Boring?!：消費解「悶」

今晚老婆要上堂，小弟亦唔想煮，所以，等佢放學後出街食，消消費推動吓經濟。過到葵芳新都會，我哋都好方便，返屋企兩個站就到。晌新都會遊上遊落打個轉，睇睇有乜好食，最後嚟到「Boring」，因為見幾人氣，仲要稍稍等位，加上有啲套餐組合，好抵喎，值搏率高呀！

和田便當 Wada Bento：唔止「田」肚咁簡單

過到嚟金鐘，通常得兩樣嘢做，一喺上政府合署，一喺就過去運輸署，不外乎幫公司、幫老細過嚟搞文件。今日過到嚟，又順便睇睇有咩外賣好食。在「遠東」、「海富」兜個圈，見到呢間「和田便當」，吸引入去望望喺因為佢哋喺自助便當販賣店。

佐賀燒肉谷 Yakiniku Guu：今「燒」多珍重

小弟本身算不上日式燒肉迷，喺好久唔久都會幫襯吓，對上一次食日式燒肉都喺半年前嘅事。最近過開荃灣食飯，晌街上接過「佐賀燒肉谷」嘅宣傳單張，做緊午市二人同行第二位半價優惠，四人同行就一人免費，抵喎！所以，就約咗一位同喺食肉獸老友一齊過嚟大擦一餐日式燒肉午餐，講開呢位老友，就絕對用得上個「老」字，由一齊讀小學、上中學……到依家，情誼珍重。

山下無雙日式料理 Uniquesushi：使乜「雙」腦筋

今晚有小組，所以，就算喺星期六晚，都專登返過嚟葵涌，而在地嘅老友介紹，近石籬呢邊有家頗為隱蔽嘅日式小店「山下無雙」，定價相宜，性價比甚高。其實呢邊我都有少少熟，就算有啲隱蔽，都難我唔到，一支公，就晌度食個晚飯嘆一嘆。

Taste Gourmet Group：嚐味‧秋夕月餅

今年真喺食元餅唔多，除咗之前友人送嘅、老婆公司送嘅，其次就喺同家人中秋聚一聚時，交換吓啲月餅嚟試試。不過，仲有一盒喺贈品嚟，不過，一直未開，中秋翌日放假，就開嚟當下午茶。月餅嚟自「嚐 · 高美集團」嘅出品，可以到旗下餐廳換取，最近我返工點就喺過嚟試上環「浦和」拎，順便借個版位出篇食評。

BBQ for Friend：烤友好「燒」息

最近在IG發現到這一家主力賣「加州風味燒烤」的網店，店主更分享如何成就出曾曾祖父留落嚟嘅秘製醬汁食譜，希望藉此跟大家分享這家傳滋味。如要訂購，可瀏覽店家網頁https://bbqforfriends.com/。今日，就趁中秋，在家人屋企做節（只喺樓上棲下），各人都負責一啲菜式，就訂了一份來充場面，哈哈！

戀茶舍 Fall in Tea：一股「戀」流

依家啲茶飲店真喺越開越多，開到比7仔仲多，梗有一間喺左近，早幾日就喺落去順寧道跟親友交收，回程時路經昌華街，見到一家新嘅茶飲店「戀茶舍 」，睇睇啲價錢，跟一般大多數嘅茶飲店都平啲啲，貪新鮮就試吓先。

尚茶 In 喇沙：霸氣喇沙

因為有小組聚會要過返嚟葵涌，出咗葵興地鐵站嚟到光輝圍一帶睇吓有咩好嘢食，行經一啲舊商場仔，晌商場門口位棟咗個「全隻龍蝦喇沙」嘅廣告牌仔，好吸引喎，好奇入去睇睇賣幾多錢，嘩！只賣$76，唔喺啩，齋食隻龍蝦都唔得啦，所以，別無他想，一於就豪一豪龍蝦喇沙。

香港地 Hong Kong Day：就「地」搵食

今次卒之同老友踩單車衝出市區，老遠跑到嚟大嶼山踩一轉，晌欣澳起步，兜一兜迪士尼、迪欣湖，再沿翔東路入東涌，晌東涌食個晏之後再入機場維修區。中午嚟到東涌，大家都無咩心水食乜，嚟到「東堤灣畔」見到「香港地」，貪其落地玻璃，方便睇住泊晌對出圍欄架單車啫，食嘢對我哋嚟講都可以好求其。

NutTea：「仁」氣奶蓋茶

講起堅果，或者果仁，第一時間就喺諗起整蛋糕，或作為零食，隨着科技嘅發展，加埋健康理念，就產生出由植物做嘅堅果奶。之前都曾經試過飲咖啡時用上燕麥奶，感覺唔錯，覺得啲植物奶唔輸蝕得過啲牛奶。「Nuttea」顧名思義就喺以堅果奶為主打，早前就趁吓熱鬧都試一試。

Hong Kong Burger：「堡」證有驚喜

雖然作為美孚街坊，老實講，又唔喺美孚間間餐廳都試勻晒，有時都睇個人偏好。早排試咗間漢堡包店，老婆就揀咗個烤大啡菇素漢堡，大讚好食，最近又話想食番次漢堡，趁佢今日有堂上唔得閒煮，一於外賣。美孚近美孚廣場嗰邊，就有家風評不俗嘅漢堡包專門店，有時經過都見幾多人幫襯，今晚一於嚟試試。 

好茶養生 Hocha.Elite：搔著「養」處

食友知我老婆喺講健康嘅人士，又知小弟都喜歡飲吓啲台灣花茶、果茶，就介紹我試試呢一間「好茶養生」，主打一啲健康、養生嘅中式茶飲，真喺搔著癢處，正合心意。佢仲話，呢間茶飲店以前喺網購店，依家做到開實體，就自然喺有一定嘅實力。

象茶 Elephant tea：不「象」預期

早前逛一逛油麻地果欄，無咩收鑊，打道回府時就必然順便行過去「駿發花園」拍卡慳$2，而行過去地鐵站時，經過呢一間賣台式茶飲嘅「象茶」，見門口企咗唔少人等外賣，好奇下過去睇睇，喺幾抵喎，見口渴就買杯嘢飲吓。

時代冰室 Times Cafe：期「代」落空

老友話太子開咗間「時代冰室」，知小弟都幾喜歡茶記嘢，就趁星期日完咗崇拜落去食個午餐，反正我又未幫襯過。始終食晏時段，真喺幾旺場，都要等一陣先有位，不過茶記有樣好，嚟得食嘢嘅人都真喺食完就走，唔會坐得耐，快上快落，故就算等位都唔會耐。

阿久根和牛拉麵屋：「根」兩十足

上次同夏總踢完早波（其實叫黃昏波），因為講咗返屋企食，未有一齊食晚飯，講話下次先再出約。趁住佢無奈地放大假，約出嚟食餐晚飯。疫情前，佢每年都會去一次日本，年幾無出門，所以，就揀咗食拉麵。地點，都喺油尖旺方便大家啦，最後選上「阿久根」，因為湯底唔喺得個豬骨湯，有其他特色湯底。 

1966 烘焙聯盟：美食「焙」審員

近期最新嘅活化景點，非「中環街市」莫屬啦，好多人就專登走過去打卡，小弟返中環工，趁食晏閃過去就非常方便。然而，較為吸引小弟嘅，都喺二樓一排嘅食店，走一圈，發覺都好多元化，而且，大多數都喺本土品牌，呢個「烘焙聯盟」唔通集合幾家本土烘焙店所組成？原來唔喺，跟店員問問，查實喺「超群」嘅新品牌，1966喺「超群」成立嘅日子。

Osteria Marzia：洋洋得「意」

歐洲菜中，小弟食得較多嘅喺意大利菜，一來意大利菜較為港人熟悉，香港真喺有好多意大利餐廳，二來意大利菜本身又好有個性、好有特色，三來就喺對比起法國菜、西班牙菜，意大利菜嘅價錢一向都俾人覺得親民啲。而一講到意菜，不期然就諗到薄餅、意大利麵，不過，今晚同老友嚟到「Osteria Marzia」，就品嚐不一樣嘅意大利菜，享受不一樣嘅嶄新新體驗。

龍泰小廚 Dragon Thai Kitchen：感覺「泰」行貨

有日行完山經過，見佢新開，睇店名似喺茶記，但門面貼咗好多泰菜相片，又標示話正宗泰式晚飯小菜，然而，上面嘅招牌又寫住中式早餐、串燒，總之就好雜吓。不過，見佢話啲泰式午餐賣$50，包嘢飲，所以，搵次完咗主日兩公婆就過嚟試試。

R&Y's International Cuisine：「督」定一試

陽光普照嘅星期六，又喺出車日，跟老友踩單車，目的地又喺入大美督，不過就先落科學園，再兜入大美督，hea hea哋踩。幾個月前都走咗一轉入去，平平哋去咗「忠誠茶座」，但真喺一般般，今轉老友就話想食好啲，加上有消費券做支持，就嘆餐好嘅。晌網上搵搵，搵到家「R&Y's International Cuisine」，話店主出身自五星級酒店，咁就真喺要試一試。

美心西餅 Maxim's Cake Shop：「月」出越新奇

一年容易又中秋啦，仲有兩個星期左右就喺中秋節，依家啲月餅廣告宣傳真喺好厲害，早幾個月就有。最近，試咗兩款月款，不約而同都喺嚟自「美心」，一盒就朋友送嘅，知小弟喜歡試新嘢，就醒盒新品我試；另一盒就老婆公司送嘅，年年都喺送同一款，印象都俾咗有4、5年。

蝦麵店 Prawn Noodle Shop：嘻嘻哈「蝦」又一聚

3年幾前幫襯過「蝦麵店」架喇，不過，當時喺鰂魚涌店分店（總店味灣仔店），原來，依家已經開咗好幾家分店。今晚，同一位死佬嚟到荃灣分店，品嚐吓馬拉嘢，因為大家都好鍾意馬來西亞，疫情下，相信有排都未出到門。