滋味無窮 Aroydee Thai：滋易行難

經過這小檔很多次，但未幫襯過，多數都喺幫襯隔幾檔嘅茶記「太子」，當然唔喺因為「本土優先」，美食無疆界嘛，只喺好幾次經過見人多，過門不入，相反去太子可以嘆杯靚奶茶。今晚，老婆話帶我試依間泰式小店，佢早前同好姊妹晌度食晏，覺得正所以提議我嚟試試。

野玩田店 Something Wild - The Farm：星期一嚟，有啲野喎！

同老友麵包班同學仔約食飯由3月約到依家先成事，3月小弟去咗旅行，4月就輪到佢去，跟住老友病咗一輪，啲時間夾嚟夾去，所以，先搞咗咁耐。老友嘅病未叫痊癒十足，仲要戒口，咁由佢負責搵餐廳，揀咗以健康食材入饌為理念嘅「野玩田店」，咁就當然好啦，況且，我自己都未食過。

悅來酒店咖啡室 Panda Café：快閃午餐

Panda Cafe嚟過一次，但已經喺5年前嘅事，跟上次一樣嘅都喺老婆教會搞活動，包晒成場，唔同嘅喺上次食夜晚，今次就嚟食晏晝自助餐。因為又喺有嘢幫手，所以，比人遲食，但又比人早要食完，不過，又唔喺要搏命回本，個半鐘時間都OK嘅。

Basilico：意菜情意結

意大利菜喺眾多菜系中頗喜愛嘅菜系之一，可能對香草情有獨鍾，有時晌屋企炒蛋或做蛋治都會加少少香草碎，所以，引伸出對常以香草入饌嘅意大利菜就討好啲。賣意大利菜嘅Basilico，自不然喺對啱胃口嘅餐廳！

功夫點心 Kung Fu Dim Sum：糉有我心

今年食糉唔多，都喺品嚐過3家店嘅出品，今次就分享埋「功夫點心」嘅出品，有此機會都喺多謝友人送小弟一張瑤柱裹蒸糭套裝禮盒換領券，最好就喺任何一家店都可以換領。

Isabelle：好友狂嚐曲（63）

早前同朋友飯聚，一位老友送我La Famille嘅意大利芝士口味戚風蛋糕，而另一位老友就送我Isabelle嘅香榭牛奶夾心曲奇（Milk Tuiles Sandwich Cookies），晌度再次多謝老友厚愛，不時送上小禮物，曲奇就更喺喜愛零食，又可以有個唔單調嘅下午茶。

八沢 Hachi Sawa：物競天沢

住東區嘅朋友知道拉麵店「八沢」晌上環開咗分店，屬小店經營，叫我不妨試吓。老實講，東區就真喺唔多會入去，但上環離公司算近，即管試試友人嘅推介，睇睇喺咪咁正。所以，就順便約埋個親友聚聚食餐「麵」講吓近況。

御滿屋日本料理 Superior Manya Japanese Restaurant：海鮮大浜放

大半年前，到訪過尖沙咀嘅「浜焼き」，首嚐即燒新鮮海鮮，因為實在鮮味，至今都仲記憶猶新，但消費唔便宜。早前晌FB見到有家日式放題店，推出「海鮮浜燒 x 日式放題」，但比單食放題只喺貴多$50，$268+10%一位，超吸引。食放題人多好，所以，拉埋夏總同佢老婆，美孚街坊4人行，大嘆海鮮及放題。

Eat Me Bar & Restaurant：抵到咁Bar閉

好耐無搵表哥一家食晏喇，因為表姪女星期天要學琴、上補習，都幾難約齊佢一家，傾開偈知佢就快考試，就唔使再上堂，一於約出嚟聚一聚。今次揀嚟位於油麻地譽發廣場5樓嘅Eat Me Bar & Restaurant ，皆因無意中發覺佢啲午餐好抵，而且，表哥一家未到過啲上樓酒吧餐廳（因為佢哋好少出街食飯），可以一齊嚟試吓。

La Famille：戚吒風雲

日本過江龍La Famille這品牌出品嘅戚風蛋糕曾試過一次， 之前嘅食評都介紹過佢哋晌戚風蛋糕界就算唔喺叱吒風雲，都稱得上享負盛名，試過一次感覺真喺唔差，唔喺浪得虛名。早前同朋友飯聚，多謝友人嘅小禮物，送我一個La Famille戚風蛋糕。

樂雅軒中菜廳 The Balcony：接糉而來

唔夠半個月就喺端午節，除咗有一日假休息吓，端午算喺較有氣氛嘅中式節日，因為當日有唔少龍舟比賽之外，應節嘅糉品紛紛湧現，令你自然知道就快端午。繼早前收到好友「奇華」嘅出品，今回接踵而來，喺嚟自城景酒店嘅「樂雅軒」，多謝好友餽贈，讓小弟初嚐此酒店中菜館嘅出品。

樂天經典 Paradise Classic：樂繹不絕．南洋中菜。

賀一賀表姨甥女考完晒試，專登約佢食番餐，仲記得佢好似未試過南洋菜，所以，約佢嚟「樂天客棧」試試，因為食過有信心。但原來靜悄悄咁改咗名，新店叫「樂天經典」，不過，走入店內，印象中個環境跟上次嚟嘅一樣，咁其實唔知點解好哋哋佢哋會改名！

Cafe REVOL：咖啡毅術

依一間咖啡小店喺朋友嘅極力推薦，問其原因，就話店主沖調咖啡好用心，唔似啲大型連鎖咖啡店嚟嚟去去都喺得幾款，而且，小店位處旺中帶靜嘅內街，氣氛更顯悠閒。所以，專登搵埋識嘆咖啡嘅親友過嚟聚一聚，順道恭喜佢接到份「筍嘢」短期項目。

彩福皇宴 Choi Fook Royal Banquet：滿福疑團．得獎點心！

聽「彩福皇宴」個名，你就知佢喺擺婚宴系嘅酒家，平時搵食多數喺我提議，今次就喺老婆同朋友嚟試過，話佢哋有一系列由香港旅發局所頒發嘅「美食之最大賞 - 至高榮譽金獎」點心， 覺得唔錯而帶我嚟吓。香港旅發局？信唔過啦，但老婆誠意拳拳，就梗喺嚟撐吓佢嘅提議啦。

奇華餅家 Kee Wah Bakery：應節新糉類

雖然距離端午都仲有段時間，偶爾經過啲酒店、酒樓、餅店都已經見到推出應節嘅五月糉，鋪門嘅大橫額，凍櫃嘅陳列，有備各式各樣口味，可謂琳瑯滿目，更不時推陳出新，不得不佩服師傅們嘅創意心思。多謝友人所送嘅香糉俾小弟提早應節，實在有心，想同大家分享其中兩款新品「糉」。

公利 Kung Lee：遊中上環小休公略

講到依個「景點」就絕非第一次幫襯，不過，寫佢食評就真喺少，因為，真喺嚟親唔喺鮮榨蔗汁，就喺蔗汁糕，從未食過其他嘢。其實，今次都喺，只不過事緣帶朋友專登走過嚟中上環影壁畫，就順道帶佢哋嚟公利小休，兼試試佢哋啲招牌。

SKY726：最Sky早午餐

舊年年中嚟過一次Sky 726食早午餐，印象唔錯，食物亦有水準，所以，再同早前去旅行嘅朋友聚一聚，就想起呢度。席間，我哋又回味起去旅行嘅趣事，談得開心快樂，期待下一次嘅出行。

屋喔 O'Casa：情調台屋

老婆有局，所以，今晚就得一支公搵飯食，因為喺臨時臨急臨忙，所以，都費事約人，一條友收工過嚟機利文新街嘅「屋喔」回味吓佢個黑松露野菌蚵仔燉飯，因為年多前曾光顧過旺角店，對依個蚵仔燉飯印象幾深。再者，辛苦咗成日，都想食好少少嘅。

甜入心 Heart's Dessert：鹹甜皆宜

五一勞動節就梗喺要勞動吓，趁未到盛夏，天氣仲喺廿度鬆啲，約咗朋友行吓山，由城門行去金山，正正喺衞奕信徑第6段，全程5.3公里，上山落山多，平路少，有啲挑戰性，唯一缺點喺無乜景，但勝在樹蔭多，唔使點曬住行。搭埋頭頭尾尾出入口位，成段路慢慢行，行咗3個鐘，大家都夠晒皮，再落番沙田食嘢。