2017年5月17日星期三

樂雅軒中菜廳 The Balcony:接糉而來

唔夠半個月就喺端午節,除咗有一日假休息吓,端午算喺較有氣氛嘅中式節日,因為當日有唔少龍舟比賽之外,應節嘅糉品紛紛湧現,令你自然知道就快端午。繼早前收到好友「奇華」嘅出品,今回接踵而來,喺嚟自城景酒店嘅「樂雅軒」,多謝好友餽贈,讓小弟初嚐此酒店中菜館嘅出品。
從友人夾埋嘅單張所知,佢哋今年嘅出品口味共有3款:日本瑤柱裹蒸糉、十勝紅豆金栗甜糉及蓮蓉梘水糉,既可單買,亦可選擇套裝禮盒,再詳細睇睇,24/5前訂購更可享優惠價,有心想試嘅朋友,或打算用作送禮,就梗喺早啲訂攞盡着數啦。
友人所送嘅喺端午糉套裝禮盒B,即一隻日本瑤柱裹蒸糉及一隻十勝紅豆金栗甜糉,包裝簡單而雅致。而兩隻糉都以真空包裝,並且無添加、無防腐,食用期得一個星期多左右,仲要雪晌冰格4°C或以下保存。
bowl日本瑤柱裹蒸糉 $118(優惠價)
裹蒸糉賣點就喺大包圍,饀料除有蝦乾、鹹蛋黃、五花腩、大花菇……等等,亮點就喺用上日本原粒元貝(瑤柱),而且,隻糉真喺幾大隻,拍埋隻十勝紅豆金栗甜糉,真喺大成倍呎吋。
雖然話材料豐富,又用上原粒瑤柱,但整體味道比較淡口,而且,啲糯米口感較濕較散,想切開影張靚相都有啲難。
bowl十勝紅豆金栗甜糉 $68(優惠價)
紅豆配金栗其實絕唔陌生,因為晌甜品圈裡久唔久都會遇到,尤其日系甜品,更經常出現,至於作為糉饀而做出嘅甜糉,我自己印象中就喺第一次試喇。
基本上,糉身跟一般食嘅糉分別唔太大,都喺糯米(但就無加入綠豆做),但十勝紅豆並非做成豆沙,而哋原粒加入啲糯米度,紅豆有咬口,非常清甜,而粒金栗既完整,算大粒,粉甜栗香,食得出喺靚料嚟。
多謝好友心意,臨近端午,又多試兩款糉品,個人就較喜歡隻甜糉。

個人評分
味道:6 /10
環境:- /10
服務:- /10
抵食:- /10
平均每人消費:HK$0(朋友送贈)

餐廳資料:
樂雅軒中菜廳 The Balcony
油麻地窩打老道23號城景國際1樓
2783 3286

沒有留言:

發佈留言