美心西餅 Maxim's Cake Shop：德糕望重

講到黑森林蛋糕，你會諗起咩？港式黑加倫子啫喱扮車厘子？忌廉多過蛋糕？它來自德國？早幾日走過美心，又見有新款蛋糕，叫做「黑魔王森林」（La Forêt Noire），問問店員，原來喺將德國嘅經典蛋糕黑森林，改以法國一級食材重新打造，將經典變得細膩，怪唔之得仲改咗個法國名啦。講到咁犀飛利，點可以唔試試。

愛烘焙麵包工房 iBakery：好友狂嚐曲（廿一）

數月前曾收過朋友所送嘅「愛烘焙麵包工房」（ibakery）腰果朱古力曲奇，包裝簡約精巧，沖杯咖啡，啱啱好一包7件當個下午茶，等小弟晌沉悶嘅工作中抽一抽身悠閒吓。今次又收到另一包愛烘焙麵包工房嘅曲奇，哈哈，又可以「蛇一蛇」，抖一抖，嘆一嘆。

協奏坊西餐廳 Sonata Western Restaurant：味遊四坊

早於7月，老婆為祝賀朋友個仔完成文憑試，請佢嚟協奏坊食番次自助餐，請得人無理由唔請埋我架，掹住佢衫尾嘆番次自助晚餐，以三百鬆啲個價位，有海鮮，有生蠔，有魚生，有伯伯加奴雪糕，款式唔算好多好多，但有一定質素，覺得真喺幾抵食，所以，之後再約朋友嚟食過，一同味遊四方。

漢和韓國料理 Hon Wo Korean Restaurant：噓韓問暖

曾經晌觀塘打過幾年工，有一班以前晌製衣廠做過嘅老友，我哋久唔久都出嚟食餐飯、聚一聚，由於當中大部份人都住晌九龍東或港島東，為就大家方便好多時候都揀嚟觀塘搞局，每次都有有心人負責搵地方，小弟次次都喺坐享其成，今次晌「漢和韓國料理」嘅飯局，亦無例外，多謝晒Pammy姐！

Jashan Indian Cuisine：檸融印之味

周不時都聽到國內領導對政治、民生都喊出好多口號：「對腐敗零容忍」、「對違規違紀行為零容忍」、「對安全生產隱患零容忍」……等等，做得幾多要待時間、歷史嚟證明。但檸檬融入印度菜嘅「檸融印」，今晚就可以驗證，多謝老友吹雞相約嘆番餐印度菜聚，地點就晌離公司不遠嘅Jashan Indian Cuisine，非常就腳。

奇樂香辣雞煲 K Lok Spicy Chicken Hot Pot：樂在奇中

積積埋埋，今年都食咗唔少雞鍋，上品花雕雞鍋、鮮人參藥膳雞鍋、椰青嘉美雞煲、黃金芝士雞煲……等等，不得不佩服當中層出不窮嘅創意，只要肯動腦筋，創意無界限。一向喜歡試新嘢嘅我，從食友嘅食評得知一款「鮮雞冬瓜粥鍋」，清甜下火，就帶同老婆及朋友拜訪，一嚐「奇」味。

燒一流：縮一燒

「燒一流」依間茶記都喺一次好偶然咁「過經」，先知嗰度瑟縮咗一間茶餐廳。原意喺搵入面間稻香，先知道商場鋪外喺集團旗下嘅泰昌餅家，入去就喺同屬稻香嘅燒一流，再入啲先至喺稻香。就算晌商場口門，都只喺印住「茶餐廳，由此路進」，連名都無個，真喺好鬼神秘。

甜入心 Heart's Dessert：甜入心扉

深水埗嘅甜入心唔經唔覺都開咗成年幾，雖然位處暗街，唔及松記、綠林晌大街位，但生意及評語都不俗，門外有唔少等位或等外賣嘅客人。之前已經嚟過，對其焦糖布甸椰皇子念念不忘，喺必食之選，今次同朋友再到訪，發覺多咗好多新嘢。

米走雞 Running Chicken：芝味雞煲

一向都好鍾意食帶有芝士嘅食物，例如芝士餅、意粉、薄餅……等等，而食薄餅更經常糝滿芝士粉晌薄餅之上，睇見好幾位朋友對長沙灣「米走雞」所撰寫嘅食評，引起小弟唔少興趣，加上地點幾就腳，由屋企搭兩個站地鐵就到，所以，就捉埋兩個朋友，搵個閒日夜晚過嚟試一試。

Gianni's Trattoria Italiana：住家意菜

吸引小弟嚟到Gianni's，都喺因為其打正旗號充滿家庭風味嘅傳統意大利南部特菜色，小店位處正正伊利近街及些利街街口，亦即喺搭半山自動扶手電梯，上到伊利近街街口，抬頭左望有個好歐陸式綠色帳篷嗰一層就喺嘞。

2/3 Dolci：Dolci之秋

農曆八月十五中秋節，算得上中國一個傳統嘅大節日，一臨近中秋又喺月餅出籠嘅日子，又會睇到大大小小各家商戶各出奇謀嘅時候，你又諗好送咩月餅俾屋企人或朋友未？是日跟幾位好友嚟到 2/3 Dolci中環店一試其迎中秋嘅迷你奶黃月餅，兼順道品嚐近日新出嘅Fresh Summer Series系列嘅件裝蛋糕。

滄浪亭 Tsong Long Ting：迷你滄

晌美孚住得一段日子嘅街坊，都好少人會唔識「滄浪亭」，因為依間專賣上海小食、湯麵嘅蚊型店，晌依區都薄有名氣，，而出品亦都有一定嘅水準，繁忙時段門外更有時都有條小龍，樓上樓下嘅街坊就較喜歡外賣拎走。不經不覺，對上一次嚟幫襯都已經喺好幾年前嘅事。

喜記蟹將軍 Heekee Crab General：喜雙逢

年中先嚟過銅鑼灣嘅喜記蟹將軍，估唔到事隔數個月再次造訪，都喺多得朋友搞局，掹車邊再嚟試菜。「雙逢」唔單止想講話嚟咗兩次，更喺再回味「黑松露波菜汁蟹鉗」及「招牌將軍令」兩道蟹鉗菜式，能跟朋友開懷暢飲，相逢不恨晚啊！

Venchi Chocolate：Venchi‧「搵次」再試！

早前出席過Venchi中環新概念店開幕所搞嘅開幕活動，試咗多款朱古力、意式雪糕及咖啡出品，讓小弟有個滋味超滿足嘅下午，除意式雪糕外，其他產品都甚感輿趣。炎炎夏日真喺叫人做起事嚟都散慢啲，一杯冰涼凍飲可以讓人悶熱全消。

新麻浦 BBQ Shin Mapo BBQ：再嚐護心肉、爐邊烤蛋！

年初到訪過尖沙咀金巴利道嘅韓式烤肉店「喜來稀肉」，主打一隻成年豬只有200-300克嘅護心肉，以及爐邊烤蛋，覺得美味又獨特，當其時都可講得上城中獨賣。早前，又見到另一新店，被喻為韓國No.1燒肉嘅「新麻蒲」，落戶銅鑼灣，故嚟到新麻蒲就喺想再重溫一下護心肉嘅美味。

下一站...甜品 Next Station ... Dessert：下一站，又喺甜品！

早前已拜訪過Next Station Dessert，對其甜品印象頗深，唔單只味道有水準，食材配搭亦見心思，令每一道甜品味道紛陳，部份更喺喜出望外！有次飯聚，幾位老友異口同聲話想試好耐，我就梗喺舉腳支持掹住車邊跟埋一齊嚟啦，所以，下一站，又喺甜品！

Hey YO!!：好友狂嚐曲（二十）

雖然從未幫襯過「喜‧乳酪」（Hey YO!!），但都知知哋佢喺伯伯加奴（Pappagallo）嘅全新品牌，喺間DIY自助乳酪及蛋糕專門店。不過，若非食友送贈一盒Hey Yo!!嘅曲奇，真喺唔知佢哋都有賣曲奇添，多謝食友厚愛，讓小弟見識一下佢哋乳酪及蛋糕以外嘅產品。不過，上過官網睇過，就未見有曲奇資料嘅發佈。

南대門韓國料理 Namdaemoon One Korean Restaurant：一南子美味

韓風依然好熾熱，見住啲韓國菜館一間接一間開，而唔少出名嘅更大排長龍。我就好怕排隊搵食嘅，所以，趁時間早，晌有韓國街之稱嘅金巴利街搵食，最後揀咗街尾嘅「南대門」，一來太早唔喺間間有開門，二來座鎮門外位「阿捉斯」（大叔아저씨）猛咁講好味，推介依樣，推介嗰樣，又韓又中，誠意十足，就膽粗一試。

金田日式放題 Kaneda Japanese Restaurant：金宵要盡慶

小弟一向都喜歡自助餐、放題，因為想食乜就食乜，輕鬆自在，唔使諗有咩唔啱邊個食，不過，近年都食少咗，因為戰鬥力無後生時咁強，回唔到本感覺總喺無咁抵。但喺，有時就唔喺因為要回本先嚟食放題，就好似今次，一班好姊妹趁快樂星期五搞個放題局，又點可以少我份唔參與。由老友安排好晒一切，嚟到金田日式放題，就要好好盡慶今宵，填滿個肚先好走。