而最養眼就喺近門口堆魚缸，養咗好多又大又生猛嘅海鮮，而好多客人嚟呢度都喺食佢哋嘅海鮮，因為都算喺抵食。
今次由約人、訂枱、安排食乜，都由朋友安排晒，難得小弟乜都唔使搞，只喺幫手食同夾錢。而一行8人，除咗嗌隻長腳蟹，另外就喺選上一款「超值全包宴」，6位用，定價$1,088，共6道菜，好夠我哋8個人食。
清蒸阿拉斯加長腳蟹 $1,130呢隻長腳蟹喺額外叫嘅，堂食價做緊$228 / 斤，秤一秤79兩，好大隻，阿姐好醒目，建議我哋先 慢慢嘆咗隻長腳蟹，然後先再上個套餐。隻蟹確喺好有睇頭，仲附有成碗蟹膏，而剛好一人食一隻大蟹腳，我就想食得疏爽啲，所以，先將成條蟹腳拆晒肉，加上蟹膏，大啖咁食，蟹肉果然好鮮甜，肉質感爽，蟹膏又夠晒豐腴，大家都食得津津樂道。
一清完隻蟹，就安排上套餐，目測所見，亦有唔少客喺嗌呢一款「超值全包宴」，只分別在於6位用定12位用。估唔到，正如阿姐所講，一嗌起得，就堅快上菜，6道菜轉眼就上咗4道，湯品就由阿姐分好一碗碗咁上，最尾就上埋條魚，港人作風，夠效率。
港式避風塘鮑魚（套餐）以「避風塘」做法，唔使多講梗喺惹味十足啦，所以，一送到上枱，嗰陣陣蒜香撲鼻而出，雖然啲鮑魚喺細隻咗啲，反而仲好，兩口就食咗，外層有微微脆口感，裡面就柔韌有咬口，細嚼都頗有鮑味，當然，蒜香突出，最讚喺雖然6位餐，但鮑魚有超過8隻，咁我哋就唔使讓嚟讓去，人人有份！
西蘭花炒蝦球（套餐）呢一道就屬於比較大路嘅粵菜，雖然唔喺咩特別菜式，但喺，用料不賴，啲蝦球好大隻，食得出喺新鮮貨，又鮮甜，蝦味足，夠爽彈，又要讚嘅喺唔會只得6隻嘛！而西蘭花亦都炒得爽身，色澤保持翠綠，全無過腍嘅弊病。
生磨杏汁花膠湯（套餐）唔知真身有幾大鍋，總之分到8碗，碗碗連埋湯料都喺大大碗，毫無欺場。飲落果然有料到，清潤具杏仁香，好飲；啲花膠亦有唔少，小弟就分到件大嘅，好有咬口，仲有隻雞腳啜吓添。
蟹粉扒豆苗（套餐）
一品醬燒雞（套餐）醬燒雞其實跟平常酒席呀、套餐呀見嘅炸子雞差唔多，炸得比較色深，外皮確喺好香脆，咬落肉質嫩滑，皮下脂肪少，又有鮮雞味，一啲都唔失禮，味道上雖無驚喜，但手功紮實。
清蒸龍躉斑（套餐）
個全包宴無炒粉麵飯，亦唔包嘢飲，我哋就額外叫咗兩碗白飯及少量汽水，加番兩個人茶芥錢，埋單每人$300多少少，都算幾抵食。此外，所有菜式嘅質素都甚有水準，份量足，負責我哋枱位阿姐醒目又好招呼，令全晚嘅體驗非常好！
個人評分
味道：7/10
環境：8/10
服務：8/10
抵食：9/10
平均每人消費：HK$55
味道：7/10
環境：8/10
服務：8/10
抵食：9/10
平均每人消費：HK$55
餐廳資料：
海港酒家 Victoria Harbour Restaurant
地址：荔枝角長沙灣道833號長沙灣廣場2樓210號舖
電話：2110 8832
海港酒家 Victoria Harbour Restaurant
地址：荔枝角長沙灣道833號長沙灣廣場2樓210號舖
電話：2110 8832
沒有留言:
發佈留言