點點心意。最特別喺佢送親嘅曲奇都唔喺出自咩大店,大多數都喺啲小店,如:Crostini Bakery & Café、Joey's、Clover Cake & Coffee House、Rachel's Cookie……等等,今次又會喺邊間呢?就喺「星之味」(Star's Taste),款式喺朱古力曲奇。

2015年3月23日星期一

城寨風味 Wall City Flavor:城風破浪

早前睇見食友嘅食評,雖然味道唔知喺唔喺好似食友所言咁堅,但喺,賣相、造型就絕對喺亮點,尤其嗰一道不是粟米,印象猶深,今晚同幾個朋友嚟到會一會依條「粟米」,又睇睇固中「城寨」嘅風味,又能否真喺做到乘風破浪。

奇華餅家 Kee Wah Bakery:好友狂嚐曲(34)

近日晌飲食雜誌睇到過奇華嘅「復活節禮盒」廣告,仲記得嚿年有食友送過我一盒奇華「復活節禮盒」,長形小鐵盒白底加色彩繽紛卡通圖案,內有老薑餅、朱古力蛋卷、手製杏仁小紅莓鳥結糖同埋手製南瓜籽脆糖,一盒多元化嘅奇華零食,估唔到咁快又一年。

2015年3月21日星期六

Piccolo Pizzeria & Bar:闖蕩西延線的午餐

港島西延線,嚟西環依邊真喺方便咗好多好多,由於有親人葬晌薄扶林,一年都有幾次坐車路經西區,早已見到有逐漸嘅變化,相信住晌依區嘅人就有更多體會。既然開通咗,就嚟一次周末闖蕩香港嘅「天空之城」(堅「離」地城),漫遊一下依個小社區,兼搵餐晏仔食!從友人介紹,就幫襯咗臨近海旁,位於爹核士街Piccolo Pizzeria & Bar。

2015年3月19日星期四

Texas Burger:招財進堡

有朋友睇過小弟晌Texas Burger嘅食評,講笑咁講問我會唔會再去,啱啱知佢哋出咗啲新款式,當然再去無妨,所以,搵個閒日,朋友同佢老婆,加埋我,三人行,再次走訪德克薩斯堡。

2015年3月17日星期二

牛気 Nabe Urawa:氣舊圖新

都有一段日子無嚟食涮涮鍋喇,近日有朋友搵到間好嘢,位置便利,質素中上,覺得間餐廳做得有棄舊圖新之感,吹雞一聲,欣然赴會。地點,就晌旺角雅蘭嘅牛氣,初時仲以為晌雅蘭裡面,兜咗個圈,先知門口開晌山東街喎。

2015年3月15日星期日

下一站...甜品 Next Station ... Dessert:3個新站

港鐵嘅西港島延線卒之通晒車,多咗3個站,以後要過去西營盤至堅尼地城就方便好多。今次嚟Next Station Dessert喺好有目的,都喺為咗佢幾個「新站」,不過,「新站」實際就唔止3個喇。

2015年3月11日星期三

Zoe:好友狂嚐曲(33)

正所謂禮尚往來,小弟不時都請同事食曲奇,依趟輪到同事請番我。一喺唔請,一請就試吓啲有名氣嘅品牌,同事所買嘅曲奇,原來喺嚟自法式餅店Zoe跟蘇施黃合作嘅 「Zozi七彩鹹味曲奇」,與其叫七彩,不如叫彩虹就仲靚啲喇。

2015年3月10日星期二

Casa Pennington:蠔不猶豫

之前曾到訪過Su Casa Chilean Oyster Bar,不單生蠔新鮮,多款意大利菜亦煮得出色,所以,今回有朋友到其姊妹店Casa Pennington再搞局,毫不猶豫舉手報到,再嚟嘆一嘆生蠔鮮味!

2015年3月7日星期六

Espuma:全日高茶

唔知幾時開始興起All Day Breakfast依樣嘢,其實,All Day High Tea又唔知實際上有無呢?晌尖沙咀做出成績嘅Espuma,年初晌中環再下一城,開其第一間分店,直至近日先到訪,喺因為見到佢哋推出一個Sweet Deluxe套餐,猶如兩人份嘅高茶,只限星期六、日供應,不過,由朝到晚都可以食到,變相成為一個All Day High Tea Set。

Berliner German Bar and Restaurant:丹麥直送有機新煮意

早前有幸出席咗一個推廣歐盟有機豬肉嘅午餐會,認識咗丹麥王國(Danish Crown)依個專做有機肉類嘅品牌,從而對有機豬肉多幾分了解,是次活動於灣仔Berliner German Bar and Restaurant舉行。

翠河餐廳 Green River Restaurant:我的星期六美孚早餐 ~ 乾翠俐落

其實,嚟過依間「翠河」食早餐,不過,嗰次無帶相機,個食評就費事寫,除非好差,反正總有機會再嚟。以早餐而言,晌美孚區咁多間快餐店、茶餐廳嚟講,小弟覺得翠河嘅質素可算中上,值得翻兜嘅食肆。不過,補充多句,午餐嘅水準就飄忽啲,前後嚟過幾次,有好有唔好。

2015年3月4日星期三

發現・美好 GuRu GuRu:好友狂嚐曲(32)

之前都曾經講過,自從寫開依個曲奇系列,從食友、朋友收收埋埋唔少曲奇小禮物,間接認識咗唔少城中小店或曲奇品牌,就好似今次同大家分享嘅曲奇,品牌「Dari-K」(www.dari-k.com)就喺嚟自日本京都,空運直送,晌網購店GuRu GuRu可找到佢嘅蹤跡。