2016年12月31日星期六

石屋咖啡冰室 Stone Houses Cafe:一石二鳥.又食又睇!

因為老婆晌九龍城上堂,經常由樂富行過去,行經石屋家園發覺原來有家餐廳「石屋咖啡冰室」,試過之後話好好食,一於搵次帶我嚟試吓,所以,就趁2016嘅最後一日,晌燦爛嘅陽光下,嚟嘆餐午飯,懶洋洋、悠悠閒渡過一個中午。

2016年12月30日星期五

Cafe Paradise:飪.天堂

月中老婆卒之返完學,所以,同佢出街食番餐,今回佢連份功課都煞科埋,真喺乜都輕鬆晒,所以,費事煮兩公婆出街食。大半年前到訪過Cafe Paradise,知道佢嘅水準去到邊,價位又唔太貴,對我哋嚟講又算近近哋,所以,就選址晌度食。

2016年12月27日星期二

東海堂 Arome Café:不芝不覺

同老婆晌百老匯睇完「聲夢動物園3D版」早場,都成12點半,就梗喺食埋午餐先返屋企啦。都無特別搵邊間嚟食,不過,出咗戲院一搭扶手電梯上一層就喺Arome Cafe,睇見有啲沙律餐,啱我老婆,就費事再搵,索性晌度搞掂就唔使煩。

2016年12月23日星期五

佳佳甜品:有影佳雙

佳佳甜品連續兩年獲得米芝蓮街嘅推介頭小食殊榮(2016、2017),理論上都差唔得去邊,有唔少人專登去「朝聖」,不過,失禮咁講,小弟舊鋪未去過,新鋪都喺第一次光顧。同老婆有點事要辦先過嚟佐敦,路經見無乜人先坐低食碗糖水。

2016年12月21日星期三

百樂門宴會廳 Paramount Banquet Hall:冬至同樂

繼舊年年初嚟依間百樂門宴會廳食團年飯,今年嘅做冬飯親友都揀番依間,上次中秋飯揀咗間晌長沙灣街坊酒樓「金利豐海鮮酒家」有啲賴嘢嘅經歷後,所以,今回穩打穩紮揀返連鎖酒家開兩圍穩陣啲。始終成廿幾人,有老有嫩,服務穩陣勝於一切。

Green Door Coffee:綠死誰手

繼之前試過「My Little Coffee」及「香港郵意明信片航海主題咖啡廳」兩家咖啡小店之後,同食友傾開咖啡嘅話題,佢就推介我試吓晌摩頓臺一家咖啡小店「Green Door Coffee」,同樣甚具質素,故同朋友嚟嘆個下午茶,傾吓偈並疏導吓大家晌工作上累積嘅負面情緒,即喺呻吓工作上嘅衰嘢。

2016年12月20日星期二

JL Cafe.Kitchen:清風送爽

表姨甥女卒之考晒試,所以,專登搵佢食番餐,知佢喜歡花茶,又喜歡窩夫,遷就番佢晌港島依邊放學,所以,揀咗幾間心水,最後選址位於清風街嘅JL Cafe. Kitchen,睇過友人嘅食評,貪佢地方夠大夠闊落。

2016年12月19日星期一

心の食堂 Love Cafe:心不可測

老婆卒之考完試,雖然仲有份功課要做,但月尾先到死期,所以,趁個空檔同佢食餐好好哋嚟慶祝一下。日本嘢佢都好耐無試,故走咗嚟心の食堂,貪有八折優惠,哈哈。

2016年12月17日星期六

牛気 Nabe Urawa:好氣連場

繼前兩星期行完薄扶林水塘家樂徑,今次再同老友入粉嶺行流水響郊遊徑,天清氣爽,行山真喺好正、好舒服。友人揸車,直達起點,減少交通、轉車時間,麻煩晒!所以,午餐就出返尖沙咀食,而依幾日天氣凍咗,真正有番啲冬天嘅感覺,故一於食番鋪涮涮鍋。選址The One嘅牛氣,一來食過有信心啲,二來商場有兩個鐘免費泊車。

2016年12月14日星期三

Cosmos Restaurant & Bar:宇眾不同

晌尖沙咀,寶勒巷、赫德道喺唔少酒吧集中地之一,不過,食市亦林立,始終尖沙咀都喺個旅遊旺區。今晚同親友嚟到食晚飯、聚舊嘅Cosmos,就喺一家酒吧連餐廳嘅食肆,晌依區真喺有好多酒吧餐廳,競爭都咪話唔大,做唔做到到與眾不同,就要試過先知!

2016年12月13日星期二

香港郵意明信片航海主題咖啡廳 Postcollectionhk Cafe:力爭上郵

集郵一向興趣唔大,不過,以前年輕無乜能力去依度嗰度,所以,有朋友去外地旅遊,就梗會麻煩佢哋寄張明信片返嚟留個念,故此,收收埋埋唔少明信片。不過,依家互聯網加上智能電話嘅發達,越嚟嚟無人願意寄名明信片,取而代之就喺whatsapp發過嚟嘅風景相。早前晌友人FB見到依間「香港郵意」咖啡店,好得意,又可以嘆靚啡,所以,搵晚收工過嚟迤吓。

2016年12月11日星期日

星廚 Star Cucine:有星有色

香港嘅茶記故然一個本土嘅代表,但港式西餐亦喺一個不可或缺嘅部份,兩者晌飲食圈都扮演相當重要嘅角式。隨經濟變化,唔少港式西餐廳嘅出品已唔再停留晌普普通通嘅水平,所做嘅菜式已做得好精緻、好有特色,又敢用上靚料入饌,但勝在價位唔高。最近,老友推介嘅「星廚」,就專登走訪一回。

2016年12月7日星期三

龍麵館 Dragon Noodles Academy:好打得嘅DNA

近排收到啲郵政宣傳,喺新店開張嘅單張連優惠券,食滿$200減$50,食滿$400減$100,變相75折,新店位置就晌中環萬宜大廈以前玩具反斗城個鋪位,對於我依等返中環工嘅人就極之方便。今晚同幾位朋友到此,見識一下佢哋嘅真功夫,睇睇喺咪咁打得。

2016年12月6日星期二

富士山55 Fujiyama 55:肝膽雙雄

晌日本,一家拉麵店可以單單賣兩、三款麵就做一世咁滯,晌香港,似乎啲個設定喺唔多可能,所以,見唔少拉麵店為吸引客人或保持新鮮感,都會不斷推陳出新。早幾日睇朋友FB上載咗兩碗頗吸引嘅沾麵,故是夜就一於再訪主打沾麵嘅富士山55。

2016年12月3日星期六

辛安東元祖奶奶雞 Spicy Andong:辛舊交替同樣味美

趁秋高氣爽,同友人行山,輕輕鬆鬆行完薄扶林水塘,就一齊落去銅鑼灣食晏,大家都無乜提議之下,又想食啲特色嘢,有質素嘅嘢,諗咗幾個選擇俾大家,最後揀咗曾到訪過辛安東元祖奶奶雞,不過睇番記錄,對上一次幫襯已經喺2014年嘅事。

2016年11月30日星期三

Press Enter:一按即享

近排多咗幫襯啲咖啡、西餐小店,因為,感覺佢哋大多數都對做菜肯花心思,有份熱誠,偶爾仲帶嚟唔少驚喜。同住晌大角咀嘅老友傾開,佢話屋企附近有家小店「Press Enter」,做菜頗有水準,定價亦算相宜,叫我有機會可以光顧下。所以,趁今晚嚟開奧運,就順道同友人到訪短聚。

2016年11月27日星期日

Ginza West:好友狂嚐曲(59)

這一家創辦自1947年嘅日本洋菓子老店「銀座西點」(Ginza West)晌網上有唔少食評,所以,佢嘅背景、歷史就唔多講。友人真喺好細心,怕未知幾時先又再見到面,就預早醒小弟一份生日禮物,就喺銀座‧西點嘅酥餅禮盒,曲奇、酥餅類嘅產品,啱晒我啦。

2016年11月26日星期六

My Little Coffee : Coffeehouse & Roasters:我的咖啡小天地

友人轉行走咖啡師嘅路,可謂從低做起,所以,兼職於大連鎖咖啡店學一學管理之餘,亦到細咖啡店學唔同嘅咖啡知識及沖調手法,我相信有志者,事竟成。嚟到My Little Coffee,屬小型咖啡店,俾人感覺就喺一間好有個性嘅咖啡店。

2016年11月24日星期四

奇華餅家 Kee Wah Bakery:好友狂嚐曲(58)

依家啲商家做生意,都會各出奇謀,最常見就喺搶「頭啖湯」嘅策略,四月尾講賣糉,八月推出月餅,所以,十一月出現聖誕禮品已好平常,就算收到都變得唔喺咩特別嘢。多謝友人,提早祝小弟聖誕快樂,送嚟小小聖誕心意。

2016年11月23日星期三

Mela Italian & Spanish Cuisine:搵食工略

唔覺唔覺,觀塘無啦啦成為小弟搵食地區嘅熱點,當然,始終唔及銅鑼灣、尖沙咀依等熱點,但數數,今年真喺多咗好多次入嚟觀塘食飯,仲以工廈餐廳佔絕大多添,工廈搵食亦成為好多人嘅搵食攻略。今晚同識食嘅友人嚟到賣意大利及西班牙菜嘅Mela,講飲講食之餘,仲品嚐到出色好手勢嘅菜式。

2016年11月22日星期二

16 Shell:蜆而易見

位處蜆殼街16號嘅「16 Shell」,店名嘅由來顯而易見,主打意大利菜,喺小弟喜愛嘅菜系之一,另外,少有哋以黑蒜作為餐廳賣點,故吸引到訪。天氣轉寒,落住長命雨,感覺有點悽楚嘅一個晚上。

2016年11月18日星期五

有情有意 Friends Italian Restaurant:情意兩全

曾到訪過紅磡都會廣場嘅社企餐廳「高。牽心」(Go Inside)食飯,不過,都已經喺2014年8月嘅事。其實,佢隔離仲有一家姊妹店「有情有意」(Friends Italian Restaurant),同樣喺社企餐廳,不過,前者主要以訓練年輕人為使命,重拾追求夢想嘅熱情,後者則喺個讓失聰人士自力更新嘅地方,更推動聾健共融。這晚,有事過到嚟火車站依邊,就專登嚟支持一下這社企意大利餐廳。

2016年11月17日星期四

Pom's Kitchen & Deli:嘻嘻哈哈嘆原隻龍蝦

早前同友人到佐敦平昌食韓燒,時間尚早就晌附近周圍行陣先,偶然發現依一家 Pom's Kitchen & Deli,門外餐牌有啲龍蝦菜式,定價唔貴,所以,搵晚同老友夏總嚟食餐晚飯,聽佢講吓九州之旅。

2016年11月16日星期三

平昌 By BBQ 7080:昌林彈雨盡情燒

食放題多數都喺日式,而食韓燒就多數揀套餐,韓燒放題就真喺反而第一次喇。「平昌」喺好陌生嘅名字,不過註名by BBQ7080「撐腰」,又唔擔心喺放題而會將貨就價,因為,曾經食過佢旗下嘅韓燒,印象記得喺唔錯。放題,就猶如槍林彈雨咁戰況激烈,以有限時間,無限地盡情燒!

2016年11月15日星期二

Urban Coffee Roaster:細緻晚餐個性咖啡店

依家香港有好多特色嘅咖啡店,各有個性,但晌香港租貴人工貴,開一家具質素嘅咖啡店,而只喺單賣咖啡真喺恐怕維唔到皮,所以,食物做得出色有特色,亦喺生存之道。咖啡迷嘅老友推介尖沙咀橫巷碧桃仙路嘅UCR,話佢哋咖啡出色,食物亦具特色。

2016年11月13日星期日

M.U Cake & Sweet:關西直送滋味

小弟喺曼聯迷,一見到「MU」兩個字,就下意識以為喺曼聯相關嘢,早前晌報紙見到介紹一家甜點店「M.U Cake & Sweet」,初以為跟曼聯有關,原來喺一個美麗嘅誤會,再細看詳聞,才知喺一家主打日本直送賣關西幾家名店嘅蛋糕。

Cafe Hillywood:清靜嚐甜

唔知點解,依個年代,人人都話好忙,其實,有時候喺唔知忙乜,尤其香港人,總喺衝衝衝,停唔到落嚟咁。但當真喺放慢腳步,停低咗,你又會做乜呢?其中一樣,搵個好地方,嘆個下午茶我就覺得最寫意不過。

2016年11月12日星期六

美味小廚茶餐廳 May May Restaurant:我的星期六美孚早餐 ~ 小炒勝早餐

好耐無寫依個系列,因為,近來食嚟食去都特別可言喺之前已寫過嘅餐廳,佢哋又無咩新嘢出,所以,真喺無咩好寫。諗諗吓,仲有間茶記好似未寫過,隱身晌街市嗰邊,之前同屋企人食過晚飯,啲小炒幾好,反而,早餐就未嚟過,故今次嘅星期六早餐就嚟到「美味小炒茶餐廳」。

2016年11月9日星期三

Amitie Kitchen:友情小廚

年中同多年死黨Dee Sir大嚐韓式炸雞,傾偈講吓麻甩佬嘢,之後話過有時間再約約,因為工作關係佢成日飛,約佢唔易架,今晚佢就俾到個期小弟,仲拉埋佢嫂夫人聚一聚。選址晌尖沙咀商廈樓上鋪嘅Amitie Kitchen,皆因睇到相熟食友嘅食評,介紹店主兼主廚喺晌本地著名5星酒店出身,應該有一定嘅實力,就探秘一下這小店水準如何。

2016年11月7日星期一

Blue Brick Bistro:青出於南.法日味力

挾着日本甜品名店之名嘅Yoku Moku,首間開晌海外嘅西餐廳落戶灣仔,為省靚招牌,相信會施展渾身解數,自不然有一定嘅吸引力,其忌廉蛋糕卷及雪茄蛋卷當然享負盛名,以法國菜為本而融入日本食材嘅菜式又會點樣?今晚親嚐就知道水準如何!

2016年11月5日星期六

Warren:慢活周末

大坑曾被喻為香港一個頗有慢活感覺嘅小社區,天氣開始轉涼,秋意綿綿,又喺露天用餐嘅好時節,故同老婆嚟到大坑渡一個慢活周末,食餐晏,再行行半山。

2016年11月3日星期四

The Oyster House:蠔情再續

約咗表姨甥女食飯,傾開偈,原來喺未同佢一齊食過蠔,今晚揀嚟灣仔嘅The Oyster House就啱晒,可以試少少即開生蠔,又試到其他高質素菜式,對上一次嚟都成年前嘅事(http://garycwm.blogspot.hk/2015/12/the-oyster-house.html),仲記得佢哋啲菜式做得甚有水準。

2016年11月2日星期三

金功夫點心火鍋 Kung Fu Deluxe Dim Sum Hot Pot:火鍋靚料真功夫

最近晌FB見到金功夫點心火鍋晌灣仔開咗間旗艦店,叫得旗艦店地方大就唔在講,最重要見到為慶祝新店,推出一蚊雞湯底優惠,去到11月18日止,因為都曾經到訪過北角店,知道佢哋用料都有水準,所以,就趁限期前趕去享用個咁筍嘅優惠,剛啱香港天氣轉涼咗,入夜更有少少寒意,打鞭爐就更正。

2016年10月31日星期一

大家樂 Café de Coral:狂風掃樂葉

大家樂大多數喺小弟星期六落去食旱餐嘅地方,晚飯?甚少幫襯,偶爾有新出嘅特別嘢想試或懶煮晚飯,就會到快餐店搞掂。最近,就見佢出咗款「海鹽檸檬烤雞超值2人外賣餐」,$88已包海鹽檸檬烤雞1隻、粟米2支、蜜糖甜薯1客、肉醬意粉1客及可口可樂汽水2罐,非常豐富。趁快樂星期五,工作忙無時間煮,就買一份返屋企同老婆撐枱腳。

2016年10月26日星期三

K2 Kitchen:尋美味.2到極

大概年初曾到訪過觀塘工廈嘅K2食飯,記得當時嘅總結喺食物稱心,服務貼心,價錢合心,喺一家平易近人嘅歐陸餐廳,所以,今晚同朋友嚟食飯聚舊就絕對唔使擔心。

2016年10月25日星期二

BEL CIBO Seafood Bar & Restaurant:鮮吧歷險記

因為尖沙咀都算喺常出沒嘅地方,加上亦喺約朋友食飯聚舊區域熱選之一,睇見依區變化得都幾快,尤其短短一截掘頭巷嘅厚福街,走過厚福街,目測有超過90%地鋪都喺做飲食,可以講喺自動成為咗一條美食街。走到街尾嘅H8,更喺厚福街嘅地標食廈,是夜就喺揀咗12樓嘅Bel Cibo與朋友聚餐。

2016年10月24日星期一

熊拉麵 Kuma Ramen:熊心壯志

收工後有點差事要過嚟上環處理,加上老婆是夜約咗人傾功課,一支公就梗喺食埋先返屋企啦。醒起曾經晌蘇杭街有間賣亞洲特色麵食小店「Foxtail & Broomcorn」,嚟到先發覺已經轉為一間日本拉麵店,感覺有點可惜,小弟一向做人既來之,則安之,反正暑假初去完北海道到依家,都未有再食拉麵,就當今晚依一餐重溫吓拉麵嘅滋味。

2016年10月19日星期三

浜焼き Hamayaki Jiro Japanese Restaurant:歡樂浜燒

食新鮮海鮮,以往較多喺同一班死佬入屯門三聖,即買、即煮,食材夠晒揀手新鮮。今晚同表哥嚟到「浜焼き」,同樣以新鮮海鮮即燒為賣點嘅浜焼,加上以其他時令食材入饌,做出唔同嘅日本菜式,好期待嘅一晚歡樂今宵。

2016年10月13日星期四

大井町日式放題 Ooimachi Japanese Buffet:荃美一町

早排同舊同事食飯,知道師姐下年初計劃去韓國濟州,但未定跟團定自由行,話晒小弟2012年都去過一轉,手頭上都有唔少資料、地圖及單張,所以,約咗今晚食飯聚一聚兼交收。佢話耐無食放題,投其所好,就食番餐放題,有時啲嘢就咁「橋」,一喺就成年無食放題,一食時隔兩個月又食一次。

2016年10月12日星期三

FRITES Belgium on Tap:零的突破

晌香港,比利時菜算唔算冷門呢?大家對比利時菜又有幾多認識呢?以小弟而言,佢真喺比較冷門,睇番自己咁耐嘅食評就知,唔計比利時窩夫及朱古力,食過嘅比利時菜可謂一隻手指(唔喺一隻手)都數得晒,今晚,就同朋友嚟到中環嘅Frites作出零的突破。

2016年10月6日星期四

Pizza Piazza:漏眼驚喜小店

上次去荔枝角嘅The Americano時,偶然發現依間意大利小店Pizza Piazza,門口開得有少許隱蔽,好易走漏眼,之後再上網睇睇風評唔錯,對我嚟講荔枝角區又頗就腳,所以,約咗個老死過嚟一齊試吓,人算不如天算,佢啱啱被老細扯住走唔甩,既然坐落就唔好意思就咁走,唯有獨腳戲食番餐。

2016年10月5日星期三

Espuma:二人三足

Espuma灣仔店從未到訪過,不過,近日睇見食友嘅食評,知道店家新推出咗個2人晚市套餐,內容豐富,話就話喺二人餐,睇其份量,唔喺咩大胃王或大食懶嘅話,相信都夠晒三個人食。再者,佢哋啲咖啡一向都好唔錯,又可以嘆番杯!

2016年10月2日星期日

Assaggio Trattoria Italiana:意悠未盡

賀完細妹生日,就輪到老婆餐生日飯,既然喺佢就搵間有特色少少,未必一定要好高級,但最緊要有素食、健康,所以,趁出開嚟尖沙咀就揀咗感覺清新,賣意大利菜嘅Assaggio,加埋佢朋友,一行3人嚟到食個悠悠閒嘅午餐。

2016年9月25日星期日

稻香 Tao Heung:抵食之稻

又喺一年一度慶祝細妹嘅生日飯,成日都話,細佬妹佢哋對食嘢無要求,普普通通嘅中餐廳就最啱佢哋,試過搵啲特色餐廳食生日飯,佢哋反而覺得麻麻哋,所以,今年一於晌稻香食,一來就晌佢哋附近,就晒腳,二來有啲特價好嘢,好似幾得咁喎。

SKY726:Sky美早午餐

香港好多大廈都有名有姓,但彌敦道726就真喺得門牌,無大廈名,所以,印象有啲深,而此處非第一次嚟,之前曾到訪過7樓嘅樂農及18樓嘅Doux,今次攀到頂樓嘅SKY726,一嚐其周末早午餐,講到依度,就知店名來由喇。

2016年9月21日星期三

Moreish & Malt:麥超所值

早前嚟觀塘駿業街依一邊廠廈食飯,較相約時間早到,商場我就亦麻麻哋鍾意行,所以,揀晌附近打個轉,偶然行經鴻圖道,Moreish & Malt喺其中一家印象較深嘅餐廳,主打好多手工啤,所以,想起麵包班同學仔甚好此道,擇咗今晚同佢嚟食飯傾偈。

2016年9月20日星期二

Casa Fina Seafood & Oyster Bar:分蠔不差

今晚嚟到Casa Fina,目的之一就喺嘆生蠔,不過,朋友推介佢嘅原因,就喺佢哋煮嘅歐陸菜亦有一手。比起好多食廈,亨利中心比較無咁雜,進駐嘅餐廳亦屬中高檔,所以,排隊等電梯都無混亂嘅場景出現。

2016年9月17日星期六

奇華餅家 Kee Wah Bakery:陳皮與紅豆的經典

早前試過奇華嘅月餅奶皇系列,晌紅磡嘅「逸‧酒店」食完下午茶,樓下正正有家奇華餅家,見中藥世家余仁生 x 奇華合作出咗款陳皮豆沙月,好有睇頭,陳皮與紅豆依個經典組合,聽落都好期待,而紅豆沙產品一向好啱我老婆,所以,佢睇見依款產品就特別開心。

2016年9月16日星期五

功夫點心 Kung Fu Dim Sum:黑心月餅

有一段時間,晌香港成日聽到啲黑心食物,即喺啲極有問題嘅食物,用啲變壞嘅食材,或用啲污糟嘅手法去做嘅食物,近依年好似少咗啲,間中先有啲零星個案。最近,朋友送咗盒「黑心」月餅俾我,但放心,絕對唔喺食壞人嘅黑心食物,喺嚟自功夫點心嘅「蛋黃芝麻月餅」。

2016年9月15日星期四

金利豐海鮮酒家 Golden Harvest Seafood Restaurant:落閘豐鋪

一年容易又中秋,又喺親友聚一聚嘅時候,過時過節,一大棚親友又會擺兩圍賀賀佢。今年中秋,表姐搵咗幾間心水,原意喺龍寶,但竟然喺無位,所以,揀咗依間金利豐,見佢嘅「中秋節全包超值套餐」($2,698)菜式幾好,價錢又實惠,雖然未試過,但當喺試一試都無妨。