娘娘 Goddesssnack：「娘」性競爭

今日過一過到去「元創坊」睇啲嘢，行經「伊利近街」時，近角落位有間小店，因為門面紅晒色，晌呢條小巷嚟講都幾搶眼，加上店名叫「娘娘」，睇埋佢英名譯名就知佢喺賣小食。就晌門外駐足望兩眼，有啲特色三文治賣，轉頭處理完事務就順道晌度食個晏。

Luna Cafe：「芝」味迎聖誕

小弟呢類返寫樓工嘅人，一啲餐廳只有閒日下午時段推出嘅優惠，就一向無福消受。不過，今日唔同喇，平安夜有得早放少少，所以，收工就走過嚟上環嘅「Luna Cafe」嘆個只有閒日先有嘅下午茶蛋糕套餐，享受一下閒暇嘅時間。加上喺平日，光顧堂食嘅食客唔多，讓小弟獨個兒更享受自在嘅空間。

城寨風味 Wall City Flavor：「城」先啟後

知道「九龍城廣場」搞咗個「光影聖誕城」展覽活動，將香港電影同大戲院文化舊貌還原，雖然規模唔大，但幾個場景佈置都做得似模似樣。小弟喺啲老派人，專登嚟睇睇懷緬吓昔日情境。而搵食方面，睇到廣場內嘅「城寨風味」嘅風評不俗，是日晚餐就在此落腳。

將軍麵館 Captain's Noodles Place：值得再見「麵」

今次同啲團友嚟到西洋菜街食晏，「創始中心」下面間「台灣麵」話食到厭，另一家常到訪嘅車仔麵「百味車仔麵」亦幫襯得太多，今次想轉轉為味，就試吓同街嘅另一家麵店「將軍麵館」，大家都無試吓，志在搏一搏當試吓新嘢。

美心西餅 Maxim's Cake Shop：「撻」Q之作

晏晝上咗3個鐘堂，返到嚟美孚，剛行過萬事達廣場家「美心餅店」，口痕痕想食啲甜點，所以，睇睇有咩平靚正，買啲返去同老婆下午茶。

沙嗲軒 Satay Inn：「軒」起美食新一頁

年半前嚟過一次呢家「沙嗲軒」，不過，當期時主要喺品嚐其「星洲三點」下午茶套餐，性格比非常高，可能抵食，多客人幫襯，故此見佢哋依家都仲有做。然而，今次就喺同朋友嚟食晚餐，當做冬又好，賀聖誕都好，總之，搵個藉口等大家聚一聚啫。

御膳 Imperial：一遇再「御」

依家同人講去啲廠廈食私房菜，已經唔喺咩新鮮事，但記得8、9前，由於工廠區嘅廠廈慢慢變得十室九空，而地鋪租金拾級而上，開始有唔少食肆進駐廠廈，與此同時，私房菜嘅概念亦開始普及咗好多，無十年、八年前咁神秘感。事隔4年多，再訪「御膳」，見仍然有咁多客人支持，就知有一定嘅實力啦。

板神鐵板燒日本料理 godofteppanyaki：抵食有「板」法

唔知喺唔喺社會事件問題，近來就見唔少餐廳推出好多優惠，繼幾個月前到過機場嘅「空港居酒屋」大嘆鐵板燒，今晚同表哥嚟到觀塘嘅「板神」，同樣因為有超抵食嘅鐵板燒推出，點抵法，一陣你就知。

芝麻開門甜品專門店 Open Sesame Dessert：「芝」潤味美

老友知小弟喺榴槤粉絲，又喺甜點迷，介紹我呢間新開嘅甜品店「芝麻開門」，再者，位處太子，對我嚟講非常方便。加上呢區近地鐵嘅周邊，食肆多到日日嚟試，食幾個月都未試得晒呀，故此，最好晌附近食完飯，過嚟食份甜點先走。

Hokahoka：普通之選

死佬飯局因多重原因，都停咗成年幾、兩年，暫未知幾時會搞番，不過，就有同個別死佬食吓飯、聚一聚。今晚，就多幾個死佬一齊，一行8人，就搞咗個小飯局。時間、選址都喺由佢哋負責，小弟就跟大隊按時出席，而所揀嘅餐廳喺尖東嘅「Hokahoka」居酒屋。

金卷食品：「脆」味鳳凰卷

曾經喺島民嘅小弟，真喺好多年無入南丫島喇，最近好友入咗南丫島走一轉，仲專登買咗盒手工鳳凰卷送俾小弟，實在唔話得嘞！出品嚟自「南陵金卷」，話時話，晌入面住過4年多，都無幫襯過買佢啲鳳凰卷添。

一粥麵 Super Super Congee & Noodle：我的星期六美孚早餐 ~ 「粥」錯用神

晌美孚區想食粥嘅話，大多數都喺落「海皇」，質素穩定，又經濟實惠，唯一唔好就喺冷氣勁大，近乎坐邊個位都喺咁。其次，就喺落「怡園」，感覺唔錯，只喺相對我哋嚟講遠少少。最近，老婆報料話以前晌「曼克頓山」嘅「又一間」執咗，依家變成「一粥麵」，故此，今個星期六專誠行過去食餐早餐。

咖哩爸爸 Curry Pa Pa：冬日「咖」到

近日，卒之明確有啲涼意，清早又低過廿度，有少少入冬嘅感覺。雖然，依家食火鍋都無分季節，但天寒地凍「打鞭爐」較有感覺，所以，是夜同親友嚟到「咖哩爸爸」涮番餐。貪佢定價OK，又有啲優惠，兼且呢一類火鍋放題比較有預算。

車輪餅小姐 Ms. Wheel Pie：天「輪」之樂

作為美孚街坊咁多年，唔喺講笑，小弟真喺未幫襯過「車輪餅小姐」，事緣開檔初期，因各大媒體猛咁推，佢哋鋪面又細，好幾次經過都見到長長人龍，我就最怕排隊，整整吓就無咗幫襯嘅念頭。近日行完山返嚟，正想買啲蛋撻返屋企當下午，「多多」排長龍，過嚟「櫻島」啦，已經變咗「聖安娜」，見到「車輪餅小姐」無乜人，就改買車輪餅當下午茶。

老香港菜館 Old Hong Kong Restaurant：仍需「老」力

聚會完，又喺到食晏嘅時候，大家都話想飲餐茶，坐低慢慢傾吓偈，記得以前呢個位有間「稻坊」，貪其平平哋，但嚟到，原來已經轉咗手，名為「老香港」，仲喺今日第一日嚟試業，所以，好多嘢都好生手。就連一啲電子付款系統都未準備好，齋收玩金。

一起食堂：無故失「漬」

收工，得一支公食咩好？記得早前有食友幫襯過呢間「一起食堂」台式餐廳，台灣菜啱我吖，就食番餐好嘅，慰勞吓近期嘅辛勞。

The Right Place：八面「Right」風

今晚約咗表哥食飯，因為有啲嘢傾吓，所以，會打算坐耐少少，但又想搵啲氣氛輕鬆嘅，建議不如搵啲酒吧餐廳啦。之前去過唔少酒吧餐廳，啲質素已比以前大幅提升。就番大家方便，都喺尖沙咀較理想，最後，睇見「Right Place」嘅風評不俗，就嚟試吓，睇喺喺唔喺揀啱用餐地點。

Nu Nu：居酒屋有「廚師發辦」？

一講到食「廚師發辦」（Omakase），第一印象就喺唔平，郁吓都千蚊落樓，就算無成千，$800、$900都好平常。老實講，小弟對食「廚師發辦」嘅經驗亦唔多。最近，聽食友講，晌中環和安里嘅「Nu Nu」居酒屋，晚市就加插咗「廚師發辦」，入門價亦相對平和啲，咁就腳，收工行幾步就過到嘞。

Delifrance：風「酥」快活人

小弟家住美孚，平常都會晌屋企食完早餐先返工，而一星期就只會揀星期六出街食早餐，所以就有個「我的星期六美孚早餐」系列。但今次嘅星期六，就過咗隔離區「荔枝角」食早餐，事緣都喺因為有張「Delifrance $50」優惠券，趁記得，早啲用咗佢。

嘉年華吧 Carnival Bar：「嘉」有喜事

近來局勢依然紛亂，但生活總要過，正如人生總有高低，你嘅生活唔會因此停落嚟，亦要搵啲點子調劑一下，免得太入局而影響自己情緒。故此，是夜與友人專登嚟到沙田「麗豪酒店」嘅「嘉年華吧」聚聚，搵個靜靜哋嘅地方食吓嘢，傾吓偈，談談近況，講講將來，兼且提早試試佢哋準備晌聖誕及元旦推出嘅「節日晚餐」。

The ThirtySix：酒吧中的日系午餐

為咗慳啲錢，有時都會走到上中環扶手電梯荷李活道拍拍卡，慳$2。某日經過「大館」對街，見有家樓上酒吧餐酒派單張，新推一系列午餐，估唔到酒吧餐廳賣日菜，好奇之下走去試一試，順便同舊同學聚聚，談談近況。

天吉屋 Tenkichiya：「丼」之無愧

早前睇過啲飲食雜誌介紹呢一家日本過江龍「天吉屋」，主打天婦羅丼，更連續五年榮獲日本全國丼聯盟天丼金賞獎，實力應該不用懷疑。咁嘅來頭，初階段梗喺會有好多人去潮聖、打卡，小弟就最怕要排隊等，我就梗喺等一等「潮退」先去啦。

基隆茶餐廳：「基」不擇食

茶餐廳始終喺香港人嘅飲食文化，一向都好受普羅大眾嘅歡迎，就好似今次同朋友嚟到太子嘅「 基隆茶餐廳」，屬小店規模，但就眼見有好多人幫襯，正值午市嘅尖峰時間，門外仲企咗唔少客等位。

The Lounge：相聚一「黑」

「千禧新世界香港酒店」中嘅「嵯峨野」及「桃里」均曾到訪過用膳，兩次嘅體驗都喺高水準，有驚喜，而「The Lounge」則是第一次到訪，目的都喺為着其新推嘅「情迷朱古力」下午茶套餐，又喺朱古力，又喺甜點，啱晒我啦。

JMT Coffee：「韓」流「咖」到

咖啡店話幫襯得多唔算多，少呢又唔算少，但你話韓式咖啡店呢？今次又真喺第一次試。有輯韓國綜藝節目「咖啡伴侶」，講幾個藝人晌濟州島開咗間咖啡店，個節目都幾好睇，幾有趣，加上小弟都幾鍾意濟州島。當然，嚟到「JMT」，實際賣嘅產品同一般嘅咖啡店無疑，但港人店長（還是店主呢？）就一口流利韓文。

Bingo & Cook：異「Cook」同工

因為某啲原因，我哋嘅死佬飯局無搞咗好耐，亦唔知幾時再搞番，所以，依家久唔久私下約啲個別死佬出嚟聚一聚。今晚嚟到銅鑼灣嘅「Bingo & Cook」食韓國嘢，皆因老友都睇韓劇，大家會話題更多，最近期嘅韓劇「優雅的家」喺小弟嘅心水推薦。

Catee：幸福「羊」溢

之前都寫過唔少酒吧餐廳，亦講到發覺好多酒吧餐廳都唔喺就咁賣吓酒、賣吓伴酒嘅小食，仲提供唔少正餐菜式，而且，更一啲都唔馬虎，質素比得上好多西餐廳。就好似今晚到訪嘅「Catee」，就喺其中一家，等老婆上完咗個進修班，一齊過嚟「撐枱腳」。

麵留香茶餐廳 Noodle Eleven Restaurant：川「留」不息，快閃午餐。

完咗聚會，落到太子，無乜心水食邊間，路過「麵留香茶餐廳」，見啲「午餐」好抵，二話不說，入去搵個卡位坐低。其實，「麵留香」都幫襯過好幾次，多年前亦都撰文寫過食評，但印象麻麻，而今次再寫番篇，皆因真喺有啲驚喜。

茶館 Tea House：「茶」找不足

平常已經少同細佬妹食飯，都喺一年幾次嘅生日飯、做節飯，如單獨個別食就更少，不過，今晚就同細妹「撐枱腳」，因為有啲嘢交收，加上老婆上堂，小弟無飯開，索性交收完，一齊食埋飯先散。

阿珠嬤 Azhuma：公「珠」同好

美麗嘅誤會通常始於溝通上，不過，有時有啲嘢又確喺好易令人誤會嘅，就好似早前有食友約我食飯，選址位於西營盤嘅「阿珠嬤」。初時都無為意，見個名以為喺賣韓國菜，嚟到先見喺賣台灣菜，幸而台菜都好啱我。

太平洋咖啡 Pacific Coffee Company：全為了「梨」

本來老婆星期日晏晝有個興趣班要到油麻地上堂，不過，撞正啲社會事件，油尖旺一帶「立立亂」，所以，課堂取消。突咗個晏晝出嚟，兩公婆就不如落去「太平洋咖啡」輕鬆下，嘆杯咖啡，睇睇書。

16 Shell：大「蜆」身手

今晚，友人有啲旅行難題想傾傾，索性不如食番餐，順便聚一聚。3年前曾到訪過蜆殼街嘅「16 Shell」，當時嘅評語喺有讚有彈，但服務嘅印象就非常好，唔知今次再訪，質素有無提升到！

又一居會所餐廳 Club Oasis：「又」情午聚

由於近來嘅社會事件，我嘅細胞小組好耐無聚會過喇，改完一次又一次，多謝各組員嘅配合，卒之約得成，不過，地點又喺另一要考量嘅地方，以往就大家方便，都喺落太子，但不時有突發，我哋組內有好多細路仔，安全先行，結果有組員提議「又一居會所酒樓」，實在喺極佳提案。

Vivienne Westwood Cafe：慢「Wood」午餐

好耐無跨區渡周末喇，所以，專登同老婆拍拖更過嚟銅鑼灣、天后一帶行吓，食吓嘢，而午餐選上由知名品牌「Vivienne Westwood」所開設嘅Café，皆因睇過食友嘅食評，讚口不絕，晚市有點貴，所以，就嚟試試午餐。

原藝 Original Art：天賜良「原」

晌雜誌見到「原藝」呢個名字，就諗緊喺唔喺兩年多前晌太子幫襯過嘅小店「原藝」呢？表姨甥女近排晌西貢荔枝莊嗰頭嘅梅子林搞藝術嘢，幫啲村屋畫牆畫，可謂日曬雨淋，真喺服咗佢，個項目接近完成，當然要請佢食餐好嚟鼓勵吓啦，所以，專誠走到嚟位於九龍塘「原藝」嘅新店。

Little Break Coffee & Kitchen：味力「Break」人

雖然喺老婆嘅生日飯，但我哋就唔太興得兩個人嚟撐枱腳，所以，拉埋住附近嘅姨仔一齊食。由於佢喺偏素，原本都有一、兩間心水素食店，不過，睇完人家嘅食評覺得麻麻，偶然間，發現「Little Break Coffee」都有啲素食選擇，咁荔枝角對我哋嚟講都近嘅，故此，最終慶生地點就選咗嚟呢度。

Green Waffle Diner：一「窩」風味

大概4年前到訪過「Green Waffle Diner」中環店，以窩夫打響名堂，並做出成績，仲晌其他區都開咗分店，算喺頗成功喇。相約舊同學午飯聚一聚，就再次嚟到呢度悠閒咁食餐「晏仔」。

京都薈 Capital Canton ：定價有「京」喜

我兩公婆平日就一定晌屋企食早餐嘅，星期日亦因返聚會而晌屋企食，故此，逢星期六朝，我哋都定咗出街食，好好享受吓輕鬆嘅早餐時光。此外，出街食嘅日子就仲有喺晌假期日，今早，就襯假日，拉埋姨仔落嚟「京都薈」飲餐早午茶，話時話，雖然身為美孚街坊，都喺第一次嚟呢間酒樓。

Amica：「優」閒新場

早前同啲朋友完咗聚會上嚟「始創」食晏，朋友建議食「紅蔥頭」，點知原來已經轉咗手，變成另一家西餐廳「Amica」。但由於星期六、日不設午餐，只有散點，所以，嗰次就無幫襯，落咗地庫嘅「台灣麵」。最近，睇過一啲介紹，覺得呢家餐廳唔錯喎，所以，約咗個識食之人嚟試吓新餐廳。

紅番茄餐廳 Tomato Cafe：一「番」心意

又到一年一次細妹嘅生日飯，搵食地點都喺就番細佬妹佢哋揀深水埗區。上次同朋友去完耀東街食飯，就再過嚟元洲街食糖水時，路經呢一家「紅蕃茄餐廳」，睇吓啲定價都相宜，就諗定細妹生日飯晌度食。

燒烤堂 Will's Skewer Kitchen：煩惱盡「燒」

早排入咗九龍城，到訪過一家頗出色嘅居酒屋小店，嘆咗多款日式串燒。食友睇過小弟嘅食評之後，就推介我試試另一家主打串燒嘅小店，大讚佢哋嘅串燒多元化，款式多，難得定價相宜，故此，今晚就約咗舊同學嚟到「燒烤堂」旺角店嘆串燒，並分享死佬兄弟所遇到財務嘅煩惱事。

大家樂 Café de Coral：我的星期六美孚早餐 ~ 絕對喺貪新鮮

晌美孚區，幾家快餐店中，「大快活」就近我住嘅屋苑，幫襯得較多，但嘢食普普通通，比較少寫；其次喺「大家樂」，因為座位多，地方大較好坐；而「MX」就較少幫襯，因為環境好逼吓，坐得唔多舒服。最近，又嚟到幫襯大家樂，純粹因為一紙廣告。

空港居酒屋 Airport Izakaya：「空」有成竹．超值套餐

「空港」，喺日文用語，即喺機場，「空港居酒屋」開店於富豪機場酒店內，我想就取咗「空港」為名。近幾年間，有幸去到較遠而唔同地方旅行，見識多咗，眼界闊咗，不過，機場周邊嘅餐廳都喺擦身而過嘅多。然而，今晚特意嚟到「空港居酒屋」一嚐其鐵板燒料理，皆因推出咗一款極超值嘅套餐，讓人願意花多少少時間同車費入嚟見識一下。

浜滝 Hamataki：「燒」息靈通

除咗深水埗，九龍城亦喺另一個卧虎藏龍嘅小社區，早前就試過「Chapter Two」嘅麵包，趁今晚無飯開，約咗夏總傾吓波經，訴吓苦，而今晚到訪嘅小店「浜滝」，知道晌九龍城都頗有名氣，一樣喺家出色小店。夏總佢下個月中就會飛過日本鳥取玩，今餐就食日本串燒熱熱身啦。

牛霸小麵店 Niu Ba Taiwanese：隱清小麵店

一班死佬好耐無搞過飯局，除咗一小部份死佬喺波友，久唔久都有機會見，剩低嗰啲真喺要靠搞局先見到面，平常就只晌群組度吹吓水。所以，今晚就約咗其中一個死佬搞個二人私局，聚一聚，講吓近況。經食友推薦，就嚟咗「 牛霸小麵店」，因為環境好，又抵食。

Leonidas：公朱同好（19）

「公朱同好」呢個專寫朱古力食評嘅系列停產咗好耐，一來喺因為無乜材料好寫，二來寫朱古力真喺有啲難寫。難得有朋友送咗一排「Leonidas」嘅朱古力，就簡簡單單寫番一篇以此留念，並多謝支人嘅餽贈。

家後：絕無「餃」錯

上次同住晌深水埗嘅街坊老友去到耀東街嘅大牌檔食飯，話題自不然講開深水埗嘅變化，亦離不開啲飲飲食食嘅內容。呢一區就特別多小店，而且，好多仲喺好個性化，就好似今晚同住晌附近嘅老友所到訪嘅「家後」咁，就喺主打餃子同麵食嘅小店嚟。

香榭里烘焙 Élysée Bakery：美味大「香」里

九龍城一向喺卧虎藏龍之地，早前就試過「Chapter Two」嘅軟歐包，順道就走過嚟「九龍城廣場」逛逛，商場以傳承九龍城社區文化為理念，更不時會引進啲特色小店，務求令到商場多元化，兼唔會嚟嚟去去都喺嗰啲品牌商鋪。早前就靜俏俏引入澳門首家傳統法式烘培過江龍「香榭里烘焙」（Élysée Bakery）喇，見個門面好光鮮，就入去打個轉先。

大豐澳門翠苑餐廳：大豐吹，茶記講求快快脆。

完咗聚會，落到嚟太子，因為稍後仲要出九龍城攞嘢，所以，就隨隨便便揀間茶記食晏，務求快靚正搞掂。晌近太子地鐵一截嘅花園街，餐廳嘅選擇非常多，走入嚟「大豐翠苑」純粹近街口，費時再嘥時間搵。

堤岸酒吧及餐廳 Pierside Bar & Restaurant：「鮮」入為主

大半年前嚟過「堤岸」試試其下午茶，無論環境、食物、招呼都有水準，印象頗深，所以，今晚同朋友再嚟一試其晚餐，加上聽講轉咗新套餐，咁就更加期待啦。一於醉人之夜，開心星期五！「堤岸」定位喺酒吧 + 餐廳，不過，兩者並唔喺晌埋一齊，酒吧晌平台層，有啲室外露天位，可以睇到日落美景。