上海婆婆336 Shanghai Po Po 336：尋求突婆

小弟家住美孚，曾幾何時都有一間「上海婆婆」，其實質素都唔差，裝修又夠時尚，不過，最後都結咗業；亦曾經幫襯過牛頭角道淘大商場嘅「上海婆婆」，仲記得一大班人食得好滋味添。今回老友吹雞叫開飯，地點喺嚟尖沙咀國際廣場嘅「上海婆婆 336」，知道佢喺「上海婆婆」嘅副線，針對年輕朋友，當然好有興趣啦。又再次掹住食友衫尾，小弟就老實不客氣，多謝老友請客！

星域酒廊 Skyzone Deck & Lounge：星空無限．友情無價

老友逃離魔掌轉新工，話要賀一賀喎，當然要高興吓啦，去邊度食好？既然賀老友，梗喺由佢作主，佢想去邊度咪就邊度囉。估唔到，揀咗大角咀九龍珀麗酒店嘅星域酒廊Skyzone，話開揚通爽、景觀壯闊，小弟都甚少出入酒廊，仲要喺酒店嘅酒廊添，今次又可開開眼界。

agnès b. CAFÉ L.P.G.：輕生何解？

自己一向都較少刻意去某一間餐間搵食，事事隨遇而安啦，就好似今次咁，有食友叫到，就嚟到IFC嘅agnès b.CAFÉ L.P.G.嘆杯咖啡食件餅，閒聊一下寫食評嘅心得。講真，所謂「殿堂」食家，虛銜啫，達到指定要求就升級架啦，況且，小弟當寫食評喺種興趣，只喺想跟別人分享一啲飲食上嘅經歷，所以，講唔上咩心得啦，哈哈！

新樂海鮮酒家 Sun Lok Seafood Restaurant：清淡晚飯．家常小炒

近年，大嶼山去得最多都應該喺機場，而另一邊嘅梅窩，估計都應該有10多年無嚟，就算今次再嚟梅窩，已經唔喺好似以前咁搭船，而喺港鐵到東涌，再轉巴士入梅窩喇。至於今次入嚟目的，喺與另一對夫婦朋友入梅窩嘅衛理園靜修，無晌營地訂飯，所以，晚餐走返出梅窩食，反正10-15分鐘腳程，都好方便。朋友食過「新樂」，話味道家常，所以，晚餐就決定於此。

Bao Wow：一包走天刈

第一次接觸刈包，喺多年前去台中旅行時，晌逢甲夜市遇見依款夜市街頭小食，見「刈包」兩個字唔識讀（音：艾，睇字形你就知有切開嘅意思，刈包，泛指以扁長橢圓形饅頭夾入餡料而成嘅小包，可以當作為台式漢堡），又好似幾有趣，所以，就買咗一個嚟試。當時所賣嘅款式，不外乎荷蛋、培根、火腿、牛肉、瘦肉及五花腩，配搭比較簡單啲。

台中逢甲夜市刈包小檔

Prime Bar & Restaurant：意外錯過，又意外再嚟過！

早前晌Groupon見到有間新開無耐嘅酒吧餐廳做團購，$138優惠券可換領2人6道菜歐洲聯菜晚餐（原價$730）或$268優惠券可換領4人10道菜歐洲聯菜晚餐（原價$1,344)，足足二折，仲要喺已經包埋加一，抵到無朋友，好心動想買，不過，最終意外地錯過咗，邊間咁筍？咪就喺位處太和嘅Prime Bar & Restaurant囉！

The Pudding Nouveau：拔釘再嚟

之前提及嚟到The Pudding Nouveau摸門釘，改咗去食PizzaZaZa，雖然唔會話食佢唔到唔憤氣，但朋友話點都要一試，就擇日重賽再嚟「拔釘」，仲要預早少少嚟，避開少少人潮。7:00pm到達，果然好多客，已經坐滿成間鋪，猶幸門口無乜人龍，得我哋同另一組客，等一陣就已經有位嘞。

奇華餅家 Kee Wah Bakery：後會有奇

真喺好多謝食友嘅關照，不時醒小弟各樣零食，曲奇及朱古力送贈已有「好友狂嚐曲」及「共朱同好」兩個系列嘅食評，不過，有啲小心意就真喺難以分類搞一個系列，就好似今次分別先後從兩位食友所收到同樣出自奇華餅家嘅產品，故此，就一篇過寫晒佢。

圖片從官網截圖而來

MangoChaCha：Come芒．細說情懷

芒果種類上百種，你又認識幾多？印度阿方索芒、菲律賓呂宋芒、豬腰芒、泰國水仙芒、象牙芒、枇杷芒、印尼鷹嘴芒……等等，台灣嘅「愛文芒」你又聽過未？今日好開心嚟到晌台灣發跡，分店遍及吉隆坡、首爾、東京、深圳等地嘅MangoChaCha芒果主題甜品店，一口氣試咗多款以愛文芒入饌嘅冷熱甜品。

麵屋武藏 虎洞 Menya Musashi Kodou：豚魚大結局

年初趁有個悠閒嘅星期六，同老婆嚟到海運嘅麵屋武藏食晏。今次，又喺星期六，不過，唔喺食晏，而喺食晚飯，更唔喺悠閒，因為佢開完整日OT，所以先「專燈」出嚟一齊食餐好少少。

太興 Tai Hing：我的星期六美孚早餐 ~ 老婆之選

其實，由屋企行過去太興（曼克頓山）真喺幾鬼遠，不過，老婆試過佢啲早餐話好食，點都要搵次拉埋我去，請我食番餐喎，佢咁有誠意，行到落荔枝角都得啦！

Naked Gurume Gyarari：Naked．久嚐新

咩叫「歷久常新」？意思喺啲嘢隔遠咗，但都仲喺有種新簇簇嘅感受。最近，就有機會去到中環蘇豪一間樓上隱秘小店「Naked Gurume Gyarari」，品嚐其西日混和菜，日本食材配合西式煮法，西式食材添加日本味道，雖然小弟唔喺經常食日本菜，但今晚仍有種歷久常新嘅感覺。

常滿雞煲火鍋專門店：知足嚐滿

以前老一輩啲人，都鍾意晌米缸貼張紅紙「常滿」，唔使多解釋都明，信相依家後生嘅都無乜邊幾個會咁做。如果有得揀「常滿」，我就較喜歡「知足」常滿嘞，正所謂知足常樂，如果經常對咩事都咁知足，毋須事事比較，心靈都會輕省好多。今晚，約番幾個之前一齊去大馬旅行嘅朋友，聚聚兼吹水，就番大家中間位，選址「常滿雞煲」，因為知足，唔需要「常滿」（撐得飽飽），最緊要「嚐滿」（食得滿意）！

Cafe Italiano：意想北到

小弟晌開飯個人專頁上，都有提及意大利菜都喺自己喜愛嘅菜式之一，難得朋友邀請，當然非常有興趣啦。餐廳位處較少涉足嘅北角區，名字叫「Cafe Italiano」，咪以為佢喺間Cafe嚟，試過之後，認為佢喺間水準不俗，定價親民嘅意菜小館，誇少少講句，真喺Cafe嘅價錢，Ristorante嘅質素，確喺意想不到！

沙嗲王 Satay King：滋味無界，再次回味！

因為之前晌沙嗲王幫細佬慶祝搞生日飯，惠顧完會有啲現金券回贈返，就快到期無理由唔用嘥咗，所以，兩公婆嚟到尖沙咀加拿芬廣場嘅分店用埋佢，反正食飯都要搵地方。

太子小廚餐廳 Prince Kitchen：人情世太

晌表哥屋企附近有間茶記「太子小廚餐廳」（長沙灣順寧道），都食過好幾次，不過因為都無乜特別，就只寫過一篇下午茶食評咁大把。而咁啱晌葵興有間茶記又叫做「太子小廚餐廳」，由於見佢啲餐牌都無話有分店之類，估計都只不過喺同名同姓。是日同老婆嘅午餐，就揀咗晌度食。

川王府 Royal Sichuan：川針引線

嚟到紅磡搵食，多數都喺嗰個原因，出席白事。收工匆匆趕過嚟出席完以前一位導師媽咪嘅安息禮拜後，同老婆行到過嚟湖光街一帶，因為知道佞度附近都幾多食肆，西式、港式、星馬菜、台菜、茶記、粥麵、快餐店……都有，最後，幫襯咗近街尾賣烤魚、雞煲、小菜及米線嘅「川王府」。

美心西餅 Maxim's Cake Shop：泥足深陷

同事見雜誌賣廣告，美心西餅$12以上甜品買3送1，加上推出咗個限量版復活節Tiramisu盆栽，覺得好得意，二話不說，食完晏就即刻行動。

Pret A Manger 百特文治：新鮮．天然．限定英倫最好

上班日，一向都有晌屋企食完早餐先返工嘅習慣，無他嘅，實為慳家一族，況且，老婆鍾意食屋企嘢多過出街食。今早就有少少例外，因為收到店方公關一份「香芒雞肉三文治配檸檬薑味礦泉水」的換領券，就讓小弟改改晌公司食番一次高檔啲嘅早餐。嚟自英國嘅百特文治（Pret A Manger）晌中環都幾多分店，最就腳就喺置地廣場店，而且，貪佢一朝早人流較少，方便慢慢睇、慢慢揀，講明送指定三文治及礦泉水，仲要慢慢揀？睇埋下文你就知。

串燒燒烤專門店 Kebab BBQ Shop：串燒．嘆串燒

細細個嘅時候，第一次接觸串燒就喺小學校門外嘅走鬼串燒檔，馬來風味嘅沙嗲串燒（記憶中應該喺馬來風味吧），仲要獨沽一味只有沙嗲牛肉，每串$0.5，一放學就人頭湧湧圍住個原始炭爐買串燒，炭香撲鼻。時至今日，串燒已發展得多變，今晚就跟朋友嚟到山林道嘅「串燒」嘆串燒。

小越南 Little Vietnam：喜越的友聚

寫食評純為興趣，好似有人喜歡寫日記，有人喜歡寫遊記，不知不覺間升咗為所謂「殿堂食家」，仲做埋咩「菜式達人」、「地區達人」，真喺有啲見笑。就因為依啲虛銜，成日被人問有咩好介紹，其實人人口味不同，我話好食，唔等於好啱你口味。小弟家住美孚，就更周不時被問及依區嘅心水推介餐廳，老實講，依區快餐店、茶記居多，有質素及特色嘅食店真喺一隻手掌數得晒，「小越南」就喺其中一家，今晚，與幾個朋友前來捧場。

PizzaZaZa：薄餅．ZaZa菌

本來同幾個朋友專程嚟大坑試一試甚有人氣嘅The Pudding Nouveau，點知，無諗過星期四喺佢休息日，摸晒門釘，既然幾個人一場嚟到，無理由就咁散場，大家肚餓都要搵飯食架。記得晌街口嘅PizzaZaZa都幾唔錯，所以，改嚟食餐意大利晚餐。

Frederic Blondeel：「情．尋朱古力」的延續

如果心水清嘅朋友們，應該有留意到每年海港城都會搞個「情•尋朱古力」藝術展覽（Chocolate Trail），剛過去嘅一、二月就已經喺搞到第五屆，而依一屆，除以一系列以朱古力製作嘅首飾及時裝藝術品之外，最吸引一眾為食鬼就喺嚟自世界各地20多個品牌嘅朱古力小攤位，頓時成個海港城變咗個朱古力王國。Frederic Blondeel亦喺當日有份「參展」，試試水溫，睇吓港人對其品牌的喜愛度，如果你錯過咗，唔打緊，依家已經落戶咗尖沙咀Ｋ11，唔使多講，就知個水溫如何！小弟有幸被店方邀請嚟試食，除榮幸，就喺期待，實在很多謝店方。

Crostini Bakery & Cafe：好友狂嚐曲（十六）

曾經晌觀塘打過幾年工，都有留下少少搵食足跡，不過，都已經喺十多年前嘅事。離開咗之後，觀塘區就不斷變天，轉變非常之快，平日，已甚少踏足此區。今次能晌度留低一次搵食腳印，多得食友送贈，購自Crostini Bakery & Café嘅曲奇。

薈萃閣 ip cafe：出色散叫菜

早前曾到過港島太平洋酒店嘅薈萃閣品嚐佢哋嘅自助晚餐，除咗定價實惠之外，仲會每四位送上一客招牌主菜，上次，就一口氣試過其中3款：海南雞、雞沙嗲同豬沙嗲、烤煙豬手及一款特色甜品香煎雲尼拿法式甜包，咁先知佢哋嘅散叫菜式原來都做得幾有水準。今日，趁有空，就再嚟拜訪，多嚐其他招牌主菜。