英王麵包店 A1-Bakery：梳乎．芝士合唔嚟！

小弟家住美孚，但就住近西鐵線嗰邊，有時搭荃灣線返到美孚，就會再行番過西鐵線，依一間「英王麵包店」就經常經過，而且，佢都開到好夜。但話時話，由於晌屋企食完早餐先出門，所以，甚少幫襯佢哋買早餐，今次嘅幫襯，都喺口痕當下午茶。

雖然久唔久經過，但就唔太多留意佢啲產品，依一款梳乎厘芝士蛋糕（$19）似乎喺新出品嚟！近排啲芝士蛋糕又熱鬧番起嚟，咁佢喺咪加入咗「梳乎厘」元素呢？

食完之後，小弟個答案：唔喺！唔知「梳乎」咗邊度，跟一般嘅日本芝士蛋糕無太大分別，絕對唔喺好似梳乎厘「梳乎」到咁輕盈軟身，相反，質感綿密細緻；此外，芝士味亦唔多突出，比較淡口，似有還無咁款，老婆仲話較喜歡上次食友所送半熟工房嘅「半熟芝士蛋糕」。

雖然，基本上個芝士蛋糕無論口感、味道都唔喺差，不過，以梳乎厘命名，就明顯喺有啲誇大之嫌，唔俾個喊臉佢都算我手鬆啦！

個人評分

味道：6/10
環境：7/10
服務：7/10
抵食：6/10
平均每人消費：HK$19

餐廳資料：
英王麵包店 A1-Bakery
美孚港鐵美孚站MEF 116號舖
2370 1738