2020年2月26日星期三

泰潮 Thai Chiu:平得「泰」過份

由於新型冠狀病毒疫情持續,近乎日日都有新增個案,飲食業當然一啲都唔好過。見到有酒店餐廳連外賣都有做,就知大家為保生意,都要扭盡六壬。而家下唔少餐廳都以外賣為主力,近排就見Openrice同好多餐廳合作推出好多獨家外賣自取優惠,攞過米芝蓮推介嘅「泰潮」就喺其中一家。

2020年2月25日星期二

Cafe 82:閒情午餐

趁得間,兩個美孚友約出嚟食晏,有兩間餐廳都未試過:Cafe 82及新上海餐廳,俾咗老友夏總揀,佢就喜歡Cafe 82多啲,佢話之前嚟食過晚飯,覺得質素唔錯,咁就先到先搵位啦。其實Cafe 82已開咗一段日子,不過,小弟就仲未嚟幫襯過。

2020年2月24日星期一

美心 MX:摻摻午餐

公司一向有包伙食供應,足不出戶餐晏就晌公司搞掂,但新冠狀病毒疫情關係,有啲新安排,包伙食就暫停咗先,同事們就叫住外賣。由於「筆直」有限,所以,我哋都喺嗌快餐店之類。今日就試咗「美心MX」嘅喇沙,覺得唔錯,就草草哋寫番篇。

2020年2月22日星期六

La Creation de Gute:自家製周末早餐

早前經過K11嘅「La Creation de Gute」,被佢啲裝潢吸引到,而第二朝嘅早餐又未諗,心諗就不如入去睇睇,有啲咩高質素麵包賣,用嚟第二朝做個豐富嘅周末早餐。

2020年2月18日星期二

梅蘭菊竹 Heart Spade Diamond Club:「疫」流大縮

早前有一套本地電影「逆流大叔」,真喺講正唔少中年人所面對嘅難處,我哋一班老同學都年屆大叔之齡,當然有不少共鳴。小弟都好耐無出街食嘢,今日因要事約咗位老同學食晏,之前有社會運動,依家又有疫情爆發,睇見啲餐廳捱吓捱吓,生意額大縮,真喺唔知捱唔捱得過呢個寒冬。

2020年2月5日星期三

東海堂 Arome Bakery:「深旨」你心

早前友人試過一款「東海堂」新出品嘅芝士蛋糕「深旨‧芝士蛋糕」($55),推介俾小弟,認為好啱我味。老實講,咩甜品我都啱架啦,芝士系就更喺其一,再者,東海堂嘅出品向來都有信心。

2020年2月4日星期二

Amelia Hong Kong:有「星」有色

早前到訪過米芝蓮一星坐擁維港景主打法日菜嘅「Tirpse」,今晚就同幾位朋友嚟到同樣獲米芝蓮一星,又可以欣賞到維港景色,不過,主打喺西班牙菜式嘅「Amelia」。其實,小弟就唔喺太着眼於喺唔喺米芝蓮星級,喺好嘢就有興趣一試啦,據講佢仲喺店家嘅首家海外分店嚟。餐廳位處「海運大廈」,地下層入口處,所以,好易搵,尤其搭完天星行過嚟「海運」就見。

2020年2月2日星期日

奇華餅家 Kee Wah Bakery:好友狂嚐曲(86)

晌農曆年,我同啲親戚都仲維持大家族式團拜,即喺多個家庭一大班人聚晌某人屋企嚟聚一聚,共賀新禧。不過,除咗派利是俾啲細路之外,送賀禮已經好少喇,只喺,偶爾會收到一份半份而已。而今年,其中一份收到喺嚟自「奇華餅家」出品嘅「精選迎春禮盒」,以一對錦鯉作為包裝盒嘅設計,明顯喺寓意年年有餘,可謂大方得體。