Tapa Room：驚喜小食店

好耐無搵麵包班同學仔Ivan兄撐枱腳，待佢去完一轉大阪返嚟，聚一聚，收吓手信，睇睇相。同學仔喺食嘢有啲要求嘅人，但好就好在唔強求，佢亦好少少杯中物，但就唔會飲得過份，喺淺酌型，所以，今晚同佢嚟到銅鑼灣嘅「Tapa Room」，絕對附合晒佢要求、喜好。

大街小館 Big Sweet House：樣樣街精

身邊嘅老友都知我甚鍾意食甜品，不時試到咩好嘢都通知聲，而小弟近呢個月，前後都品嚐過兩間好嘢，均是值得推介嘅小店，就喺旺角嘅「果粒粒甜品」及佐敦嘅「大街小館」，前者已經另文寫過，今篇就介紹後者。短短一條吳松街，都已經有4家甜品店，不過，附近食肆多，又有條廟街，客源應該唔使擔心。

Layback Cafe & Bar：值得I'll back

表姪女考完晒試，表哥啲時間自由啲，所以就專登約佢食餐晚飯，大家又可以呻吓工作上嘅難處、唔公平嘅對待……等等。表哥話未上過啲樓上咖啡店，所以，晌網上搵兩搵，摷到「Layback Cafe ＆ Bar」，參考過啲食評確，感覺唔錯喎。

金牌源記：天賜良源

曾幾何時，蒸汽鍋如雨後春筍開到成行成市，不過，經過汰弱留強嘅階段，依定算叫做穩定落嚟，即喺偶爾會見到有新店開張，但就唔會突然爆好多出嚟。好一陣子無食過蒸汽鍋喇，有好友推介荃灣嘅「金牌源記」，因為有啲超抵食嘅蒸汽鍋套餐，再者，荃灣對我嚟講好就腳吖，一個站就返到美孚。

茶茶台式料理 Cha Cha：茶出美味緣由

早幾日先同啲朋友晌太子嘅「台灣麵」食完台菜，估唔到今晚又喺台菜之夜，不過，就喺台式嘅一人火鍋。近來，聽食友提及呢家台式料理店「茶茶台式料理」風評不俗，趁出開旺角上堂，同親友嚟食個快速火鍋填肚先。

冬蔭NOODLE Tom Yum Noodle：冬山再起

老婆要出尖沙咀返啲興趣班，趁有空送佢返學之餘，自不然一齊食埋個早鳥晚餐。晌尖沙咀搵食，話易又得，話難又得，因為周街大把餐廳，難就難在太多，間間都想試咁。好似都有半年多無乜食泰菜，今晚餐飯就定咗食泰菜。

台灣麵 Taiwan Kitchen：麵麵相覷

同啲朋友過到嚟太子「始創中心」搵食，本來原意喺去「紅蔥頭」，但竟然遇着內部裝修，繼而到地庫嘅「台灣麵」食吓台灣嘢。近年，台菜，尤其主打台灣麵嘅食店，晌香港都開咗唔少，相信競爭都幾大。而「台灣麵」晌好多年前都到訪過荃灣店，所以，都知佢哋晌香港屹立咗好多年，能做到咁耐，自有一定嘅實力。

Jashan Celebrating Indian Cuisine：香味印記

「Jashan Celebrating Indian Cuisine 」晌中環屹立咗好多年，因為回顧番，約5年前都曾經同一班朋友嚟食過晚飯，睇番嗰次食評，總結喺食得盡興嘅一個夜晚。咁多種外國菜系，印度菜喺小弟其中一種喜愛嘅菜系，因為既有特色，又有個性。讀港大嘅表姨甥女考完晒試，就專登約佢過嚟中環食晏，眾所周知，中環食晏周圍都多人都不得了，揀「Jashan」就貪其位處荷里活道一帶，搵食嘅人相對少啲，可以慢慢坐，慢慢傾。

雪山冰廳：細雪當年

對上一次同一班老友嚟「雪山冰廳」已經差唔多喺年半前嘅事，嗰次一棚人嚟就食晏，都喺叫啲特餐、午餐之類，今次因為過開嚟深水埗鴨寮街睇睇啲電話數據卡，就順便約啲親友食個便飯。地點揀咗「雪山冰廳」，一來位置上當然就佢哋啦，其實大家都喺晌深水埗大，都幫襯過「當年」嘅「雪山冰廳」，自然話題多多細說當年，二來茶記最好，夠多嘢揀，又平靚正。

奇華餅家 Kee Wah Bakery：端午新糉類

仲有唔夠兩個星期就喺端午節，應節活動方面，熱辣辣天氣之下睇扒龍舟就真喺無乜興趣，但食糉呢？就當然啱我啦，多謝友人，讓小弟試咗兩款新糉，一款肉，一款素，可以講同老婆各有所好。

南山冰室 Le Mont：折足先登

香港人最叻喺咩呢？其中一樣喺「唔執輸」，正所謂「執輸行頭慘過敗家」，早前睇到食友嘅食評，介紹到呢家茶記啱啱新開張試業，查實有新茶記開業，唔會喺咩大新聞，但吸引到小弟去留意就因為竟然做緊5折優惠，讚呀！當然快快手，要捷足先登啦。

Coffeelin：品味閒情

西營盤呢區，甚至西環一帶，雖然唔多到訪，但有時從飲食雜誌，或食友口中，都收到唔少有關呢區個性特色小店嘅消息。最近，到訪嘅「Coffeelin」就喺其中一家，店家嘅地址雖然標明晌高街，其實鋪位面向住大斜路嘅西邊街，對面仲有座小教堂，街上遊人唔多，有種小區悠閒嘅感覺。

微酵烘焙 Share le Pain：骯髒大道

雖然都半年前，但食過一次「 微酵烘焙」嘅「髒髒之胖」，印象甚深，所以，知佢九龍開咗新店，都想重溫其滋味。而今次個標題就語帶「雙」關，第一就喺估唔到佢嘅骯髒包咁好食，殺出一條血路，第二就喺佢哋其他嘅出品都有質素，受客人歡迎，否則都唔能夠再晌九龍及新界開店，迎嚟一條康莊大道。

Kim's Bowl：韓食好路素

依家嘅素食店越開越多，就算唔喺打正旗號賣素食，一樣會加入一啲素食菜式。最近，食友試過中環嘅「Kim's Bowl」，覺得唔錯就推介俾我，而餐廳又近我公司，撞啱今晚無飯開，行過嚟食埋晚飯先返歸。

駿景軒 Golden Valley：母親節 ｢頌親恩｣ 自選套餐

因為母親節快到，近日不時收到唔少相關嘅推廣資訊電郵，有心孝敬阿媽嘅，當然喺食好啲啦。其中一個資訊喺嚟自灣仔「英皇駿景酒店」嘅「駿景軒」，主打川菜、粵菜，最緊要喺環境高雅，服務好，等阿媽食都食得開心啲！

La Famille：絕無排戚

繼早前晌旺角「粒粒果甜品」開心「些牙」甜點之後，再次開心「些牙」甜點，但今回喺戚風蛋糕，嚟自La Famille嘅出品。幾時都喺，一齊分享美食先會更加開心，尤其對住好嘢食，絕無排斥！