2016年8月6日星期六

Hungry Korean:餓底求快脆

一向都唔覺得自己喺食家,皆因對飲食嘅見識都好有限,更連香港依個彈丸之地都仲有好多地方未食勻,就好次今餐匆匆食晏嘅沙田連城廣場,雖然就喺地鐵上蓋,但都喺因為嚟聽啲旅遊講座先到此商場。上到1樓嘅美食坊,間間餐廳都人頭湧湧,結果揀Hungry Korean,相對門口無乜人排,客流亦似乎快上快落啲。
環境唔多講,快餐店格局,不過,初時老婆入去搵位先,小弟就排隊買嘢食,但店員堅持我哋買咗嘢先可以入座,做法上實際對我哋影響唔大,但感覺就肯定有啲不近人情,似喺唔想啲客無幫襯霸住個位。而且,員工嘅服務態度一般般,所以,只點兩客食品食完就算,都唔想多幫襯。
店內有咩食,一眼睇晒,唔多講。
bowl韓國壽司(吞拿魚)$34
韓國壽司就喺我哋去日本餐廳慣常叫嘅壽司卷,共有6款口味供選擇:牛肉、雞 肉、豬肉、魷魚、吞拿魚及芝士,一客10件。份量上都叫做抵食啦,壽司內有雞蛋、醃蘿蔔、甘筍絲、菠菜……等,食落香香甜甜,不過,除咗中間嗰兩件放咗多啲吞拿魚外(當然唔喺刺身級嘅貨色啦,罐頭吞拿魚而已,哈哈),其他嘅咬開、撩勻,都唔多覺有吞拿魚,就算有都薄到無影。
bowl石鍋飯(牛肉)$44
小弟就較喜歡食石窩飯,熱辣又有飯焦,真喺咪講笑,送到上枱個石鍋堅熱。除牛肉,飯面有唔少配料,如生雞蛋、甘筍絲、菠菜、醃蘿蔔、洋蔥、茄子,再唧啲韓式甜辣醬,撈勻個飯,的確喺幾滋味,可惜,牛肉比較乾,啲飯黐底刮唔起飯焦啫。
老婆幫襯過尖沙咀店好幾次,佢就話嗰邊喺韓國人處理,侍應都喺韓國人(註:耳測沙田店店員應該全部或絕大部份都喺港人),味道上做得好食啲,唔知喺心理作用,定喺韓國人做得認真啲、地道啲,嗰邊未食過,所以無從比較,有機會試完先再評。

個人評分
味道:7/10
環境:7/10
服務:6/10
抵食:7/10
平均每人消費:HK$39

餐廳資料:
Hungry Korean
沙田沙田車站圍1號Citylink 1樓105號舖
2725 0988

沒有留言:

發佈留言