美心西餅 Maxim's Cake：低糖之美

老婆做半職間公司都算幾好，逢喺過時過節，都有啲應節嘅禮物，雖然佢只喺半職，但晌中秋時節一樣送盒美心月餅俾過佢。而今次所送嘅喺「美心低糖蛋黃白蓮蓉月餅」，一身橙紅色嘅盒罐，設計非常特別，亭臺樓閣配荷花，帶中國色彩之餘，透過鮮艷嘅色彩配搭，帶嚟一份活力新鮮感，喺小弟幾鍾意嘅設計。

而呢款低糖系列，唔止得一款蛋黃白蓮蓉月餅，仲有另一款松子仁白蓮蓉月餅，同樣採用麥芽糖醇及氫化葡萄糖漿製作，食咗之後唔會引起血糖大波幅上落，所以，糖尿病患者食都無問題。

一盒共有6個，均以獨立包裝處理，衞生方便。順帶一提，近呢一、兩年嘅月餅，已少咗奉送啲膠刀、膠叉，對環保方面算有少少進步。

月餅面印壓住「美心低糖」，雖然筆劃多，但估唔到字紋壓得非常清晰，烘焗得金黃均勻。

自奶皇月大行其道之後，近排食得多嘅都喺奶皇月，而白蓮蓉月就晌今年第一次食。美心即喺美心，果然有水準，皮薄而平均，白蓮蓉好軟滑，最正喺個鹹蛋黃流晒油，搭杯熱茶，喺下午茶嘅好配搭。

雖然呢盒白蓮蓉月無花巧，傳傳統統咁，但食得出用料靚，睇得出手藝出色，傳唔傳統唔緊要，最緊要喺啱食、好食。

個人評分
味道：9 /10
環境：- /10
服務：- /10
抵食：- /10
平均每人消費：HK$0

餐廳資料：
美心西餅 Maxim's Cake
佐敦柯士甸道西3號香港西九龍站B1-7號舖