awfully chocolate：奧利奧與青蘋果

講起awfully chocolate，記得第一印象喺佢個疑似「監獄」門面，仲要得幾款樣樣衰衰、巖巖巉巉嘅朱古力味蛋糕，以前仲只盤據晌港島區。依家就好似變化好大咁，港島區無晒店鋪，家下只得番九龍區兩間分店，鋪面亦較以往似番間餅店，只喺少咗啲個性，但產品就多元化咗好多！

講開產品，3款招牌朱古力蛋糕無疑確喺出色，尤其Chocolate Banana，小弟就認為喺最好。發展至今，唔覺唔覺推出多款細件裝蛋糕及甜點，今晚，老婆揀咗兩款作為飯後甜品。

Oreo Truffles $49

外型黑黑實實，奧利奧松露朱古力餅，顧名思義就知佢喺奧利奧朱古力餅搭松露朱古力嘅組合。下層奧利奧朱古力餅做嘅餅底，比起用消化餅便當然帶著濃香朱古力味，而上層喺松露朱古力，極之軟身柔滑，朱古力味超濃郁，$49實在唔平，但若然你喺朱古力死硬粉絲，邊會覺得佢貴吖！

Chocolate Apple Frangipane Tart $55

小弟一向都喜歡食蘋果批，就算久啱久食吓麥記嘅都開心滿足架，哈哈，我做人好易知足嘛，所以，對件撻都好有期望。外層唔喺一般果撻嘅牛油皮，喺酥皮嚟，寧捨富牛油香，不過又唔算好鬆脆，唔似依丹麥酥嘅口感，感覺總喺差啲差啲，而中間填滿朱古力杏仁漿，再加幾片青蘋果，朱古力漿香甜軟滑，似乎杏仁味未太突出，青蘋果片則清甜芳香，整體稱唔上超水準，但仍然喺一件不俗嘅甜點。

awfully嘅產品著實唔平，食兩件餅都已經成百銀，比起晌高級酒店嘅餅店所賣嘅件裝蛋糕仲要貴，所以，多謝晒老婆咁大手筆呀！

個人評分
味道：7/10
環境：8/10
服務：8/10
抵食：6/10
平均每人消費：HK$52

餐廳資料：

awfully chocolate
尖沙咀河內道18號K11購物藝術館G32-G33舖
3122 4466