話明喺台灣過江龍，當然有不少台灣美食，但款式不限於台式，仲有多款西式美食，如墨西哥薄餅、漢堡、意粉，當然，蜜糖吐司及窩夫鬆餅喺其亮點。（今次影啲餐牌唔喺好清，官裝又無餐牌下載，請見諒！）
近來天氣又熱又濕，晌戶外行兩行都一身汗，坐低首要喺叫杯凍飲解暑。飲品方面，咖啡、花茶、果茶自然選擇多多，更有不少加入台式元素嘅特色飲品。
此外，近來台灣愛文芒果當造，有一個期間限定餐牌，就推出咗兩款相關嘅飲品及兩款相關嘅甜品，我哋一向都喜歡芒果呢種食材，當然要試一試啦。
仲有，餐廳跟Häagen-Dazs聯乘，又推出咗相關嘅飲品及甜品，不過，呢個我哋就興趣唔算大。
百香果鮮柚茶 $45 百香果完全開正老婆嗰瓣，所以，二話不說就喺揀佢。杯內大大片西柚作點綴，而杯面既有西柚，又有啲菠蘿粒，賣相都幾清爽。入口好有百香果嘅果香，酸酸香香咁，又滲出西柚嘅獨特柚香，感覺真喺唔錯。
愛文芒果烏龍冰茶 $48 烏龍茶做茶底一向都幾好飲，而茶底加入愛文芒果汁，令茶味中多添一份清甜嘅芒果果香，而面頭加咗啲芒果粒粒，可以細味愛文芒嘅原味。晌炎夏，真喺點爽得過嘆杯冰涼嘅果茶吖！
夏威夷熔岩漢堡排飯 $128 講明喺早鳥晚餐，當然叫個主食嚟墊吓肚，餐牌中，呢一款漢堡排飯打咗粒星，喺餐廳推介，最估唔到一向偏素嘅老婆都想試佢。飯面淋滿醬汁，喺嫌佢落得唔夠多芝士，熔岩效果唔夠強，不過，件漢堡扒就非常厚身，好有睇頭。
先試啲飯，飯粒軟綿，啲醬汁嘅味道似喺平常食吉列豬扒嗰隻汁，濃郁但帶少少酸香味；漢堡扒相信喺手打，因為，咬落好鬆化，唔會死死實實，而且，好有肉香，就連蘑菇都食得出喺以新鮮貨嚟做，唔喺罐頭嘢。
仲夏芒果鬆餅 $98 兩款限定甜品，其實兩款都有興趣，不過，最後揀鬆餅，都喺隨心而已。一大球HD芒果雪糕放上鬆餅面，周邊再放咗好多芒果肉，並淋上大量芒果漿，灑上少少開心果仁碎，最終嘅賣相確喺幾靚，一身金黃吸引。
一製作好就送上，所以，送到嚟之時仲會聞到陣陣香氣，而鬆餅入口唔單止外層香脆，內層軟綿，仲極有蛋香；而愛文芒真喺唔喺浪得虛名，甜度非常高，而且，個甜味好天然，配上冰涼嘅芒果雪糕及柔滑嘅鮮忌廉，襯一口烏龍冰茶，喺何等賞心樂事嘅享受。
第一次到訪「Dazzling Cafe」，感覺幾唔錯，無論個飯品，抑或碟鬆餅（我都喺喜歡叫窩夫多啲）都好有水準，加上兩杯飲品都好飲。服務都有深刻印象，因為食完個飯，啲餐具都沾滿啲醬汁，當上甜品時，店員都已經自動幫我哋換過一套新嘅餐具。
個人評分
味道：9/10
環境：8/10
服務：8/10
抵食：8/10
平均每人消費：HK$150
味道：9/10
環境：8/10
服務：8/10
抵食：8/10
平均每人消費：HK$150
餐廳資料：
Dazzling Cafe
尖沙咀彌敦道100號The ONE 3樓22號舖
2312 6099
Dazzling Cafe
尖沙咀彌敦道100號The ONE 3樓22號舖
2312 6099
沒有留言:
發佈留言