2021年5月29日星期六
Alva House:「賞」 你食
晌上一篇「November」嘅食評講過,透過早前旅發局搞嘅「賞你住」訂到沙田嘅「帝逸酒店」一晚住宿,標準客房加自助早餐,定價$599(已連稅),旅發局贊助$500,依家只需要補$99就掂喇。所以,嚟一趟本地小旅行,第一日先晌西貢影影近來新登場嘅壁畫,再行茅坪古道,睇睇竹林隧道同西貢藤皇,由西貢行到去大水坑,轉馬鐵落石門,再行過去酒店。第二日呢?就借用酒店嘅單車(免費),由酒店一直輕輕鬆鬆踩到去烏溪沙,然後折返。當然,出車前,就晌酒店一樓「Alva House」食返個豐富早餐先啦。
2021年5月28日星期五
November:11月嘅消暑奇「冰」
早前旅發局搞嘅「賞你住」,總算爭到一席位,可以預約到沙田嘅「帝逸酒店」住番晚,兼包個自助早餐,所以,安排咗個本地小旅行。先晌西貢影影近來新登場嘅壁畫,再行茅坪古道,睇睇竹林隧道同西貢藤皇,由西貢行到去大水坑,轉馬鐵落石門,再行過去酒店。嚟到石門,晌京瑞廣場打個轉,並順便買啲嘢飲。兜兜轉轉見到賣台式飲品嘅「November」,睇睇,有好多果汁系飲品,啱我哋兩公婆喎。
2021年5月26日星期三
Pickabowl:美式「Bowl」仔飯
荃灣算喺我哋兩公婆不時會到嘅地區,因為由美孚過嚟一個站5分鐘車就到,加上近年近西鐵呢邊多咗啲新商場落成,過嚟呢邊嘅機會就更多。今日過到嚟「荃新天地二期」,發覺呢間餐廳好眼熟,再睇睇,醒番起,就喺成年前晌荔枝角幫襯過主打賣美式魚生蓋飯,知道喺健康嘢,所以,就同老婆晌度食番餐。
2021年5月25日星期二
2021年5月18日星期二
噢吧煲煲掂:值得「煲」獎
今晚要做一晚孤獨嘅美食家,因為老婆要上堂,本想約老友聚一聚,但有啲私人嘢要趕,所以,食自己就會方便啲。既有一支公,唔需要就呢個嗰個,就更喺搵啲自己想食,但人哋又未必好啱食嘅嘢啦,搵吓搵吓,見到太子有檔煲仔飯「噢吧煲煲掂」,風評都幾唔錯,況且,好耐無食過煲仔飯,就食完先返歸。
2021年5月15日星期六
四季餐廳 Seasons Cafe:「季」多不貴精
星期六,天氣好,自然又喺我哋一班老友嘅行山日,因為今次嘅人腳喺行慣山嘅組合,所以,就揀咗條新線一齊探吓路,萬一行錯都嚟唔驚。照計劃,由城門水塘轉入「虎蹤徑」,行到大城石澗,過澗之後經小徑上鉛鑛凹,最後就返落梨木樹,當然重點就喺下午茶啦。其中一位老友喺梨木樹街坊,自然由佢發辦食邊間,佢就揀咗佢嘅飯堂「四季餐廳」。
2021年5月11日星期二
西門町台灣麵食 Seam Eett Taiwan Noodles:最佳「西」選
整理吓自己嘅食評時,發覺原來台灣菜都算食得多,小弟向來甚少刻意搵啲咩嘢食,一切隨遇而安。今晚都喺一樣,行經女人街近油麻地一邊嘅尾,發現多咗好多餐廳,香港真喺變化得好快。正當諗緊食乜好,睇見呢一間「西門町」,老友話佢開咗好多年,食過幾次都唔錯,晌門口見有啲套餐,定價都好抵吓。
2021年5月8日星期六
米飯主題餐廳 Red Rice:「米」再有下次
呢排天氣好麻麻,不時勁落大雨,都唔喺好敢約啲老友行山,不過,遇正天氣好轉,就會同老婆即興走一轉短山,由美孚屋企起步,經鍾山台、長坑村……一直上到去金山郊野公園,隨心揀九龍接收水塘或者石梨貝水塘兜個圈,然後返番落美孚或荔枝角,成程大概2hrs左右,輕輕鬆鬆。今轉就落咗去荔枝角,順便搵地方食晏,結果,隨隨便便搵咗「米飯主題餐廳」醫肚。
2021年5月6日星期四
印度皇 Basmati:咖喱先喺「皇」道
近期,印度嘅疫情非常嚴重,相熟嘅老友話除咗作出少少捐款幫幫手之外,亦想支持吓本地一啲印度餐廳,當喺為本地嘅印度鄉里打打氣。所以,相約嚟上環嘅「印度皇」食餐飯。一來餐廳就晌地鐵旁,大家都方便,二來睇到餐廳嘅風評唔錯,諗住呢一頭又靜侷啲,友人會覺得安心啲。
2021年5月4日星期二
2021年5月2日星期日
坤記粥店 Kwan Kee:「粥」緊機會
又喺兩公婆完咗星期日聚會而打算即興行轉短山,打算由石籬起步,沿金山路行到去九龍水塘,再經樹木研習徑落番九龍接收水塘,之後經長坑村落美孚。所以,今日經過石蔭一帶,就偶然遇到呢一家老街坊粥鋪,捉緊機會,兩公婆就晌度簡單食個輕便午餐。
訂閱:
文章 (Atom)