2021年7月8日星期四

八號草 RINK 8:高質素新場

老友夏總既喺美孚街坊,又喺保齡球友,自從多年前美孚嘅保齡球場無咗,佢就要成日跨區打波。最近佢話見到個場開番,但原來轉咗做一站式體驗場館,有法式滾球、草地滾球、健身房、掟飛標機,仲有間西餐廳,同佢嚟聚一聚食餐晚飯,兼等佢緬懷吓晌度打保齡嘅時光。
大家都喺美孚友,所以,知晒餐廳嘅位置。地方予人感覺寬敞,樓底又相對高,加上幽暗嘅燈光,算頗有氣氛兼環境寫意。再者哋新開關係,裝修新簇,座椅亦好好坐。
基本嘅防疫都做足,而且,枱與枱之間都好有段距離,所以,用餐安心。枱上放咗一大支消毒液,就更睇得出餐廳喺幾注重防疫。
雖然一心喺揀晚餐,但都影影個主餐牌俾大家當個參考,翻一轉,其實都有幾多選擇。由前菜、湯品、主菜、焗飯、意大利麵、意大利飯、素食之選、特色小食、甜品……到全日早餐都有,可謂一應俱全,而飲品亦不愁無選擇,更提供啤酒、紅白餐酒。
至於晚市,提供4道菜形式嘅晚餐,包括餐湯、沙律、主菜及甜品,並奉送餐飲,定價以所揀嘅主菜為準,賣$228-$268;另外餐湯、甜品都有加錢升級嘅選項。此外,下面仲有多款加配優惠,所以,亦唔一定點晒晚餐,當晚就見到有啲客點個鹹豬手,再加配其他嘢,兩個人享用,因為隻豬手真喺好大隻吓。
bowl自家製香草包
香草包拎上手微微暖,塗上少少牛油,已幾好食,因為除咗包身軟綿,仲帶有濃濃香草嘅幽香味,配上小弟揀嘅忌廉湯,就更合拍。
bowl意大利雜菜湯
老友揀意大利雜菜湯,因為忌廉湯唔啱佢,佢就話個雜菜湯好得,除咗味道濃郁之外,酸香醒神,而且,有大量蔬菜,好飲又健康。
bowl露筍忌廉湯
我就揀是日餐湯,因為有露筍,撈一撈,更喺白露筍添,帶點爽口感,而個忌廉湯打得柔滑細緻,口感好好。值得一提,餐湯嘅碗底都墊上花餅紙,喺較老派嘅西餐先見咁做,睇落幽雅啲,但依家已經好少見。
bowl煙三文魚沙律
老友唔食芝士嘅,所以,自然揀呢個沙律,大大件煙三文魚,鹹香好食,襯上少少三文魚籽,賣相就更亮麗,配埋爽脆嘅沙律菜,簡單而味美。
bowl意大利火腿蜜瓜沙律
小弟就對意大利火腿鍾情多少少,配蜜瓜真喺好夾,再者,除沙律菜,仲刨咗好多巴馬臣芝士,增添幾分鹹香味,食味一流。
bowl扒澳洲穀飼西冷
老友喺食肉獸,一眼就睇中西冷,要上五乘熟,煎得火喉啱啱好,而且,坑紋縱橫交錯,份外吸引。佢話一落刀已感覺到肉質非常軟腍,沾一點黑椒汁,非常惹味,而件西冷甚具質素,咬落富肉味,同時又有油香,兼且肉汁豐盈。加上份量十足,食埋啲薯菜,好飽好飽。
bowl法式紅酒燴羊膝
就使就老婆,就會揀上肉類嘅主菜,而肉類中,有羊嘅都會揀羊,因為唔喺間間西餐廳都會提供羊肉類嘅菜式。唔喺講笑,件羊膝大得好誇張,差唔多喺小弟兩個拳頭加埋。啲肉燴到好軟腍,入口極之鬆化,而且,好有羊肉嘅獨有氣味,晌紅酒汁之下,卻唔喺好羶。羊膝下伴有好多雜菜,同樣食完飽到九乘幾。
bowl熱咖啡、凍檸茶
餐飲我哋就無特別升級轉特飲,都喺簡簡單單我要熱咖啡,佢要凍檸茶。襯甜品,都喺咖啡最搭配,雖然只喺一杯即磨咖啡,都做得有心,咖啡好香醇,而啲牛奶喺熱過嚟。老友就話佢凍檸茶嘅茶底名芳香,落檸檬片夠多,冰涼好飲。
bowl法式焦糖燉蛋
甜品亦無升級,食番跟餐嘅都OK,最緊要喺啱食啫。老友嘅法式焦糖燉蛋賣相精緻,面層嘅焦糖做得又薄又脆,好有焦香味,而燉蛋部份好嫩滑,而且,甚具蛋香,喺有水準嘅甜點。
bowl提拉米蘇
做得都似模似樣,加上伴以少少雜莓,外觀一定有加分。蛋糕部份做得好鬆軟,淺色一層嘅馬卡風芝士亦都好柔滑,只喺因為屬於無酒味嘅版本,即喺蛋糕無浸到咖啡酒,有別傳統,但就適合唔嗜酒嘅客人。
環境舒適,招呼好到位,啲侍應亦好有禮貌,雖然呢度晚市嘅價位唔低,平均一個人都要$250-$300左右,但跟質素對等。我哋兩個唔喺中產,但美孚區屋苑大,中產多,相信大有客源。它友更話,區內高質素嘅西餐真喺唔多,依家可以講又多一家。

個人評分
味道:8/10
環境:8/10
服務:9/10
抵食:8/10
平均每人消費:HK$275

餐廳資料:
八號草 RINK 8
美孚百老匯街77號美孚新邨四期商場保齡中心1樓
2320 0919

沒有留言:

發佈留言