馬哥孛羅咖啡廳 Cafe Marco：老細出錢我哋出力．再度喪食

舊年公司週年飯改咗新制，同事無需跟老細一齊，可自行出去食番餐，所以去咗灣仔嘅萬麗咖啡室（Cafe Renaissance），寫咗篇題為「老細出錢我哋出力．四傻喪食」嘅食評（http://www.openrice.com/restaurant/commentdetail.htm?commentid=2313751），今年再接再厲，週年飯再度出擊，繼續喪食，依次睇住老細俾嘅預算，揀咗尖沙咀嘅馬哥孛羅咖啡廳 （Cafe Marco），貪佢平日可以食到10:00pm！

Royce' Chocolate：公朱同好（五）

之前試咗agnès b. DÉLICES沾朱古力系列其中一款「Snow Ball朱古力」，味道及口感都麻麻，可謂一個意外，估唔到俗語有話「意外頻生」，真喺一不離二。收到親友所送嘅Royce朱古力，記得以前試過佢嘅Natty Bar Chocolate，真喺好唔錯，所以，對此品牌有一定好感，之不過，今次所收嘅「Royce’ Pure Chocolate」，真喺略為失望。

香港會議展覽中心君爵廳 Chancellor Room：大學晚宴．氣派盡顯

早前因工作關係，應邀出席一個國內大學香港校友會所搞嘅晚宴，平時小弟都唔多喜歡依類場合，多數謝絕，今次赴約純為見識一下，晚宴設於香港會議展覽中心4/F嘅君爵廳。

又一間餐室 Mo-Ikken Cafe：又手好閒

繼上次返完教會，老友一車車返晒我哋成班美孚街坊嚟「又一間」食晏，今次原班人馬，再度踩場，踩場就講得誇張啲，都喺搵啖飯食啫。

Deli and Wine：生人霸死地，閒談請過主！

由於同老婆到文化中心聽演奏會，所以，順利成章到Deli and Wine搵食，除了之前已食過，信得過佢啲質素外，主要貪其晌度食完好預時間過去文化中心。

La Saison by Jacques Barnachon：法夢星緣

城中出名嘅法國菜多不勝數，新加入一員就有La Saison，早前從雜誌得知，原來喺法國南部米芝蓮一星餐廳L'Etang du Moulin嘅法藉名廚Jacques Barnachon晌海外首家開設嘅餐廳，既然喺首家海外店，自然事事做得一絲不苟。有幸到嚟試菜，實在「法夢」就喺咁早，有緣品嚐星級名廚嘅手勢！

聖安娜餅屋 Saint Honore Cake Shop：豈有紫理．分甘同味

跟幾個美孚坊街飯聚，順道賀生日，小弟嘅賀禮，就喺生日蛋糕一個，諗起都好耐無幫襯區內嘅聖安娜，就近近哋過去望一下。

古法烘焙 Gu Fah Bakery：古法有禮

自從知道古法烘焙荃灣店無再賣雞蛋仔，都少咗過嚟，不過，荃灣都喺常到嘅地方，所以，趁今日偶爾行過，就支持一下小店，買兩盒餅拎番公司請同事當下午茶。

金滿庭京川滬菜館 Modern China Restaurant：金苦與共

金滿庭唔喺首次幫襯，最常去喺銅鑼灣店，不過，甚少寫食評，因為喺公司午餐例會，場合唔多方便。今晚就唔同嘞，舊同學飯聚，佢哋知我依個為食嘅偽食家一向相機先食，唔介意俾我影完先慢慢食，而就大家方便，揀嚟九龍灣店。

agnès b. DÉLICES：公朱同好（四）

近年收到唔少食友所送贈嘅零食，如餅乾、糖果、曲奇、朱古力……等等，曲奇一向都有以「好友狂嚐曲」為題寫出食評系列。因為收到食友及朋友送贈幾個品牌嘅朱古力，所以，早前二月中就一口氣寫咗3篇朱古力食評，題為「公朱同好（一）（二）（三）」，意思喺有好嘢就梗喺共諸同好啦。好想為依個題目繼續寫，不過，都要有得收，先有得寫。儲咗幾個月，依家又可以寫番幾篇，依篇（四）就先分享agnès b. DÉLICES嘅朱古力，唔知點解，依兩年收唔少此品牌嘅朱古力？！

八佰屋日本料理：飽歷風霜和食小店

美孚區賣日本菜嘅餐廳唔多，一隻手數得晒，唔計間「爭鮮外帶壽司」之外，有得堂食嘅就淨番「八佰屋日本料理」未幫襯過，今晚，又喺同老婆撐枱腳嘅日子，就一於試試「八佰屋」啦！

Okinawa Dining BRIDGES：橋．遷之喜

晌銅鑼灣開平道1號Cubus食廈內嘅食肆，都並非一般嘅餐廳，大部份都喺中高檔次，閒閒地落樓都要四、五百，但質素較有保證嘅餐廳。今晚嚟到6/F嘅Okinawa Dining BRIDGES，唔單止賣嘅喺日本菜，更喺較少有嘅沖繩料理。由於餐廳獨佔整層，所以一打開𨋢門，一切和風裝修、特色擺設都映出眼簾。

Joey's：好友狂嚐曲（十四）

隔咗幾個月，又喺時候延續吓小弟嘅「好友狂嚐曲」曲奇食評系列，當然，先多謝食友們嘅寵愛，久唔久送上曲奇零食慰勞小弟，仲要次次都出自唔同品牌或餅店，讓小弟見識各家長短，多謝多謝！今次收到喺Joey's嘅出品。

Corner Burger & Bar：國寶！角堡！

講起「國寶」一詞，多數人嘅下意識第一個印象喺熊貓，以中國以言，依個答案都唔錯得去邊；如果問你，咁美國嘅「國寶」又喺咩？唔知你會點答！實際有無我都唔太清楚，不過，為食嘅我就覺得漢堡、薯條、炸雞翼喺花旗國嘅另類「國寶」。早前，就晌灣仔謝斐道找上另一「角堡」，位處街角主打賣漢堡嘅Corner Burger & Bar。

沙嗲王 Satay King：細細份，細細味！

年年諗細佬生日飯都比較煩，因為佢份人口味比較守舊，就算食中菜亦未必樣樣啱佢口味，但有啲西菜佢又鍾意食，真喺好難捉佢路。早前去過一趟沙嗲王，知道佢哋以菜式多元化、多國化見稱，中、西、越、泰、意、法、葡、日樣樣都有，所以，帶埋屋企人嚟試試。

大家樂 Café de Coral：我的美孚下午茶餐～糧尾救星大碗抵食

其實美孚間大家樂間唔時都有去，不過，有時啲嘢食無乜特別就覺得無乜好寫，而偶有特別嘅，就不妨hea番一篇出嚟。

美心西餅 Maxim's Cake Shop：迎來玫瑰盛開．談談戀愛故事

仲有幾日就喺西方情人節，咁啱亦喺新十五，即喺我哋中國人嘅元宵佳節，你準備好跟你嘅情人點慶祝未？就算嫌貴唔想嘥錢出去食情人節套餐，總要少少哋買個蛋糕或甜品嚟應吓節嘅。今年，美心以「Our Love Story我們的愛情故事」為題，出咗一系列情人節蛋糕及甜品，讓你不經意締造一點浪漫時刻，使你嘅戀愛日誌多添難忘一頁。

潮庭 Chiuchow Garden Restaurant：潮庭不用餓兵

無幾耐之前先食完美心系嘅八月花，不過，嗰次跟教會朋友嘅飯聚，唔喺小弟做搞手。但今次跟舊同事嘅飯局又揀嚟幫襯美心系嘅中菜食府「潮庭」，就喺由小弟提議嘅，因為年幾兩年前同老婆嚟食過一次，覺得環境、招呼、食物皆好。正所謂「朝庭不用餓兵」，舊同事開到聲搵我依個「哎吔」食家（註：先旨聲明，小弟一向唔認為自己喺咩食家，食家即喺飲食專家，我頂多只不過都喺個膳男餸女，為為食食啫），一定搵個地方滿足到佢哋嘅基本需求。

必勝客 Pizza Hut：花開富貴應節新批

咪睇個標題以為喺食開年飯之類，查實依餐喺生日飯，賀舅仔太太生日，咁啱佢生日時近農曆新年，又想試吓必勝客嘅新批，既然壽星女出到聲，想食乜都喺佢大晒，反正小弟對個新批都頗有興趣呀！所以，就趁教會活會完咗，未夠6:00pm就過咗嚟愉景新城嘅必勝客，唔使等就有位嘞，過多大半個鐘，未夠7:00pm門口已堆滿人晌度等位喇。

富臨漁港囍臨門酒家 Foo Lum Fishman's Wharf Restaurant：步步糕陞

今年所食嘅第二底年糕，喺外父所送，富臨集團出品。原本外父送兩盒過嚟，一盒蘿蔔糕，一盒年糕，不過知舅仔對年糕麻麻，所以揀咗年糕，蘿蔔糕就留番俾佢食。不過，事後佢話要年糕好過，因為蘿蔔糕嘅臘肉、臘腸勁肥喎！