2019年7月30日星期二

正品小館:正確之選

除咗啲家族做節飯,感覺好似好一段時間無食過粵菜或中餐,早陣子有食友話佐敦有家小店,啲小炒幾得,重點喺平吖嘛,真喺做到平靚正,初時,都喺聽完就算,無記晌心,最近就約咗親友食飯,忽然想返起呢家小店「正品小館」,結果就成了呢晚嘅小店飯局。

2019年7月27日星期六

NOBU:周末瞬食

老婆剛剛完成一個為期3天嘅實習,面對一啲特殊兒童,真喺需要花唔少心力,故此,帶佢嚟到洲際酒店以創意「新派」日本菜式享譽國際嘅「NOBU」食餐高質素嘅日本菜,以示慰勞兼鼓勵一下佢。是日天氣非常好,到嚟呢一類「有景」嘅餐廳食晏,自然其附加價值更能突顯。

2019年7月18日星期四

The Joomak:重新素造

年多前曾嚟過The Joomak食飯,所以,知道佢哋喺賣啲新派韓國菜,亦知道佢哋都幾支持素食,仲晌逢星期一搞素食放題,上次嚟我都喺專登揀素嘅菜式。今晚,就同老婆及親友,一行3人嚟食餐半素半肉嘅新派韓餐。

2019年7月15日星期一

Porterhouse:午餐.加推自助健盈沙律吧

晌中環返工,一到晏晝搵食真喺唔易,周圍都人山人海,不過,肯花點錢,又走高少少,就會搵到啲寧靜,又高質素嘅餐廳。最近,同舊同學聚一聚,到訪位處加州大廈提7樓嘅「Porterhouse」就喺一家講質素、環境好嘅餐廳。

2019年7月14日星期日

第三站 Station 3 Cafe:飲、食、玩一站式

早年啲樓上食肆以啲小店居多,但依家,隨着食廈嘅出現,樓上鋪都為分喺細店定大店,邊類型、咩規模嘅餐廳都有,所以,相信搬上樓競爭一樣唔細,生意一樣唔易做。若能屹立得住,必定有其原因,最近到訪嘅「第三站」就喺見其風評不俗,又有老友試過,較有信心一試嘅樓上西餐廳。

百味車仔麵:味盡人意

今周日得夏總兩公婆蒲頭,人少少,就落太子食車仔麵,其實,每次聚完會落太子食晏,都喺其他人話事多,我就絕少會俾意見,反正我就真喺乜都食。

2019年7月13日星期六

Odelice!:Oh~~~Delicious!

好耐無同老婆拍拖更過嚟港島呢邊,所以,趁呢個星期六大家都無乜嘢搞,可以輕鬆啲,就行吓香港公園一帶。順道過埋嚟灣仔頭蘭杜街嘅「Odelice」食個午餐。大概年幾前同朋友到訪過尖沙咀店,印象中喺有質素嘅,而且,仲記得有款牛油果班尼迪蛋,喺好啱老婆口味嘅菜式,故此,更加要帶佢嚟試吓。

2019年7月9日星期二

百川居酒屋 Hyaku kawa Izakaya:百試不厭

其中一個表姨甥女啱啱去完濟洲玩,聽佢講話幾好玩,風景唔錯,仲話有啲手信送俾我,喺樂天隻藍樽82%骰仔朱古力粒,晌香港暫時都未搵到架,真喺有心。所以,不如約埋食餐飯,知佢一向都喜歡日本菜,所以,揀嚟銅鑼灣嘅「百川屋酒屋」。

2019年7月7日星期日

野玩田店 Something Wild - The Farm:抵玩半自助午餐

兩年幾前同朋友嚟食過晚飯,嗰時都睇過佢哋晚餐以外嘅餐牌,知道佢哋有做半自助午餐,嗰時嘅食評仲話會搵日帶埋老婆嚟試吓,結果,「搵日」就搵咗兩年,順道慶祝埋老婆嘅朋友生日。

2019年7月6日星期六

Espuma:秘境夏午茶

間唔時都會同表哥一家食吓嘢,之前就講開啲高檔下午茶,表姪女未見識過,咁啱「Espuma」新出咗個夏日「渡夏秘境」下午茶,又見幾年無到訪過,故此,就帶佢嚟見識吓。表嫂就話喺咪啲闊太瞓到日上三竿先出嚟飲茶嗰啲,我話類似啦,但依家啲「高茶」好普及架啦!

2019年7月1日星期一

意樂餐廳 Cafe de Itamomo:我的星期六美孚早餐 ~ 快樂早餐

同屋企人嚟過「意樂餐廳」食晚度架喇,嗰次印象幾好,結論喺佢哋嘅食物多元化,質素唔錯,定價亦算親民,環境有個性,喺值得翻兜嘅餐廳,所以,今早行遠少少嚟食早餐,順便過埋隔離鋪「759」入貨,哈哈!