慢煮工房 Sous Vide Factory：慢無一失

「慢煮」（真空低溫烹調）依一種煮食技巧相信唔少人都已經知喺咩嚟，以往晌唔少餐廳都品嚐過以此煮成嘅菜式，而大多數做出嚟嘅效果都唔會差得去邊，可以講喺萬無一失嘅方法。最近，有食友報料話觀塘有一家餐廳以慢煮為賣點，聽落好有興趣，所以，專登走訪一下呢間「 慢煮工房」。

Le Paradis Restaurant & Cafe：浪．慢．法國菜

晌一啲商廈開私房菜，絕對唔喺咩新鮮事，不過，私房菜一詞我覺得有啲用得濫。近呢三幾年，由於租金升幅飛漲，有好多具質素嘅餐廳都索性上樓，並以小店形式經營，控制好成本，更可加強同客人嘅交流。友人未食過上樓嘅法國餐廳，近來見呢間Le Paradis風評不俗，4道菜晚餐唔使4百，值搏率高。

The Story Cafe and Bakery：湖水下慢活晚餐

每間餐廳都有自己嘅故事，是晚嚟到青衣城嘅「The Story Cafe and Bakery」唔知背後有咩故事，但既然親友約我有嘢傾，佢自然喺有啲故事。地點由我發辦，當然搵啲就到大家嘅地方，就算唔喺文青，都一樣喜歡咖啡店，呢間「The Story」未試過，就決定嚟依間。

Bovini Steakhouse & Bar：斧中作樂

早前同朋友入嚟大坑新村街食墨西哥嘢，回程時路經Bovini，因為大半年前嚟過食扒，以鋸靚扒而言，確喺物有所值，所以，介紹俾同行老友等佢下次嚟試試。晌門口介紹時，發現原來餐廳新推出咗斧頭扒套餐，一向都想試，詢問過可以供3-4人享用，所以，是夜搵咗夏總同佢老婆一齊嚟試吓喺點。

三郎麵燒屋：拼麵三郎

最近，晌元朗賣車仔麵賣到成名嘅「永年士多」衝出咗元朗，晌尖沙咀插旗，引嚟少少話題，不過，小弟甚少慕名去幫襯，因為怕人多又要排。最近，誤打誤撞嚟到晌長沙灣保安道尾嘅「三郎麵燒屋」食車仔麵，唔喺話好食到驚為天人嗰種，但就非常抵食。

Plumcot：好友狂嚐曲（69）

依一篇以「好友狂嚐曲」為標題，着實有少少抽水，因為，以往依個曲奇系列嘅食評，都喺皆因友人嘅曲奇餽贈，令小弟不斷可以嚐到美味曲奇而撰寫；但今次，純粹因為到大坑嘅「Andy's Garage」食完墨西哥菜後，途經「Plumcot」，好奇買咗包曲奇試試才撰寫出呢篇短評，故此，實際應該喺好奇狂嚐曲。

Andy's Garage：墨墨付出

近年聽到啲朋友講去南美洲旅行，甚麼秘魯天空之城「馬丘比丘」，玻利維亞天空之鏡「烏尤尼鹽湖」……一個又一個靚絕景點，不過，細看啲飛行時間，旅行成本，就真喺卻晒步，有生之年唔知有無機會到訪南美。至於南美菜，亦喺接觸得甚少，相對較多嘅喺墨西哥嘅烤卷。今晚嚟到大坑嘅「Andy's Garage」，又可重溫依一種美食。

I'm Nuts：另類麻Nuts

灣仔「喜帖街」變成樓盤項目之後，地下一段商業街經打造亦變得時尚、熱鬧，不過一街之隔嘅汕頭街，就顯得寂靜，似唔屬於灣仔嘅一部分。但喺，靜！都有其吸引之處，今晚到訪嘅咖啡小店「I'm Nuts」，就身處晌呢條寧靜小街之內。

嚐麥手作 Handmade Bakery：好友狂嚐曲（68）

新蒲崗又喺一個極少到訪嘅區域，若非友人調職到新蒲崗工作，又若非友人送上一小袋曲奇，真喺唔多會有咩食評寫呢區。多謝好友厚愛，不時送上點點心意，今次喺麵包小店「嚐麥手作」嘅出品。

喜來稀肉 Seorae：烤肉，喜動吧！

過江龍韓燒店「 喜來稀肉」2013年尾落戶香港，不經不覺，在港幾年都累積開咗7家舖，雖知道，晌香港做飲食都唔喺一件易事，打好根基再慢慢擴張喺好重要，以往都見唔少食肆一喺就食住條水急速擴張，一喺就擴張過渡，最後結業收場。對上一次到訪喺尖沙咀嘅「老店」，已喺2014年初嘅事，事隔3年半，唔知質素如何？

Pacific Coffee Company：乳眾不同

匆匆食完晏，落咗附近間Pacific Coffee飲嘢，皆因約咗朋友有啲嘢傾。中環食晏時段真喺超多人，就算星巴克一樣多，老麥就唔使講啦，反而安蘭街嘅Pacific Coffee就相對少啲人，因為位置有丁點偏同隱蔽。

EL CERDO：尋味黑毛豬

西班牙菜近年都算大熱之一，從啲飲食雜誌所見，西班牙餐廳開完一家又一家，就算唔喺開餐廳，都不少西餐廳額外引入西班牙小食Tapas。是晚約咗朋友短聚，搵咩地方由小弟決定，由於友人未接觸過西班牙菜，所以，就一嚐頗有地方特色嘅西班牙菜。

GOCHISO：溫情洋．日

主打日式x地中海嘅GOCHISO，不經不覺落戶香港近兩年，先後開咗4家店，算成績唔錯。第一次同朋友到沙田店食晏，感覺唔錯，菜式配搭帶點清新、新派，是夜約咗老婆同表姨甥女聚餐，佢哋都算喜歡試新嘢嘅人。知道GOCHISO銅鑼灣都有分店，地點非常就腳，就一嚐特色嘅混合菜。

金公館 The Kam's：金夜星光燦爛

好耐無同啲食友聚聚，一到暑假就各有各忙，晌暑假結束前，點都要聚一聚吹吓水，順便送吓啲小食心意俾大家嘅。由於今次由友人擔大旗，唔使小弟安排，呢個當然好啦，只要地點就腳，我食乜都無所謂。但友人揀咗銅鑼灣嘅「金公館」，食川菜，辣嘢我一般喎，友人話唔使擔心，唔辣嘅一樣好多選擇。

Log-on Cafe：樂安之聚

作為「九龍人」，雖然返中環工，港島東真喺好少嚟，數數手指，可以講喺一年一次都無。如果唔喺約咗位家住東區嘅多年老死聚舊食飯，相信唔會專登走到嚟太古城。

翠園 Jade Garden：相映成翠

美心系嘅中菜一向都覺得唔錯，水準穩定，而服務始終有一定嘅水平，加上依間「翠園」晌地理位置好，最近又收到信用卡推廣，有啲抵食嘅套餐供應，所以，一班成年半無見嘅團友仔搞局聚一聚，第一時間就諗到嚟依度。大家確喺好耐無見，傾到雞啄唔斷咁，有朋友更啱啱去完東非肯亞，跟大家分享咗唔少趣聞逸事，讓大家渡過一個相映成趣嘅晚上。

Fûhn：粉．發圖強

幾年前晌中環食過一間精品越南粉麵店「越裸（Le Pho）」，啲湯河做得幾精，可惜無耐結業收場，未知喺咪租金貴？最近，無意發現銅鑼灣都出現一家精品越南粉麵店，主力都喺賣越底湯粉、撈檬，加少少小食，名字叫「Fuhn」，讀起嚟好似好繞口，睇完餐牌於知佢意思喺「湯粉」。

Vegetarian Kitchen by Dickson Yoga：搵食好路素

搵地方食飯就梗喺搵啲啱口味架啦，而老婆喺講健康嘅人，又偏向素食，所以，就加多少少揀食肆嘅要求。姨仔早前極力推介間好嘢俾佢，當然要試試啦，就喺位處尖沙咀中心地庫下面一間瑜珈中心所附設嘅餐廳「Vegetarian Kitchen」，主打健康營養嘅料理。