華御結 Hana-musubi：猴住嚟試

總有啲老友記好有心，喜歡過時過節就送上點點心意，而且，次次唔同，樣樣都見心思。華御結一向喺賣日式飯糰嘅專門店，估唔到賀年產品都有，友人話唔喺店家轉型，只喺跟友好嘅日本和果子台合作，將美味分銷嚟香港，小弟所收到嘅美味就喺與京都百年老店「京都吉祥庵」攜手推出嘅猴年限定和菓子「京乃干支菓子」。

手上嘅京乃干支菓子，包裝極有和風風格，紅紅白白，又櫻花，又秋葉，總之就甚具喜慶。朋友好有心，仲附埋店方張單張俾我，等我了解多啲是次嘅產品。

原來是次合作，除上述嘅京乃干支菓子，都仲有幾多種產品，如：宇治抹茶朱古力大福麻糬、京都朱古力大福麻糬、京都草莓朱古力大福麻糬、京都白朱古力大福麻糬、夢戀兔三色饅頭……等等，選擇甚多。

包裝盒內，共有5個烙印上趣緻可愛、栩栩如生嘅馬騮仔燒栗和菓子，極之應節，從單張所知推廣價賣$88，另備有8個裝，推廣價賣$128。

單張中有對和果子嘅用料作簡單介紹，不過，用料卻一啲都唔簡單，北海道產嘅紅豆及優質新栗。

外皮非常薄，帶着淡淡牛油香氣，內餡軟綿又唔過甜，混入栗子粒及紅豆蓉，好有傳統日式和菓子嘅韻味。

好感謝食友嘅心意，令小弟唔使飛過京都都有機會一試人家百年老年嘅甜點！

個人評分
味道：7 /10
環境：- /10
服務：- /10
抵食：- /10
平均每人消費：HK$0（好友送贈）

餐廳資料：
華御結 Hana-musubi
荔枝角長沙灣道833號長沙灣廣場2樓K1號舖
2371 2614