2017年6月18日星期日

必勝客 Pizza Hut:必勝小館

相信一講「必勝客」大家都唔會陌生,環境、食乜唔使小弟多介紹,但「必勝小館」又有幾多人見過?返完老婆教會,本來打算食泰式粉麵,但佢話想食薄餅,就嚟到依間外表跟其他「必勝客」一模一樣嘅小館。
點解會稱之為小館,因為,入到去你會發覺格局有少少似Oliver's Sandwich一類輕食咖啡店咁,有少量梳化椅,配合型格嘅天花燈,環境唔錯,感覺舒適。
此外,點餐就最明顯跟其他必勝客唔同,雖然有餐牌,但外面一大個水牌列晒所有食物款式,客人喺需要出櫃面點餐,取號碼牌再返埋位等店員送上,屬半自助形式,故餐具、調味、清水……等都喺要自己動手動腳搞掂,換嚟嘅就喺無加一服務費。
仲有一處露出佢喺定位為「小館」嘅特性,就喺主餐牌左上角印有「bistro Pizza Hut」字樣。翻翻餐牌,都喺耳熟能詳嘅多人套餐,以及最新推出嘅套餐。
而另一個餐牌,就喺啲一人份嘅套餐選擇,有經典款式、有迷你批……等等,亦有其他散點食物,如窩夫、小食、甜點之類,但整體款式跟去開嘅必勝客喺有啲唔同。
如必勝客一貫作風,提供多種加配優惠,所以,我哋都加配一客香梨撻試試。
bowl燴大蝦蜆肉飯 $44
話時話,依款飯我哋有時都會晌屋企自己煮,難度唔高,所以,用料唔差,都好難煮得唔好食。個飯有別意大利飯,只喺一般嘅白米飯,再淋上蕃茄醬底嘅大蝦蜆肉,個醬底確喺幾香濃,蕃茄味酸香最緊要醬汁多,撈飯好食,而大蝦同蜆肉都唔少,收$44包埋飲品,咁嘅質素算抵食。
bowl超級至尊 $54
講明老婆想食薄餅,佢就梗喺揀薄餅啦,基本上迷你批套餐只有3款薄餅,佢一向偏素,意外無揀超級夏威夷而揀咗超級至尊。雖然喺迷你批咋,一樣交足貨堆到滿晒料,辣肉腸、豬肉粒、菠蘿、青椒、洋蔥、黑橄欖……,滿滿嘅芝士,最正喺新鮮熱辣送到,拎上手滾熱辣,厚批底軟綿綿,再灑滿芝士粉,正呀!
bowl雜莓果茶(餐飲)
餐飲老婆揀果茶,不過只喺茶包沖泡,當然唔及之前晌「民泰四七」啲鮮果茶咁正,但酸酸咪咪都幾幾飲,如果加點蜜糖相信就更好飲。
bowl即磨咖啡(餐飲)
雖然喺即磨,但啲咖啡真哋唔喺好得,個咖啡味好單薄,唔夠醇香,唯一贊兩句喺啲奶有熱番,算誠意無迤做。
bowl法式香梨撻 +$12
見佢原價賣$22,依家加配價只喺俾$12,又即管試吓。賣相唔差喎,大大件梨肉放上面,件梨肉仲好清甜;不過,批底就不過不失,有少少鬆散,但少甜老婆就好鍾意。
唔知香港有幾多家依一類嘅「必勝小館」,就算上返佢哋個官網睇睇,都無多提及,分店搜尋番依間必勝客,都喺當普通嘅必勝客咁,但明顯餐牌確喺有差別,至少都唔見其他嘅必勝客有牛角包賣。

個人評分
味道:7/10
環境:8/10
服務:7/10
抵食:7/10
平均每人消費:HK$55

餐廳資料:
必勝客 Pizza Hut
葵涌和宜合道26號和宜商場LG2號舖
2342 1566

沒有留言:

發佈留言