2019年8月4日星期日

皇玥餅藝 Imperial Patisserie:流出經典

可能大家近期晌地鐵嘅燈箱成日都見到佢哋嘅廣告,最吸引到人喺兩位師傅嘅介紹,一位葉師傅,一位黎師傅。其實,早幾個月前都試過佢哋嘅蛋卷,而仲有大概一個月時間,就喺中秋,專誠走訪吓佢哋尖沙咀店鋪,睇睇有無啲應節新產品。
佢哋鋪內嘅裝修都好雅致,入門口右邊,搭番個舊式餅鋪嘅場景,無論啲格仔磚,抑或啲吊扇、燈罩、掛鐘……都甚有五、六十年代嘅味道。
最正喺一張大卡板,介紹吓所有應節產品,一目了然,而且,又可以試食吓喎。不過,據店員所講,今年銷情好理想,部份款式已經無貨。
而另一邊廂,就喺月餅以外嘅其他產品,如蛋卷、酥餅、酥條、曲奇……等等。
bowl流心薑汁白蓮蓉月餅 $378
除咗好食,佢哋嘅包裝仲好得體,先喺外層嘅通花剪紙,畫有祥雲月下嘅獅子山,跟住內盒喺以金銅色為主調,透過紙料巧妙精製而做出獨特皮革理紋,非常有品味嘅設計,送禮絕對夠晒體面。
打開內盒,標準設定,就喺有啲宣傳資料,包括兩位大師傅嘅介紹,旗下得獎產品嘅介紹……等等。更強調所有月餅100%香港製造,品質保證。
仲有,備註大師嘅溫馨提示,最佳食法,就喺預熱焗爐150°C,加熱5分鐘就最好。無焗爐都無問題,以平底鑊預熱1分鐘,再加熱3-5分鐘亦得。
上下兩層,放有共8個月餅,全獨立包裝,夠晒衞生,不過,依家絕大多數嘅包裝都喺咁樣。
每個流心薑汁月都烘得金黃,而且,做得細緻,先喺外層餅面壓印出店名「 皇玥」二字,字形清晰;將月餅切開,餅皮四面厚薄均勻,流心薑汁蓉就正正晌中心位,白蓮蓉清甜不膩,流心餡軟綿綿,好夠「薑」,真喺極有水準嘅出品。
舊年試過佢哋啲奶皇系列產品,果然喺大師級質素,而今次所品嚐嘅白蓮蓉,亦做得有一手,真喺自用送禮都兩佳宜。

個人評分
味道:8 /10
環境:7 /10
服務:8 /10
抵食:7 /10
平均每人消費:HK$48

餐廳資料:
皇玥餅藝 Imperial Patisserie
尖沙咀加連威老道43號地舖
2361 8080

沒有留言:

發佈留言