翠園 Jade Garden：一較糕下（一）

一到過年，就收到啲朋友、親友所送嘅賀年糕點，年年如是，無一例外，故先多謝朋友及親友嘅厚愛。今年所收到嘅糕點，可歸納為嚟自4家餐廳或餅點，分4篇嚟評論吓，依一篇分享嘅喺翠園嘅豐味芋頭糕。

翠園唔使多介紹，美心大集團撐腰，當然後盾強大，出品應該幾穩定。叫得「豐味」自自然然諗住會有好多種材料，睇番成份，主要都喺芋頭、臘腸及蝦米，無想像中落咁多種材料。

芋頭糕都喺煎好食啲，味道較香口，糕內嘅芋頭粒切得比較大粒，其實，除咗糕面中心位有啲臘腸同蝦米，其餘位置都唔太多，感覺製作有少少迤，幸而糕身做得夠挺，易煎之外，入口較實在，又有芋頭香。

雖然夾着翠園嘅品牌，我本身都鍾意依間中菜館，但件糕嘅質素就唔算太高。

個人評分
味道：7/10
環境：- /10
服務：- /10
抵食：- /10
平均每人消費：HK$0（朋友送贈）

餐廳資料：
翠園 Jade Garden
荃灣楊屋道1號荃新天地一期1樓107號舖
2941 0092