Coffee Talks：牛油果．有營有款

一向都頗喜歡到訪一啲咖啡小店，因為非連鎖模式，家家都有其獨特之處，雖然，小弟對咖啡嘅了解都仲喺好有限，不過，就會頗留意佢哋做食物嘅誠意、心思。今日專登嚟到Coffee Talks，目的當然喺佢哋啲咖啡，此外，亦因為幾想試吓其牛油果菜式。

Star Kitchen：虛張星勢

一同人講到去葵芳食嘢，唔喺葵廣，就喺新都會，其實過晒橋，走到去盛芳街、禮芳街、信芳街一帶，有好多食肆，雖然大部份屬街坊小店，但可以講喺各有個性。Star Kitchen喺朋友嘅爸爸開，點都要嚟一嚟撐吓場。

原藝 Original Art：還原美味

「原」字有解作最先嘅意思，如原本、原來，亦有解作最基本，如原始、原料，小弟並非讀文科出生，個肚墨水都無半滴。只喺初時聽朋友講話去太子「原藝」食晏，因為花墟就晌太子，以為有家叫「園藝」嘅餐廳，當然喺搞錯啦，當得知正名喺「原藝」，英文為Original Art就明白店主做菜嘅路線，絕無故弄「原」虛。

DX Bakery：好友狂嚐曲（66）

曲奇呢店市場，不斷都有新店加入，最近友人送嚟一盒有4mix曲奇俾小弟，包裝外觀精簡，有點格調，品牌名字叫「DX」，似喺一個新嘅品牌，因為未曾聽過呢間店，感覺比較陌生。

FireBird：今燒多珍重

3月初同老婆，加埋舊同事一齊到南九州旅遊，很喜歡仍帶點鄉土味嘅宮崎及鹿兒島，其中一晚晌宮崎，走到好有本土氣氛嘅「塚田農場」食當地出名嘅走地雞刺身及一眾地道美食。今晚嚟到銅鑼灣嘅FireBird，雖然氣氛未夠熾熱，但食物絕對喺跟嗰次所試嘅不遑多讓。

趣意廚 DK Pizza Cafe：趣口薄餅街坊小店

早排先去完"Bistro" Pizza Hut食薄餅，估唔到隔無耐又嚟食薄餅，事緣早前同食友傾開依間「特別」嘅必勝客，佢話試過有間薄餅小店晌長沙灣，二人餐非常抵，再問詳細啲位置，正正順寧道尾，啱啱就喺上次一齊晌Choo Choo食飯嘅表姨甥女樓下，所以，索性搵佢聚一聚。

Cocina 3 Tapas Restaurant & Bar：鬥牛之國賀牛一飯

西班牙菜熱潮停不了，早前到訪紅磡嘅「民泰四七」食晏，因為只喺食午餐，未能了解盡佢哋嘅實力，但已有點點意外驚喜。大角咀嘅「Cocina 3」更喺打正旗號賣西班牙菜，老友廖Sir牛一，搵佢食番餐賀一賀，工作關係，佢周遊列國，可謂食唔少好嘢，所以，都唔敢揀間普通料嘅俾佢，食友推介俾我嘅「Cocina 3」相信應該滿足到佢。

必勝客 Pizza Hut：必勝小館

相信一講「必勝客」大家都唔會陌生，環境、食乜唔使小弟多介紹，但「必勝小館」又有幾多人見過？返完老婆教會，本來打算食泰式粉麵，但佢話想食薄餅，就嚟到依間外表跟其他「必勝客」一模一樣嘅小館。

民泰四七 Man Tai 47：民名不如見面

自從港鐵開通到何文田及黃埔，入嚟就方便好多，尤其去Aeon，地鐵站出口直駁，我所住嘅屋苑又喺有橋直駁地鐵站，所以打風落雨嚟都無有怕。再者，依家紅磡越嚟越旺，食肆林立，趁周末揀間舒服嘅餐廳食個晏就最好不過，近期彈咗出嚟嘅「民泰四七」主打西班牙菜，睇佢風評不俗，值搏率高，聞名就不如見面。

美心西餅 Maxim's Cake Shop：好友狂嚐曲（65）

今次依篇「好友狂嚐曲」好易寫，皆因美心嘅杏仁條晌「好友狂嚐曲系列」中曾經寫過，不過，依次收到嘅跟上次又有少少分別，就喺加入檸檬味嘅杏仁條。好多謝友人咁有心，一齊食餐飯都仲送包杏仁條俾小弟。

蕎道樂居酒屋 Gald Way Japanese Restaurant：津津樂道

朋友喺港島人，亦喺晌銅鑼灣經常出沒嘅常客，食過唔少大大細細嘅餐廳，早前被佢發現一家新店，所做嘅二人前套餐，未計加一，都唔使四嚿水，已經有8道菜，非常划算。餐廳名字叫「蕎道樂」，位處「永光商業大廈」，友人更刻意提醒咪去錯另一知名食廈「永光中心」，前者仲好，就晌港鐵嘅B出口側邊，更近。

PappaRich Malaysian Delights：分金同味

雖然唔喺成日食馬來西亞菜，但就幾鍾意依個菜系，2008年第一次同老婆去馬來西亞，第一站唔喺去首府吉隆坡，反而喺先去檳城，對檳城印象好唔錯。而事隔6年，2014年再飛過大馬玩足9日，到訪文化小鎮檳城、陽光海灘浮羅交怡、大馬之都吉隆坡及醉人古城馬六甲，玩得非常開心，試盡不少地道美食。所以，今晚友人揀嚟賣馬來西亞菜嘅「金爸爸」，啱晒我口味啦，仲有一班人一齊食飯，分甘同味，夠晒高興！

泰海鮮 Seafood Thai：尋鮮新泰度

過往3年，我哋嘅死佬飯局都有入到嚟三聖食海鮮，一於三戰三「聖」，全取九分。最初兩年去咗冬菇亭嘅「興記」，對上一年就過咗嚟山腳位嘅「容龍」，今年班死佬就話唔再搞住，不過，有友人見我哋晌三聖食海鮮食得咁過癮，又搞局拉埋我入嚟食番餐，選址同屬冬菇亭嘅「泰海鮮」，今次友人搞，唔使小弟煩，真好。

浦井韓食居酒屋 Pojang Korean Izakaya：浦出美味樂章

一講居酒屋，就諗起食日本嘢，食吓串燒、小食，再飲吓啤酒，鋪仔細細，跟廚師互動交流，氣氛熱鬧。最近，無意中聽朋友講晌iSquare有間韓食居酒屋，不過，定位跟日式居酒屋就唔同，但啲韓食定價唔貴，且份量十足，都幾抵食。既然咁推介，就即管走去試試。

椰林春天 Coconut Grove Spring：綠悠悠生煎包

又喺一個月一次嘅集合聚會，所以，一早出咗嚟尖沙咀。完咗又喺食晏嘅時間，門口就有位阿姐派單張，賣點喺$6.8一籠蝦餃，間餐廳就晌對面街嘅食廈，橫掂都未試過，一行4人就咁衝上去食餐晏。

Deluxe Bakery：好友狂嚐曲（64）

其實，之前去荔枝角廠廈嘅Pati by Lassana食晏時，已留意到門外旁有家小餅店，名字叫「 Deluxe Bakery」。多謝好友送上一盒該店嘅蝴蝶酥，讓小弟有機會品嚐其出品。亦趁星期六晏晝有閒餘時間，順道過嚟走訪一下。

Manhattan Grill & Bar：曼無一失

有日有個朋友無啦啦問我有無去過曼克頓，我話有，但已經喺廿幾年前嘅事，佢話間嘢邊有開咁耐呀，唓！原來喺講緊間餐廳，我講緊嘅喺紐約曼克頓囉，哈哈。就喺咁，知道晌觀塘區有家曼克頓嘅餐廳，是夜，同朋友嚟瘋狂大擦天然安格斯，以食肉獸嘅我而言，爽到爆。