Momotaro：大展鴻桃

到外地旅遊最有趣喺尋幽探秘，唔一定話要搵啲古靈精怪嘢，只喺，經過啲辛勞而搵到想搵嘅地方，感覺特別深刻。今晚同麵包班同學仔嚟到Momotaro（註：Momotaro就喺日本家傳戶曉嘅桃太郎），一樣有份探秘嘅感覺，因為店家門牌標晌威靈頓街，實質鋪面開晌九如坊上面，認真吊詭。

Olive Cafe：飽欖美味

沙田打上嘅新界區甚少有小弟搵食嘅足跡，因為過嗰邊真喺好長途跋涉，偶爾都只喺約番啲新界友聚聚先至入嚟，所以，趁今日入新界區掃墓，就約番以前工作嘅師姐聚一聚食個晏，大談軼事，細說當年。

源記甜品專家 Yuen Kee Dessert：不解之源

老婆對源記有份不解之緣，佢話後生嘅時候食過源記嘅桑寄生蓮子蛋茶，對其味道一直念念不忘，今日就趁住去薄扶林掃墓，就專登少少由堅尼地城坐港鐵過嚟西營盤嘅源記，當喺食番個甜蜜蜜糖水下午茶。

Fish & Chick Plus：一魚再遇

年幾前因為開通咗港島西延線，貪得意過咗去西營盤、堅離地城嗰邊搵吓食，其中一間喺Fish & Chick。最近，聽到好友講佢哋晌觀塘開咗新店，唔使過海自然方便少少我依等九龍人。原來，間店都開咗好幾個月喇。

正斗粥麵專家 Tasty Congee & Noodle Wantun Shop：斗纏不清嘅夜茶

依家個社會好紛亂，好多嘢都糾纏不清，是夜嚟到「正斗」嘆茶，唔喺搞咩龍門陣，純粹嘆一盅兩件，同朋友傾吓偈。平常飲茶食點心都喺晌早市或午市多，夜晚嚟食點心就比較少，感覺其實真喺有啲唔同！不過，唔好糾纏於日頭嚟，定夜晚嚟嘆茶好，最緊要喺啲嘢食好！

Three Dice Kitchen：骰香味全

雖然中學喺讀理科，但自問唔喺讀理科嘅材料，咩叫做化學（Chemistry）呀？淨喺只記得「Chem is try」，不斷嘗試去搵出當中變化嘅原因，小弟就最懶用腦，所以，成績麻麻。今晚「骰」逢其會再補課，不過就唔喺嚟學校度，補課地點：Three Dice Kitchen，專做分子料理嘅立食店，又再聽番好多化學名詞！

Sodam Chicken：兵不厭炸

韓國菜算叫做食唔少，但亦唔算好多，不過，正正式式食韓式炸雞就今晚叫第一次喇。獻身第一次嘅炸雞店就喺銅鑼灣百樂中心樓上唯一賣韓國嘢嘅Sodam Chicken，點解揀佢？都喺問過好幾位老友嘅推介。

雙囍鍋：雙重樂趣由此囍

上次嚟到荔枝角廠廈內美食廣場嘅Pati by Lassana食晏，見依度晚市有個乜乜乜火鍋加蒸氣鍋任食，你知啦，依家出面有唔少蒸氣鍋，但間間都食海鮮、火鍋靚料，咁身邊總有啲朋友喺想慳慳哋，$138咁嘅價錢喺咪好有吸引力呢？是夜，就約咗啲美孚街坊好友嚟試，初時嚟到「雙囍鍋」門口（即喺美食廣場嘅門口），真喺睇佢唔出有做晚市架，因為門口「黑掹掹」，好似閂晒門咁。

士林台灣小吃 Shihlin Taiwan Street Snacks：小吃多滋味

近期小弟同西九龍中心真喺有啲緣，繼上個月中晌依度嘅必勝客食飯賀細佬生日，早個星期又同親友晌Cafe Charm's食飯聚一聚。今日又再嚟到8/F嘅美食廣場食餐晏仔！事緣早前晌U Magazine網站抽獎，中咗「台灣士林小吃」嘅4人套餐，所以，趁到期前享用埋佢。

Marks & Spencer 食品部：好友狂嚐曲（53）

「好友狂嚐曲」系列食評一向喺寫朋友送贈嘅曲奇餅，今趟就有啲灰色，半抽水咁啦，因為，好友送贈嘅「Easter Bunny Biscuits」明顯就喺寫住餅乾，不過，無論樣貌，抑或口感，都極似一塊曲奇，如果唔喺包裝袋寫住「餅乾」，相信十個人有九個都當佢喺曲奇。

龍島美食店 Lucullus Gourmet Shop：好友狂嚐曲（52）

就嚟到復活節喇，市面上嘅相關應節產品都見有唔少。小弟雖未至人緣廣，但相信都唔喺咁差，晌上次嘅德國菜飯聚，就收到好友提前嘅復活節小禮物，竟然不約而同都喺龍島嘅產品，有曲奇，又有朱古力，真喺好多謝友人嘅心意。

Cafe Charm's：滋味Charm得透

上個月賀細佬生日嚟到西九龍中心嘅必勝客食飯，順道晌度打個轉，偶然發現Cafe Charm's嘅易拉架，之前已晌紅磡試過，知其水準高，所以，擇日過嚟食餐晚飯兼再嚐其美味窩夫。

Schnee German Restaurant：德意之作

早兩個月先晌葵芳食完餐德國菜，晌老友吹雞下，今晚又再嚐嚐德菜滋味。而且，更可以同幾位耐無見嘅食友聚一聚，實在一舉兩「德」，聚餐地點，就晌銅鑼灣樓上鋪嘅Schnee，多謝老友嘅悉心安排，唔使小弟煩，帶個肚嚟就得喇。

吉利尼 Killiney：絕不運吉

前後去過3次新加坡旅行，以賣咖椰多士出名嘅有阿坤、吐司工房晌好多地方都見其蹤影，就連新加坡機場都有分店。反而，另一家「吉利尼」似乎無咁進取，唔喺太多地方見到佢。今日，一早出開嚟尖沙咀，本想晌吉利尼食早餐，不過成9:00am都仲未開，故完咗聚會先過嚟食餐晏。

Tartes & Pop：法力無邊

之前試過Tartes & Pop兩款甜撻「香橙伯爵茶撻」及「蘋果焦糖撻」之後，有好嘢無理由唔預老婆一份，雖然佢唔喺好嗜甜，但甜品佢都喜歡食，揀咗另外兩款估計無咁甜嘅甜撻俾佢試試。而有關Tartes & Pop嘅介紹，就不妨參考番之前嘅食評（http://garycwm.blogspot.hk/2016/01/tartes-pop.html）。