2015年6月30日星期二

首爾家韓國料理 Seoul House:墨首不成規

同哈韓嘅朋友當然投其所好,食番韓菜,幾類韓菜中,朋友覺得食韓燒最過癮,有氣氛,又可以自己動手燒吓,所以,小弟是晚就撓埋雙手等食。

ISeeiSee Handcrafted Icy Desserts:點止冰冰

從雜誌睇過ISEE iSEE嘅報導,啲雪條嘅賣相超吸晴,色彩繽紛,又以新鮮水果入饌,無添加,無色素,所以,同朋友到銅鑼灣食韓烤,就順道過嚟ISEE iSEE感受一下冰涼透心嘅天然原味,為炎夏消消暑。

2015年6月28日星期日

麵包班同學仔私房菜

出街食飯寫吓食評都變得好平常事,不過,去朋友家作客食飯就甚少搞依家嘢,因為通常都唔太方便嘛,不過,今餐有別,皆因喺由以前一齊去工聯會學整包嘅同學仔款待,我哋由初級實習班學到高班,大家又鍾意研究吓甜品,佢都經常相機先食,所以,影佢做菜絕無問題。

Joyful Dessert House:樂Joy其中

啱啱晌旺角上完啲興趣班,約咗麵包班同學仔同佢老婆一齊嚟個甜品下午茶就最好不過,順便聚一聚,又研究吓整甜品嘅心得,而嚐甜地點就喺晌附近嘅「Joyful Dessert House」,之前,從食友嘅食評都見到其芭菲杯出色,依刻終有機會一試!

2015年6月27日星期六

泰式素食 Thai Vegetarian Food:素食泰度

因為老婆報咗個課程,晌九龍城上堂,所以,近來多咗晌依區出沒。而佢又鍾意食素,偶然發現依間泰菜素食小店,就專程送佢返學,兼一齊食餐晏。

Bistro Délifrance:大地震前的法式早餐

撇開政治問題,香港都算喺塊福地,自然天災比較少,打風一年幾次都甚少做成嚴重傷亡,比起鄰近嘅大陛、台灣、日本,一個大地震都會有幾嚴重嘅後果。今早,兩公婆又嚟到葵芳睇早場加州大地(戲飛平啲吖嘛),睇戲前食番個豐富啲嘅早餐,本來打算揀A1 Bakery Café,但得戶外位,一朝早已29℃,所以,揀咗坐得較為舒服嘅Bistro Delifrance。

2015年6月25日星期四

霜月 Shimo:鍋心之選

回顧番小弟自己嘅食評,雖然日本菜久唔久都會食吓,但日式嘅涮涮鍋(Shabu Shabu)都算食得少,所以,對食涮涮鍋無咩心得。難得朋友搞局,嚟到銅鑼灣嘅「霜月」,話要品嚐一級棒嘅和牛鱈場蟹鍋,當然掹埋衫尾嚟見識吓。

2015年6月24日星期三

前家樂餐廳火鍋店 Happy Family Restautant:不樂俗套

以前搵食多集中晌旺角、尖沙咀、銅鑼灣依幾個搵食大區,隨著租金上升,唔少傳統旺區都好貴租,從而有唔少食肆進註一啲二線區域,漸漸變成搵食集中地,就好似天后、大坑、九龍城、大角咀……等等,之前,到過九龍城食人氣嘅韓烤,這晚就造訪大角咀,食嘅喺依然大熱嘅雞煲,再加美味嘅烤魚鍋,雙料滋味,做得不落俗套嘅「前家樂」,一個既玩食字,又有心思嘅店名。

2015年6月23日星期二

炑八韓烤 MeokBang Korean BBQ & BAR:耳炑一新

晌「開飯喇」查一查,韓式餐廳接近400間,當中主打做韓燒有近1/3,無正式統計過,只喺從朋友、雜誌所聽聞,粗略估計,每個月大概有2-3間韓式餐廳新開業。近日,就同朋友嚟到九龍城嘅「炑八」嘆韓烤,喺近排擴展得幾快嘅韓烤餐廳。

2015年6月22日星期一

美心西餅 Maxim's Cake Shop:別具蜂味

前文提要,同一班朋友晌小南國食飯聚舊,成年無見,要講嘅嘢實在「長氣」,傾咗成晚,去到飯局尾聲,亦喺甜點出場,除有小南國嘅棗泥千層糕及上海桂花拉糕,仲加插美心全新推出,充滿清新香甜,澳洲金奬蜂蜜系列嘅蜂味蜜糖屋蛋糕。

小南國 Shanghai Min:家傳滬曉

雖然知道「小南國」晌香港紮根多年,可謂家傳戶曉,若非餐牌內頁有一小段文字介紹,真喺唔知佢落戶香江已超過25年,依家分店遍佈港澳及國內多個主要城市。今晚,就同一班成年無見嘅老朋友嚟尖東嘅小南國食飯,因為大家實在太耐無見,所以,「專登」搵間靜焗啲嘅中菜館,生怕景觀更好嘅北京道小南國會人多太嘈雜。

2015年6月21日星期日

Knockbox Coffee Company:千變萬化嘅咖啡寶盒

表姨甥女喺咖啡迷,有嘢搵我傾,順便食個下午茶,就佢出旺角,所以,揀咗Knockbox,因為好友推介過佢嘅咖啡。

2015年6月20日星期六

叙苑粉麵茶餐廳:歡敘一堂

每年都會同屋企人上嚟慈雲山一趟,事緣要到鑽石山墳場掃墓,依家同屋企人分開住,唔喺過時過節,就喺依類死忌掃墓嘅日子,先至彼此聚一聚,食吓飯,傾吓偈。過往幾年,不約而同到喺嚟敘苑粉麵茶餐廳食晏,唔喺貪佢有咩好,只喺由墳場行番出巴士站第一間茶記就見到喺佢啫。

2015年6月14日星期日

前門飯莊 The Door Northern Chinese Dining:裹足不前

最近舅仔搬咗,連帶佢太太有身孕,唔適宜走得太遠,地點就一於佢哋話事。原先揀咗青衣城嘅I- thai,原來執咗,結果改去前門飯莊食晚飯賀姨仔、舅仔牛一,一餐生日飯請晒佢兩個,就最益我俾少次錢。

2015年6月13日星期六

奇華餅家 Kee Wah:糉有你心

依家食糉已無分時節,尤其鹹肉糉,粥檔必備。不過,一臨近端午,無論酒樓、抑或餅店,都推出各式各樣嘅糉嚟應節,為咗搶佔生意,更會推陳出新,所以,晌依個時候,就更可以品嚐好多新口味,不得不佩服師傅們嘅創意心思。今次,就多謝朋友送嚟兩隻香糉俾小弟應節,實在有心。

2015年6月12日星期五

北京樓 Peking Garden Restaurant:京貴午餐

大佬東次次返香港公司開會,都會搵小弟食番餐晏聚一聚,依啲機會一年都有好幾次。今次約得匆匆,由小弟拍板食乜,就大家近近哋到歷山大廈地庫嘅北京樓,屬美心集團中高檔嘅外省菜館,以往都有幫襯過佢哋其他外省菜館,一向印象良好,環境、服務、食物水準都有番一定水平,但相對,消費就比一般酒家高啲,尤其是晌中環區,今餐就成為一頓矜貴嘅午飯。

2015年6月10日星期三

三和火鍋雞煲:和味雞煲

早前入過東涌搵食,雖然蒲台島先喺香港最南,但東涌(加埋機場)晌我嘅搵食地圖已經喺最南;隔唔夠幾多日,由最南走到最北,嚟到上水食雞煲,地點就喺街坊食堂嘅石湖墟熟食中心,專程捧朋友場。

2015年6月9日星期二

川燒 Chuan Shao:望川秋水

「望穿秋水」意思喺形容對遠地親友嘅殷切盼望,小弟就無乜親人晌外地,所以,比較少有依一種感覺。不過,有時約朋友食飯,尤其耐無見嘅朋友,就真喺有少少望穿秋水卒之約到一齊食飯嘅感覺。今晚嚟到川燒,唔使望穿秋水啦,可以開懷一番。

2015年6月7日星期日

灑家燒味小廚 Master Kitchen:耍家燒味

雖然早前入嚟屯門三聖食海鮮喺有老友揸車,不過,有咗西鐵,小弟由美孚往返屯門真喺超方便,所以,屯門站上蓋嘅大型商場V City,就成為偶爾路經嘅地方。其實,嚟V City食嘢的確有好多選擇!

2015年6月6日星期六

euro go go:睇深夜食堂,嘆清新早餐!

收到兩張「深夜食堂」換票證,真喺啱晒,因為老婆正正想睇依套電影,令小弟可以慳番百零蚊。一於近近哋,過葵芳新都會,晌euro go go嘆完早餐,就過隔離百老匯睇9:00am早場。

2015年6月2日星期二

Spade by Lassana:法式芝味

曾經試過Spade by Lassana嘅雪糕及甜品,尤其嗰個以丹麥方包所做嘅「野莓盛會」甜品,記憶猶新,旺角店因商場嘅發展改變而結業,實在可惜。不過,油塘店最近新出咗款芝士蛋糕,多謝朋友相贈,讓小弟有個「芝」味嘅下午茶。

Nun:踏雪尋莓

韓國菜,以前就只喺知有泡菜、人蔘雞、石頭窩飯……等等,近年韓燒更喺當紅,跟住炸雞、芝士排骨……等等陸續火熱起嚟。從而,年多前晌韓燒店食過一款雪花冰(韓冰),先認識到依款韓式甜點冰品。今次嚟到銅鑼灣Nun唔使食韓燒都可以品嚐到雪花冰嘅滋味。