鐵盒包裝，紅底金字，感覺喜氣洋洋，一大個「囍」字以外，仲有「年年有餘」圖案，絕佳嘅新年賀禮，不過，收依份禮之時就同過年無關，而喺賀小弟牛一嘅生日禮物。全盒蝴蝶酥淨重約200克，內含4款口味，每種口味有6件，即全盒共 24件。
究竟有邊4款口味？唔使估估吓，翻轉盒底標籤就一目了然，當中有甘甜陳皮味、酸甜子薑味、香酥鹹蛋黃味、香脆牛油味。香港出品，新鮮製造，雖然有下防腐劑，不過保質期得30日，開封後要存放晌陰涼處，最好7-10日內食用添。
甘甜陳皮味
蝴蝶酥本身做得層層鬆脆，極富牛油香味，陳皮棵粒只灑晌蝴蝶酥面之上，而且唔算多，但還嗒得出陣陣陳皮香味，跟蝴蝶酥幾夾，之但喺稍為隱若一啲啫。
酸甜子薑味子薑拼蝴蝶酥依個配搭喺小弟最為期待，因為子薑嘅辛酸應該能更好好平衡蝴蝶酥嘅牛油味，不過，子薑真喺落得極之手緊，比陳皮味嚟得更淡，完全未有期望中嘅效果。
香酥鹹蛋黃味鹹蛋黃真喺塑造性高，煮餸整餅都得，而且鹹香誘人，同樣，鹹蛋黃加得無幾，睇外觀差唔多分唔到佢同原味嘅分別。真失禮，我哋幾個都完全食唔出鹹蛋黃嘅鹹香！
香脆牛油味即喺原味，無加入任何配料，不論味道或口感，都做得上乘，香甜酥脆，真喺令人食唔停口。
甘甜陳皮味（前右）酸甜子薑味（前左）；
香脆牛油味（後右）香酥鹹蛋黃味（後左）。
我事後想再上網查查囍宴花心蝴蝶酥嘅資料，原來早前曾出過團購，而當時無論文字嘅介紹，抑或相片嘅展示，都極為吸引。以下輯錄咗嗰次團購嘅相片，配料嘅份量，以及賣相，真喺同我收到嗰盒有啲天淵之別喎！
團購展示嘅相片，喺咪正好多呢？
飲食可以創意無限，單睇曲奇就可見味道可以千變萬化，所以要突破蝴蝶酥的傳統規範，個人覺得唔算咩新奇事，但以陳皮、子薑、鹹蛋黃嚟加入蝴蝶酥之內，口味幾嶄新，相信晌將來會見到更多獨特奇美嘅口味，希望將來再有機會試嘅時候，喺「足料」版本囉！
個人評分
味道：6/10
環境：6/10
服務：6/10
抵食：7/10
平均每人消費：HK$198（禮物）
味道：6/10
環境：6/10
服務：6/10
抵食：7/10
平均每人消費：HK$198（禮物）
餐廳資料：
囍宴 甜‧艺 Xi Yan Sweet
灣仔永豐街8號
2833 6299
囍宴 甜‧艺 Xi Yan Sweet
灣仔永豐街8號
2833 6299
沒有留言:
發佈留言