2021年12月31日星期五
Youniqueed:慢活 • 細味
大除夕,有得放早,難得早收工就學人慢活一吓,過到嚟尖沙咀嘅「Youniqueed」,因為見其風評不俗,就豪食一次下午茶。雖然話豪食,又唔喺咩英式下午茶嗰啲咁貴,只喺比起平常去茶記嘅,食得貴啲而已,所以,更加要慢慢嘆啦!
2021年12月29日星期三
鼎家喜筷 Ding Lee:開心「喜」筷
以地區計,荃灣可以講喺嚟得多嘅區域,皆因一個站就過到嚟,加上幾個大商場連埋晒,買嘢、搵食都非常方便。雖然冬至就過咗,不過,都搵個藉口同朋友聚一聚,大家都喺住晌屯馬線之上,所以,揀咗晌「海之戀」開檔嘅「鼎家喜筷」食餐開心聚舊飯。
2021年12月25日星期六
禾味家 Wo Mei Ka: 「禾」諧組合
聖誕節期間,同朋友行吓山喺最佳節目,今次就由金山,一直上筆架山、獅子山,最後經慈沙古道,落慈雲山離開。由朋友帶路嚟到呢一間屋邨茶記「禾味家」食個下午茶先結束,唔喺朋友帶路,真喺估唔到呢度有間茶記,隱秘到呢。
2021年12月24日星期五
淡路 Sushi Awaji:廚師發辦好「路」數
就快到年尾,近日市面所見,周圍都好多人,唔少人趁月底前用埋啲消費券,否則過期無效,買大型家電啦,買手機啦、買影音產品啦,當然,食餐好嘅,食餐豪嘅,都有唔少人咁揀。趁住聖誕,嚟到歌賦街嘅「淡路」,食番一餐高質素嘅「廚師發辦」(Omakase)迎一迎聖誕。
2021年12月23日星期四
PHI Coffee & Pancake:「梳」乎午餐
臨近聖誕,約咗同樣晌中環返工嘅舊同學食晏,當喺慶祝又好,當喺聚一聚又好。其實我都有少少怕食晏時間出嚟同人逼,因為中環放飯時段真喺好多人,人山人海咁,但同老同學食飯就點都要出嚟嘅。選址揀咗新開無耐嘅「PHI」,小弟就未到訪過,試新嘢我一向好有興趣。
2021年12月22日星期三
金燕島潮州酒樓 Come-Into Chiuchow Restaurant:分「金」同味
太大棚人嘅家族飯,晌呢兩年都無出席過,最多只喺啲4人飯聚,自己本身就唔喺太怕病毒,只喺盡量減少群聚嘅社交接觸。冬至翌日晚,都有出嚟食吓飯,只喺跟啲舊同事聚一眾。難得咁耐先見一次,所以,大家都想食好啲,揀咗嚟「金燕島」食潮州菜,話晒佢都喺米芝蓮推介嘛,專做傳統潮州菜。我自己亦好耐無食潮州菜喇,數番對上一次,已經喺年初嘅事,仲要喺外賣嚟。
香港華商銀行公會 The Chinese Banks' Association Ltd:「商」重滋味
返工日,廿多三十年老朋友東哥突然叫到出嚟食晏,當然應約啦。加上因為工作關係,佢唔喺成日晌香港,就更加珍惜呢啲短聚嘅機會。餐廳就由佢揀,就番小弟返工地點,都喺晌番中環,而佢對食都有少少要求,亦唔介紹使多少少,又避免太逼人嘅地方,所以,就揀咗嚟「香港華商銀行公會」。小弟就唔喺銀行業從業員,掹佢衫尾嚟到試吓。
2021年12月20日星期一
華鳥風月 Kacho Fugetsu:煩惱盡「燒」
日本菜一向予人感覺都喺高級啲,夠專注,用料靚,更喺不時不食。今晚同朋友嚟到銅鑼灣食廈Cubus嘅「華鳥風月」,嘆嘆特色料理、串燒,絕對喺高質嘅演繹。餐廳佔地兩層,而要到訪餐廳,喺要先上25/F,呢一層喺新派時尚嘅居酒屋,而落一層23/F(餐廳有專用嘅樓梯)喺附屬嘅雞尾酒吧,餐前或餐後落嚟飲番杯都幾唔錯。
2021年12月17日星期五
i kitchen:再「廠」美味廚房
對上一次嚟「i Kitchen」已經差不多接近5年前嘅事,當時,已經有相當多餐廳進駐入觀塘廠廈,隨時間過去,就算喺疫情之下,餐廳嘅數目都好似有增無減,競爭應該都幾大,然而,仲喺屹立不倒,就自不然有其實力。同啲老友食飯,當然揀啲好嘅、有質素架啦。
2021年12月14日星期二
2021年12月13日星期一
2021年12月12日星期日
太平洋咖啡 Pacific Coffee:又到聖誕!
同老友晌青衣走一轉短山「青衣自然徑」,輕鬆易行,完咗,落番青衣城,都近5:00pm,今次下午茶就唔食喇,因為晏咗,轉頭就返屋企開飯,坐低飲杯嘢兼抖一抖啦!經過青衣城二期門口,撞啱見到間Pacific Coffee,又有啲贈券,一於趁到期前用埋去。
2021年12月8日星期三
2021年12月7日星期二
本地薑 Soul Ginger:突破「薑」局
過嚟葵芳搵食唔算多,都叫間唔時有,但大多數都喺「新都會」、「葵涌廣場」呢一邊,但以地鐵為界,另一邊屬「領展」嘅「葵芳廣場」(跟「葵涌廣場」只喺一字之差)就完全未嚟過。若非老友喺街坊,應該都唔會過嚟吧!今晚就同呢個老死聚聚舊,兩個麻甩佬,食吓小炒,傾吓近況。
2021年12月6日星期一
多賀野 Takano Ramen:「麵」面俱圓
好一段日子無嚟過新城市廣場喇,因為新界一向唔喺小弟搵食嘅集中地,入到嚟食嘢不外乎喺有啲特別事或特別活動。今次朋友開到聲,就入嚟一轉食拉麵,地點原來喺晌日本榮獲東京米芝蓮推介及得過全日本拉麵大獎嘅過江龍「多賀野」,其實佢哋晌香港落戶嘅第一店喺晌尖沙咀,不過,就未幫襯過。今晚就有機會試吓佢哋手勢。
2021年11月30日星期二
2021年11月29日星期一
Opa Mediterranean Bar and Bistro:高質寫意晚餐
睇店名都知主打喺賣地中海菜,其實咩叫做地中海菜呢?小弟理解就喺地中海周邊一啲地區嘅菜式,如希臘、意大利、土耳其……等地,亦有聽人講過喺高纖、高鈣、抗氧化嘅食材運用,就喺地中海飲食,查實喺點我就真喺無深入研究過,總之,今晚嚟到「OPA」,就喺輕鬆愉快食好嘢啦!
2021年11月27日星期六
GREEN:唱出「朱」般甜蜜
對上一次同老婆拍拖食英式下午茶都已經喺年初慶祝結婚周年Staycation時嘅事,轉眼又差唔多過咗成年。最近,到訪唯港薈嘅「GREEN」,因為佢哋同Godiva聯乘,推出咗個「Godiva甜蜜獻禮下午茶」,分兩段時間,選食第二段時間,剛好食完再睇場戲,渡個愉快周末。
燒肉King Yakiniku King:抵食午餐大「King」銷
早前等老婆放完學,一齊晌砵蘭街一家小店食龍蝦車仔麵,但趁佢未夠鐘放學,就晌附近游走吓,偶然睇到呢一間日式燒肉店,見佢啲午餐唔貴,大可搵次過嚟過吓燒肉癮。所以,造就今日同老友晌附近完咗活動,就嚟到食個燒肉午餐。
2021年11月26日星期五
2021年11月24日星期三
千の味刺身壽司專門店 Oi-Shi-Sushi:見異思「千」
過到嚟D2 Place睇啲嘢,而老婆今晚有堂上未有時間煮,索性由小弟買外賣返去食。原本都鎖定咗目標,但就晌嚟之前,出地鐵見到呢間「千の味」刺身、壽司外賣店,見門口易拉架顯示嘅價錢唔喺貴,又有啲特價嘢,所以,唔好怪我見異思遷,改咗晌度買外賣。
2021年11月23日星期二
天吉屋 Tenkichiya:活在「丼」下
10月初去咗一轉東涌Staycation,當時老友送贈咗兩套「昂平360」嘅纜車飛,仲要喺水晶車添,當然,要答謝吓佢啦。所以,今晚專登約佢食番餐飯,選址中間位嘅「朗豪坊」,大家都方便走,而餐廳就翻兜「天吉屋 」,因為兩年多前食過,有保證,餐牌面更印住連續7年榮獲日本天丼金賞獎,實力自然秤高一線。
2021年11月22日星期一
Roji:巷弄尋味
不時都聽到人家講話咩隱世餐廳呀,點為止隱世呢?好食而無乜人知?今夜到訪嘅居酒屋「Roji」就真喺好隱世,兼極有「秘竇」感,因為唔喺有人帶恐怕都搵唔到入口,經過條巷仔先到餐廳,仲要無一個正規嘅門面,有啲似以前晌九龍城寨搵食嘅感覺,有種尋幽探秘之感。
2021年11月20日星期六
西關老祖 Sai Kwan Lo Jo:最後「西」選
踩完單車都好晏,老婆亦多嘢做,所以,簡單啲索性買啲嘢返去食,當晚餐。過到嚟「葵廣」買日用品,故此,順利成章可以幫襯吓呢度啲小店。晌一、二樓打個轉,真喺有幾多選擇,最後篩選出試試「西關老祖」,因為有老婆超鍾意嘅炒年糕。
Hunky Dory:秋日暖陽下午茶
呢排天氣非常之好,涼涼哋,濕度低,中午曬得嚟唔熱,一喺行山,一喺出車,老友約我踩番轉,由太和沿吐露港公路剷到去大圍,再兜另一邊由大涌橋路上返到去,輕鬆踩。尾程,專登晌科學園食個早鳥下午茶,抖抖之餘,更享受吓秋日暖陽。故此,是日就嚟咗科學園三期呢邊嘅「Hunky Dory」,貪佢屬平台層,有片大草地。
2021年11月17日星期三
東哥點心籠仔蒸飯專門店 Dong Gor Dim Sum:入「東」火鍋第一撃
以前我哋一班死佬搞飯局,不時都揀啲任飲任食火鍋,因為,個個死佬都幾食得吓,任飲任食就最易預數,大家可以食得盡情。不過,種種原因下,都無搞好多年,依家就只有三幾個死佬約出嚟搞啲小飯局。今晚,嚟到「東哥」,除火鍋任飲任食,仲有多款點心都喺任點任食。
2021年11月16日星期二
牛牧 Ngau Muk:耳「牧」一新
向來都覺得做飲食唔容易,尤其晌香港,香港人食嘢又咀刁,又鍾意貪新鮮,又要多元化、多嘢揀,當然,又想要平啦。所以,好少餐廳單靠賣幾樣嘢,或一成不變就做得落去。最近,晌旺角試咗間餐廳,啲菜式都幾搞嘢,睇得出菜式設計上都花咗幾多心思,佢嘅名字叫「牛牧」。
2021年11月15日星期一
七代目食堂 Aniki Don:搵食好「燒」息
自表姨女搬咗入西貢鄉郊住,喺不時先出嚟市區,所以,都好耐無同佢食飯。咁啱傾開偈,呢晚小弟無飯開,佢又出咗嚟市區,故相約食餐便飯。地點就番佢,因為佢出開嚟就會返佢阿媽屋企瞓,揀長沙灣,佢就建議呢一間居酒屋「七代目食堂」,小店,有啲質素。其實,我都方便,兩個站就返到美孚。
2021年11月13日星期六
2021年11月10日星期三
Lockeroom Dining:從心「鎖」欲
講到踢波,小弟當然有自己捧嘅球隊啦,不過,講到食,就無咩立場喇,小弟咩都食,好嘅食,唔好嘅都試吓,平有平食,貴有貴食。今晚,可以講深入敵軍腹地「Lockeroom」,但就唔喺刺探咩軍情,只喺嚟食好嘢而已!
2021年11月9日星期二
Poke Go:健康「Bowl」仔飯
大概年多前晌「D2 Place」第一次接觸夏威夷蓋飯(Poke Bowl)呢樣嘢,又多食材混埋一齊,又健康,最緊要夾到,又好食嘛。今日過到嚟鴨寮街睇嘢,順便落埋大南街試吓啲咖啡店,就喺咁啱見到有家主打夏威夷蓋飯嘅「Poke Go」,就喺咁改咗食夏威夷蓋飯為晚餐,健康多一晚咁。
2021年11月7日星期日
Victoria Restaurant:不以「維」然
前陣子,同幾位朋友落太子食晏,推介咗呢一間西餐廳,正值午飯尖峰時段,門外都出現短短人龍,若非喺老友推介,應該就會轉場,因為小弟甚少為餐飯嘥時間排隊。其實人龍唔算長嘅,但排咗一陣已知流量慢,始終喺西餐廳,唔喺快餐店或茶記,結果都等上大概廿多分鐘。
2021年11月3日星期三
金紫荊生記粤菜廳 Golden Bauhinia Sang Kee:海鮮配搭新「酒」勢
認識有啲嗜酒嘅朋友,佢哋好識飲識食,成日聽佢哋講食咩菜配咩酒,講到點樣產生化學作用,好神奇。早兩個月前已聽佢哋提過吓由日本食品海外推進中心(JFOODO)跟本地餐廳搞咗個大型日本清酒聯乘活動「SEAFOOD LOVES SAKE.」,而今年已喺第三個年頭。除日本菜,清酒配廣東菜一樣得,感覺非常新穎,是夜就嚟到會展嘅「金紫荊生記粵菜廳」一嚐日本清酒x廣東海鮮料理嘅罕見配搭。
2021年11月2日星期二
蘇杭冰室 Jervois Cafe:獨領風「蘇」
今晚屋企無飯開,就約咗老死出嚟食飯,趁住要出旺角換啲信用卡禮物,所以,食飯選址於旺角區,加上老死住新界,近番旺角東站佢亦方便走人。最後,搵到嚟「蘇杭冰室」,一來大家都鍾意茶記,二來見佢上環店嘅風評不俗,再者,見佢啲扒餐好似幾得,老死又想平平哋鋸吓扒,所以,就定實晌度食。
2021年10月30日星期六
金石寿司 Kin Seki Sushi:金石良「源」
前文提要,因為無得出門,疫情下同老婆、舊同事一齊入到去石門嘅「帝逸酒店」,玩吓宅渡假,由於所買嘅套票喺一個郊遊樂嘅組合,包一晚酒店房、翌日自助早餐及雙人帝逸郊遊籃,而晚餐就自理,故此,我哋就揀咗過石門嘅「京瑞廣場」嗰邊食,並由於其中一位舊同事好哈日,所以,篩選落嚟就揀咗「金石寿司」。
PitStop:「鞍」心偽郊遊
無得出門,只好晌香港住吓酒店,扮吓渡假,2021年中,曾住過晌石門嘅「帝逸酒店」,玩吓宅渡假,印象幾唔錯。故此,又同啲舊同事夾好日子又嚟玩一趟,而今次揀嘅套票喺「帝逸單車樂住宿計劃」,除包一晚酒店房、翌日自助早餐之外,仲有一套雙人帝逸郊遊籃,而食物喺酒店大堂旁「Pit Stop」嘅出品。
2021年10月28日星期四
鮨廷 Sooshi Gold by Sushi Sooshi:「鮨」本主意
晏晝嚟食「廚師發辦」喺比夜晚相宜啲,繼早前晌上環食過一餐出色嘅「廚師發辦」午餐之後,今回同老友過嚟中環嘅「鮨廷」再一嚐「鮨」味。呢間「鮨廷」新開無耐,但其實佢哋晌尖沙咀有店,仲開咗好耐,風評唔錯,但小弟就第一次到訪而已。
2021年10月27日星期三
村爺爺車仔麵 Grandpa Mura:「村」流不息
早排晌葵涌一間小店食過一道全隻龍蝦喇沙,定價非常相宜,而且,非常好食,今晚趁住老婆要晌油麻地返學,等埋佢放學就會一會「村爺爺」,試試佢哋大熱嘅龍蝦車仔麵,身邊有唔少食友都幫襯過,都一致讚好,加上老婆都話好耐未食過車仔麵,就豪食一餐車仔麵。
2021年10月23日星期六
La Pizza Express:La La 「臨」開餐
年初嚟過牛頭角食嘢,然後,沿觀塘海濱公園由牛頭角行到去觀塘,發覺原來海濱呢度有幾家餐廳,不過,當時已經食咗晏,就齋睇望望吓。今回就過開嚟,揀間平靚正嘅試試,睇到呢一間「La Pizza Express」,一身橙色貨櫃鋪面,幾搶眼喎。
Labels:
九龍-九龍灣、牛頭角,
九龍-觀塘,
美國菜,
意大利菜
Vegetarian Kitchen by Dickson Yoga:心中有「素」
嚟到「Dickson Yoga」,唔喺做瑜珈,而喺搵食。老實講,瑜珈呢樣野真喺唔啱我,行山、踢波、踩單車呢啲力量型運動型我就無問題,伸展、拉筋呢類嘅真喺唔搞我。晌「Dickson Yoga」裡邊,附屬提供埋餐飲,所以,就同老婆晌度食個午餐,之後,佢就過「翠屏」參加義工活動。
雲石堡 Marble BoBo:我的星期六美孚早餐 ~ 一分收獲,就要一分耕「雲」
星期一至五及星期日,基本上我倆公婆都會晌屋企食早餐,而星期六喺最輕鬆,朝早最無乜嘢搞嘅日子,所以,就會出街晌美孚周圍搵吓食、輕鬆吓,之後可能行吓公園,或行一轉短山。今次嘅選擇喺盈暉薈嘅「雲石堡」,呢個場越做越沉,幾間食肆撐得住都喺完全靠街坊生意,基本上唔會有區外客過嚟,因為真喺有少少隔涉,而呢個鋪位轉過幾手,依家嘅「雲石堡」算喺做得長。
2021年10月19日星期二
山系。本舍 yama shǒuzhì:搵食有靠「山」
老友話搵到間隱世日式小店,搵埋我去試試,原來喺位於太子嘅「山系。本舍」。試啲未試過嘅餐廳,當然都幾有興趣,所以,趁老婆返學嘅日子,一支公無飯開,兩個麻甩佬就出嚟聚一聚,傾吓近況,兼呻吓呢樣,呻吓嗰樣。
2021年10月16日星期六
太平洋咖啡 Pacific Coffee:難得校園好時光
以前,因工作關係,一年都有三幾次到大學出席啲活動,但疫情下,已兩年無到訪過。最近,就代公司去咗一轉浸大,原來變化都已經好大。由於早到咗好多,行吓行吓原來呢度有間Pacific Coffee,就晌度食個下午茶,打吓躉。
海皇粥店 Ocean Empire Food Shop:我的星期六美孚早餐 ~ 簡單滿「粥」
晌美孚想食粥,除咗彬記(最初搬嚟美孚時佢叫彬記,後尾轉咗怡園,依家又叫番彬記)、一粥麵(年幾前新開,食過,一般般),比較穩定又近我哋啲有「海皇」,所以,不時都有幫襯,但寫就好少寫,今次,就因為試咗佢哋嘅粢飯,先寫番次。
2021年10月10日星期日
The Salted Pig:滄海遺「豬」
疫情下,有啲朋友好耐無見,好似有一班舊中學同學,每年都搞一、兩次大聚會,話大聚會其實都喺剛好一圍枱,不過,已兩年無見過。依家疫情緩和咗好多,大家出嚟都安心咗少少,但喺,大圍人嘅聚會都未太敢搞,反而,小飯局就感覺好啲,所以,約咗兩個舊同學先嚟個小飯局,聚一聚,所以,造就今日晌「The Salted Pig」食餐晏仔。
2021年10月6日星期三
淳吟居酒屋 Jyungin:「淳」樸和風味
以前去渡船角呢一帶,會覺得唔多方便,依家有柯士甸站就唔同晒,出站後行5分鐘就過到嚟。今晚又趁老婆上完堂,費事煮,到訪「淳吟居酒屋」食餐和風晚飯。呢一帶可謂靜中帶旺,附近全都喺住宅,人口不少,事隔多年再過嚟,眼見多咗好多食肆,而且,特色食肆都可不少。
2021年10月5日星期二
The Porter:飲到一嚿「雲」
中環「煤氣燈街」間特色「星巴克」結業,位處隔郯商廈內嘅「The Porter」變成晌呢條街啲唯一咖啡店,相信其生意會上漲不少。而同事對飲咖啡都甚有研究,亦喺其長期客戶,不時落去幫襯,剛啱早前有個買一送一嘅活動,就醒咗杯咖啡俾小弟。
訂閱:
文章 (Atom)