agnès b. DÉLICES：純黑厚禮

跟一班相熟食友差不多每次飯局，都會互相送贈小禮物，但不外乎都喺一啲小盒裝零食糖果，志在一齊收吓禮物開心吓。不過，今次收到依份「純黑厚禮」確喺幾「墜手」，agnès b. DÉLICES出嘅純黑朱古力禮盒。因為喺份厚禮，都好奇賣幾銀，所以都「專燈」走去望望，嘩！原來咁貴，真喺要食友大破費，認真唔好意思，總有啲無功不受祿嘅感覺，不過，難得食友誠意，咁小弟就心存感恩慢慢享用。

Haagen Dazs：快樂無限透心涼

晌荃灣城市中心稻香嘆完茶，最尾一籠「飄香榴槤卷」，實在色香味俱泉，九泉之下個泉，仲諗住有個甜點作結，實在搏錯咗，認真失策。所以，為咗彌補依個「空虛」，我哋過去荃灣廣場嘅Haagen Dazs，再戰雪糕。

稻香 Tao Heung：稻日如年

早前同屋企人去過稻坊嘆茶，該次食文已講過越嚟越少幫襯稻香系嘅食肆，因為，質素上有點點每況愈下嘅感覺，食物雖然不斷推陳出新，成日都大賣廣告做宣傳，不過，似乎只喺一味鬥平，唔太講質素。雖然喺咁，仍然茶客不少，午市、下午茶市依樣座無虛席。今次我，太太，加埋個朋友嚟荃灣城市中心稻香，純粹完咗崇拜就腳貪方便。

珍妮曲奇 Jenny Bakery：好友狂嚐曲（八）

又繼續「好友狂嚐曲」贈食系列，依次分享嘅喺2005年開業嘅Jenny Bakery，珍妮賣曲奇賣到開巷，由赤柱賣到出市區， 由港島賣到過九龍，早陣子仲有分店晌中環，都未開鋪，朝朝返工都見有人龍排曲奇，雖然大多數排隊嘅都喺內地客，但都有唔少本地人，不過小弟就從未為其曲奇瘋狂過，搵食隨遇而安可以啦！就好似今次，舅仔買罐珍妮曲奇俾女友一家，志在籠絡一下人心，當然，知道我依個姐夫為食，又成日幫佢手，佢自不然都要俾啲甜頭籠絡一下我嘅，「賄賂」費就喺8 mix果仁曲奇一罐，雖然咁大手筆，但小弟都覺得受得起架，因為平時都幫佢唔少嘢嘛！哈哈！

包裝外觀

Spade by Lassana：妙食Meal Set

年中盛夏嚟過一次Spade by Lassana，當時店子主打售賣法式雪糕、自家烘焙嘅咖啡，以及酥餅、精緻嘅甜點，同埋多款特色三文治……等等，簡單嚟講，就以輕食為主。據店主講，稍後12月初將晌荔枝角區開新分店，因應客源，介時會以多款主食套餐為主打，所以依家先行晌度提早推出套餐，試試水溫兼吸納一下客人意見，以便作出適當調整，務求新店嘅出品更令客人滿意。所以，今晚跟食友獲邀嚟到，查實喺試菜俾意見多過嚟試食！

美心西餅 Maxim's Cake Shop：千篇一栗

之前乘老婆生日之機，就試咗個新出嘅「紫醉甘迷」栗子立體花形蛋糕。今日興之所至，搵埋同事一齊試咗另一款栗子蛋糕「山東板栗果仁脆脆」，亦喺今期全新登場嘅新產品。

師妹甜品 Katie Dessert：剛柔並重

講番少少上文提要，因為入秋天氣涼咗，兩公婆一時興起走咗入長洲行吓，晌長洲嘅西南面兜咗個大圈，買完用嚟送俾親戚嘅一大袋海味之後，返回碼頭都時近旁晚，結果晌碼頭附近內街「得得好店」食完個「下午茶」之後，距下一班大船仲有啲時間，再想食啲甜品先走。今日行咗一大輪先知原來長洲有咁多甜品鋪，不過多數都喺啲生果撈，但食甜品嘅目標清晰，記得有間「師妹甜品」頗有名氣，雖然事先無計劃嚟，最終都想起依間小店，就過嚟食埋件凍餅先上船。

得得好店茶餐廳：炒飯之王

開始入秋，見天氣涼咗，兩公婆一時興起走咗入長洲行吓，因為完全即興，無任何計劃、行程，隨意行，咩都隨遇而安，反正，一心只喺想輕鬆渡過個周末，無謂傷自己腦筋，嘥時間度行程！結果，晌長洲嘅西南面兜咗個大圈，由碼頭行經長洲西堤路，再去張保仔洞，上山搵五行石，行過埋長洲火葬場、墳場，仲有長洲居屋雅寧苑，然後落返大街，依條誤打誤撞嘅路線認真好嘢睇，哈哈。雖然咁，去到傍晚肚餓都要搵食架，路經碼頭附近內街嘅「得得好店」， 心血來潮，又好想試依間嘢，睇佢喺咪真喺「得得好掂」。

華御結 Hana-musubi：再御歸來

之前晌一次試食活動當中認識「華御結」依個「御結」專賣店，藉此，對「御結」（即喺飯糰）多咗份認識同了解，令小弟對「御結」唔喺一舊飯咁簡單。小弟份工比較hea，「難得」加班收得晏，所以，索性今次收工過嚟上環店，買返去當晚餐食，重溫一下日本傳統家庭料理嘅愛心飯糰。

土耳其安塔利亞 Turkey Antalya：香土菜

差唔多近廿年前，小弟有幸曾踏足土耳其，首都伊斯坦堡只屬路過，真正目的地喺卡柏多奇（奇石區Cappadocia）同帕慕卡雷（棉花堡Pamukkale）。仲記得當地嘅天然奇景，煞是有趣。不過，孭住背囊遊歷，樣樣都要慳，交通、住宿喺必需，慳唔得幾多，只有晌食方面著手，慳得一蚊得一蚊，所以對土耳其菜印象非常模糊。今晚，再次掹住馬田兄車邊，同幾位食友嚟到「安塔利亞」（Antalya，土耳其西南部，靠著地中海岸嘅一個省府），首嚐土國菜，認認真真咁了解一下佢嘅味道！

美心西餅 Maxim's Cake Shop：栗栗無窮

每年十月左近，就收到唔少工會單張、電郵，溫馨提示你又到入秋，蛇宴滿天飛，正所謂「秋風起，三蛇肥。」不過，與此同時，山東板栗當造，又例見美心推出唔少栗子為主題嘅蛋糕、甜品，好似以往所見嘅鮮磨純栗子蛋糕、純栗子撻、純栗子杯…等等。

名坊：明查暗坊

之前跟過教會朋友嚟「名坊」燒嘢食，覺得個地方唔錯，可以平平哋，又有瓦遮頭，環境光猛唔似啲燒烤場「黑鬼媽媽」。

麵屋武藏 虎洞 Menya Musashi Kodou：黑虎耐勞

我依類「雜務經理」，晌公司乜都要做，認真克苦耐勞，所以一到週六唔使返工，心情特別爽，加埋有幸出席晴報讀者嘅試食活動，優先品嚐新出有坑紋嘅沾汁麵，感覺更爽。事發地點，就晌海運LCX嘅麵屋武藏　虎洞。據介紹，原來佢早晌1996年東京開業，憑獨特製作技巧造就經常大排長龍嘅超人氣拉麵店，客人絡繹不絕。今回與其他讀者或博客聚首一堂，彼此交流，輕鬆悠閒咁品嚐一頓週末午膳，實在愉快體驗！

金裝燉奶佬餐廳 Daniel's Restaurant：簡單一餐，為慳時間！

雖然，你見依間金裝燉奶佬劣評多過好評，而主要評價都只喺OK，但早晚返放工經過，都仲喺好多人幫襯，所以，睇個評價都好難反映現實。不過，小弟都晌度食過唔少餐，老婆話佢早餐唔喺好得，下午茶試過亦都麻麻，反而晚餐較為好啲。所以，依一晚有點事，無時間去買餸煮飯，兩公婆就搵「燉奶佬」搵掂。

LaVilla：珍珠米的意大利飯

LaVilla嘅半自助午餐一直好想試，喺因為有位朋友試過之後，極力推薦，唔止抵食，雖然唔及酒店嘅自助午餐咁多嘢揀，但勝在質優。趁老婆生日，一於星期六過嚟撐枱腳，慶生日。LaVilla位處尖東尖沙咀中心，靠向梳士巴利道，面向維港。雖然有唔少露天位，其實感覺喺好開揚，不過，一來喺地鋪，睇唔到咩景；二來食正馬路，車流量唔少，費事吸廢氣；三來今日天氣有啲悶熱，坐入室內舒服啲。

馬來一菜館 Café Malacca：馬來．一試再試

有朋友睇過小弟食評介紹賣星馬菜嘅馬來一，心郁郁有興趣一試，而小弟亦都好鍾意馬來西亞依個地方，尤其檳城及浮羅交怡。人少食唔到幾多嘢，所以，就不如多約幾個老友記，一齊過嚟馬來一品嚐其地道星馬美食。

古法烘焙 Gu Fah Bakery：叁加壹唔算數

早陣子試過古法烘焙嘅「回憶之味道」－馬仔（低糖、黑糖），今回趁iSquare新店開張，就試試佢嘅雜錦錦盒，仲要喺有幾樣烘焙酥餅未試過添，可惜中秋啱啱過咗，或者下年考慮買嚟當送禮賀中秋。其實都曾經買過古法烘焙嘅產品當小手信送俾食友，貪佢款式特別，味道有特色，不過都喺獨立一款酥餅嘅小盒裝。依家出埋大盒嘅禮盒裝，包裝應節、大方得體，過時過節，新年中秋，又多個選擇囉！

新店地方更闊落，外觀更光猛通透。