2017年9月3日星期日

雅‧悠蔬食 Leisurely Veggie:重新素造

素食店「悠蔬食」有咗九龍店,嚟光顧就方便好多,約咗表哥食晏,幾間餐廳俾佢揀,估唔到佢對素都有興趣喎,可能我同佢講過依間唔喺一般齋鋪,啲素菜做得精緻有心思,又夠健康,所以,佢就揀依間嚟一試。
大概年初嚟過一次食晚飯, 嗰次喺老婆嘅生日飯,事隔一年都無,環境當然無乜點變,所以,就唔多介紹,貼一、兩張相就一目了然。
午市,有散點,亦有套餐,當然套餐計起嚟划算一點,一客午餐就包咗前菜、湯品、主菜及飲品,主菜共有6款,定價都喺$88-$108,而甜品就要加錢加配。
bowl韓風蘆薈柚子蜜
落單後先嚟嘅喺飲品,表姪女嘅韓風蘆薈柚子蜜應該喺現成食材溝成,應該無乜驚喜嘅吧!但還好喺柚子蜜清甜,不過,蘆薈就少咗啲。 
bowl鹹柑桔蜜
表哥揀嘅鹹柑桔蜜比較有個性,深沉嘅色澤,令啲鹹柑桔好似有種葯到病除嘅感覺,佢話飲落鹹酸味好出,但似加咗蜜糖,所以,唔會酸到死。
bowl芒果菠蘿清涼特飲 +$30
我就見枱邊有個介紹牌,介紹其夏日限定特飲,其中一款喺芒果溝菠蘿,完全喺針對我嘅弱點,所以,點一杯嚟試吓。原價要$40,跟餐都要補$30,而杯嘢入果堅純果汁喇,因為唔單味道濃郁,口感杰度較強,亦飲到絲絲果肉纖維。不過,可能顧及客人健康關係,唔喺好凍,如果凍啲相信更爽。
bowl藜麥鮮蔬沙律配鮮柚子意大利黑醋汁
隨後,好快就有得食,先喺沙律,睇到色澤鮮艷,更有大量紅菜頭及藜麥,未食都覺得健康啦,淋上香濃自家調嘅柚子意大利黑醋汁,酸爽好食,為今次午餐打開胃納。
bowl青豆薯仔薄荷竹燕忌廉濃湯
餐湯有中有西,小弟就揀個忌廉湯,因為覺得新鮮感十足,色澤帶淡青綠,質感較杰身,但味道特別,青豆、薯仔重質感,薄荷就令個湯變得輕盈啲。
bowl青木瓜甘筍花生雪耳湯
雖然喺素湯,無肉更無味精,但夠老火,又足料,個湯一啲都唔會淡而無味,仲入口清潤鮮甜。
bowl叻沙湯麵伴香脆蒟蒻及天婦羅秋葵 $98
主食先嚟知叻沙,始終喺素,跟正式嘅叻沙仍有少少差別,但湯底微辣帶有層次嘅香料味,相當不俗。麵條幼滑,仲伴唔少配料,而蒟蒻及秋葵炸得香脆不膩。
bowl吉列菇扒配上海菜飯 $98
件吉列菇扒非常有睇頭,大大件,又炸得金黃,入口酥脆到不得了,亦無話食落一口油,口感有啲煙煙韌韌,菇味卻唔算好重;菜飯飯粒軟熟,既有菜,更加有菌粒,口感豐富 。
bowl泰式鳳梨鮮蔬炒飯配香脆腐皮卷 $98
依道炒飯炒得出色,炒得爽口,味道唔單調,喺嫌無乜菠蘿,突出唔到主題;而腐皮卷嘅得意,做到成條賣蔗蝦咁,入口香脆有豆香。
bowl咖啡朱古力千層班戟 +$20
最後都加配兩款甜點,先喺件千層班戟,睇都睇到做得層次幼細,層層都喺薄薄塗上朱古力忌廉,食落餅皮軟綿,忌廉柔滑,好食。
bowl日式柚子雪葩 +$20
意屬山梨白桃雪葩,不過無貨,只好試吓柚子雪葩,其實味道一啲都唔差,柚子味濃郁,仲有唔少果肉,雪葩入口冰涼清爽,飽餐一頓嚟食有種清滯感。
小弟唔喺第一次嚟「悠蔬食」,自然知道其水準,否則都唔會翻兜啦,而表哥佢哋就覺得好有驚喜,話估唔到素食都做到咁有特色,重新塑造對素食嘅印象,一改得個油、味道淡嘅形象。

個人評分
味道:8/10
環境:8/10
服務:8/10
抵食:8/10
平均每人消費:HK$135

餐廳資料:
雅‧悠蔬食 Leisurely Veggie
尖沙咀金馬倫道48號中國保險大廈3樓B號舖
3706 5827

沒有留言:

發佈留言