2019年8月13日星期二

咖啡空間 Coffee + Space:一個人嘅咖啡空間

認識「咖啡空間」都喺偶然嘅事,老實講,城市花園商場呢啲真喺屬於隱世商場,亦可以講喺街坊商場,唔喺附近嘅街坊應該都甚少走入去,因為除有少量食肆,其他都喺街坊店,如賣家品、補習社。
叫得「咖啡空間」,就梗喺咖啡喺賣點,空間又喺賣點啦,室內嘅面積頗大,但勝在擺嘅座椅唔會過多,形成空間感極強,唔會有咩壓迫感,令人頗為自在。
再走一轉,喺家好個性嘅小店,因為,場內放有唔少大書架,當然,書都有(隨意借閱),仲擺放唔少咖啡及音樂嘅相關物品。
此外,更猶如一個小小展覽室,有畫、有陶瓷……等等,唔喺店員講都唔知,有啲畫下附有二維碼,掃一掃就有歌聽,皆因畫家亦喺個歌手嚟。如細心留意嘅話,就連擺設有啲都好有藝術感。
但講到最搶眼,相信喺餐廳正中央嘅live band位,不過,並唔喺日日都有人嚟表演,主要都喺星期五、六晚,好似大概7:30pm,有興趣邊食邊聽歌嘅朋友,最好事前打個電話嚟問問就穩陣啲。
其實,講咗咁多,倒不如睇睇佢哋張單張,就放晌餐枱上隨便拎,望望就知道餐廳嘅定位。
講到食物,午、晚市主要喺套餐,都喺同一個餐牌,可以單售,就$55,而包是日餐湯及指定餐飲,就賣$60,所以,點會唔選後者吖。然而,晚市嘅選擇唔算多,只而6款菜式而已,但算喺沙律、意粉、飯品、米線……有唔同款式。晌櫃枱落單後,就會有個電鳴器,待響機就可以到櫃枱攞食物。
本來喺打算嚟試試佢哋嘅特調手沖咖啡,因為喺店內自己烘焙啲咖啡豆,可惜,晚市喺無供應,但幸而有多款頗特別嘅台式飲品。如想轉飲此版台式特飲,則9折價。
其實,佢哋嘅飲品都幾多選擇,如多款特別咖啡、茶品、特飲,估計喺人手所限,晚市就做唔到咁多。
最搞嘢喺竟然有啲啤酒、梅酒、清酒、紅酒……等等供應,再細心啲睇睇,哈哈,原喺喺隔離嘅「泰金香小廚」代為供應嘅。
bowl南瓜忌廉湯 
雖然喺小店,但個湯做得一啲都唔馬虎,好有南瓜嘅清甜味,都算得頗濃郁,質感未到話好細緻,卻飲得到一份柔滑感。
bowl日式咖喱雞排飯 $60
個咖喱飯做得有板有眼喎,淋上大量咖喱汁之餘,仲加上忌廉,少少沙律菜做伴菜,立時好睇好多。唯一同預期有少少出入,就喺以為會簡簡單單嘅煎雞扒,點知喺多花功夫嘅吉列雞扒。
撥開啲咖喱,原來仲有半隻溏心蛋(但就唔算好溏心),而個咖喱有微甜,仲輕輕滲出點咖啡味,好似日漫「天才小廚師」味吉陽一煮嘅咖喱咁,加咗啲咖啡;咖喱配軟綿綿嘅飯粒,其實可以好好食。至於件吉列雞,比預期好喎,唔油膩、肉質嫩口,而且,整體份量大,抵食。
bowl沖繩黑糖奶蓋手工咖啡 $33
飲品改咗杯台式特飲,因為跟餐嘅黑咖啡,小弟真喺麻麻,再者,奶蓋、黑糖喺小弟「飛弗」,所以,又點會唔揀呢一杯凍飲吖。賣相好靚仔,先飲一口,咖啡頗醇香,將沉底嘅黑糖跟芝士奶蓋攪勻,有種層次感,香甜中又嗒到芝士嘅鹹香味,猶如飲海鹽焦糖鮮奶咖啡咁,啱晒我口味。
bowl伯爵茶蛋糕 $30
因為上述幾樣嘢都好食,再追加件手工蛋糕,如果嚟食下午茶餐就好划算,一件是日推介蛋糕配指定飲品,都喺賣$40,但單點就要$35。不過,店員都好好,話跟晚餐就$30啦,都唔知喺咪臨收工,賣大包俾我。
初時以為就咁蛋糕一件上枱,點知嚟到喺擺碟擺得咁靚,放咗唔少新鮮芒果粒粒,仲灑上糖霜,唧咗啲朱古力漿,夠晒睇頭。蛋糕嘅伯爵茶味頗為突出,面面放有乾果同燕麥,唯挑剔位喺質感未夠鬆軟極致。
今餐雖然得一個人,但好享受寧靜嘅空間,讓小弟可靜心想想事情。店員亦唔會太多騷擾,但服務好好,因是晚客人唔多,主動捧餐俾我,又講解咗少少餐廳營運嘅理念。想安舒咁同朋友傾吓偈,呢度確喺一個理想嘅「空間」。

個人評分
味道:8/10
環境:8/10
服務:8/10
抵食:8/10
平均每人消費:HK$123

餐廳資料:
咖啡空間 Coffee + Space
北角電氣道233號城市花園商場14座1樓95-96號舖
3705 2595

沒有留言:

發佈留言