麵屋武藏 虎洞 Menya Musashi Kodou：做事要做得一流，食拉麵要揀二流！

早前曾參與過報紙讀者嘅試食活動而嚟到麺屋武蔵，上次就品嚐過店方多款小食及特色沾汁麵，餐廳環境及食物味道都印象極佳，最近睇雜誌知道佢哋又出咗款新拉麵，所以，又趁個悠閒星期六，拉埋老婆出嚟一齊試，有好嘢更喺益佢先啦。雖然全線麺屋武蔵都有供應，但首選當然揀尖沙咀海運店，因為上次嚟已睇中佢一排落地窗口位，入座時希望安排窗口位，故此都要稍等才可入座。

牛記火鍋大排檔：秘竇嘆羊腩、嚐雞煲

繼早前跟同事「路過」屯門，晌屯門時代廣場試過丸龜製麵，估唔到事隔無耐，又跟老友入到嚟佢個秘竇「打鞭爐」，點解講秘竇？如果唔喺老友帶，真喺邊識嚟，亦真喺唔知屯門工廠區原來有個熟食中心。依個秘竇名叫牛記，位處工廠區嘅建業街，一入夜，靜過鬼，其實離西鐵站唔遠，步行15分鐘都可以，一出站都望得見個工廠區，總之一邊「光撐撐」喺市中心，另一邊「黑媽媽」就喺工廠區。

味味佳餐廳：內人尋味

同老婆外出辨完點事仍有啲早，索性返嚟美孚先食晏，時間好用啲。佢問食咩好，成個美孚區有超過10間茶記之多，「味味佳」算喺其中一間穩膽，佢啲嘢唔喺話好好食，但安全系數高，好少中伏出事。所以「尋味」嘅結果，就喺選中「味味佳」。

名門：餓底飯堂

早已聽聞晌荔枝角懲教署有個職員會所中菜廳，店名叫「名門」，一般會所飯堂都唔喺咁對外公開，感覺已經帶有少少神秘感，仲要喺懲教署嘅職員會所，感覺就更鬼秘。老婆同一班舊朋友晌度搞局，問我有無興趣一齊嚟食飯，當然頗有興趣啦，故此，有幸踏足依間「神秘」餐廳，不過，原來都只喺一個錯覺，等我依個「餓底」分享一下啦。

One Stop Ristorante & Bar：一站滋味

甚少跑過嚟西環依邊搵食，有嘅都喺偶爾一次，就好似依次喺因為對一間網購和牛店試其產品，無理由就咁試幾件扒就完架，順道品嚐一吓One Stop嘅意法出品，好高興又跟幾位相熟老友有傾有講，歡渡咗一個晚上。

精肉店 Wagyu Door to Door：精挑細嚼

依家入廚真喺易咗好多，早前試過食材網購概念店Secret Ingredient自煮晚餐，輕易就做出有板有眼、似模似樣嘅4道菜西式晚餐。如果喜歡鋸扒，咁網購商店「精肉店」嘅產品就啱晒你，因為佢哋精挑優質精肉，又直接從生產商進口，免去中間人費用，又有送貨服務直接送到府上（當然你都可以選擇親自提貨），足不出戶就嘆到，細嚼靚肉可謂近在咫尺！ 

美心西餅 Maxim's Cake Shop：共享共嚐聖誕新系列

我哋一班美孚街坊老死，趁天氣有番咁上下凍，聚一聚打個鞭爐當喺迎冬至，查實就純粹食番餐，順便賀一賀12月份3位生日之星。既然賀生日，又點可以無個蛋糕呢？咁啱美心又推出咗聖誕派對蛋糕新系列，早前就收到兩張換領卡，一於趁機與大家共享共嚐，等多啲人感受依款新系列嘅滋味。

天虹海鮮酒家 Rainbow Seafood Restaurant：黐虹大盜

上文回顧，就是因為有位台灣朋友來了香港，想有一行深度遊，所以先帶他到深水埗這基層小社區逛一逛。由於這位台灣朋友很喜歡遠足，觀鳥，所以，試過公和的豆品之後，再帶他入來南丫島走一圈，真的由索罟灣走到去榕樹灣，順道又看看飛鳥。未起行，先在天虹吃一頓海鮮「下午茶」。寫此文亦以信面語代替慣用既親切、又傳神的廣東話，好讓朋友看得明白。

公和荳品廠 Kung Wo Dou Bun Chong：凝固了的豆腐，凝住了的情懷！

小弟的食評一向以既親切、又傳神的廣東話來撰寫，今次要改少少風格，用上信面語，因為，難得有台灣朋友來香港遊玩，寫出來的食評總要讓他看得明白吧！由於這位朋友已到訪過香港一次，一些標準景點已曾到此一遊，出發前已表示想深度認識香港多一點，小弟既在深水埗成長，當盡地主之誼，自不然帶他認識一下這個基層小社區，景點包括：舊唐樓、鴨寮街、市政街市……等等，原來對他確是一些很新奇的事物。

美心西餅 Maxim's Cake Shop：栗正應紅

知道美心嘅栗子系蛋糕、甜品都喺採用山東板栗，每年10月到12月都喺當造期，粒粒都碩大而粉甜，所以，都趁當造期尾聲，經過香港站內嘅美心（差唔多日日必經之路），作個山東板栗甜品最後一擊。

至尊重慶雞煲 Supreme Restaurants：有蜑先定有雞先？

重慶雞煲近年可講得晌近年迅速火熱，主打雞煲嘅食肆一間接一間咁開，晌港九新界各區開到遍地開花咁滯，早前就試過尖沙咀嘅「陸陸雞煲火鍋」，食過之後就明白確喺有其「味力」。今次又有機會掹食友車邊嚟到人氣食廈創興廣場嘅「至尊重慶雞煲」試菜，多謝食友之餘，更多謝店方。

Aunt Stella's：好友狂嚐曲（九）

因為久唔久就有唔同嘅食友送啲曲奇俾小弟，所以，就開始咗依個好友狂賞曲、小弟就狂嚐曲嘅系列。估唔到都真喺有食友會留意依個欄目，因為有次試食活動之後，被食友問起幾時再出「好友狂嚐曲」系列，我話要儲吓貨先有得寫喎，無人送就無得寫。不過，多得朋友 /食友寵愛，又真喺久唔久請我食曲奇，令到依個系列得以延續，今次，先介紹Aunt Stella's嘅曲奇。

北再宜嬉盡享郊區之旅 - 第7日

06 Dec, 2013 (Fri) 16-22℃ 天晴

「北再宜嬉盡享郊區之旅」快要結束，今天是最後一天的行程。繼續台北市郊之行，海（北海岸）、陸（烏來）也訪過，今天就來到空（貓空）遠眺台北市。本來，先上貓空，再到木柵動物園，不過，秋高氣爽，萬里晴空，在貓空感覺很悠閒寫意，反正動物園我們去了不少，故再在貓空多逗留一會，用不着多趕一個景點。

因為晚機，準備傍晚出機場，前往桃園機場又只有客運，周五晚，為免受塞車影響，都把時間預得鬆動多一點，所以，下午返回酒店取行李，就早些出發去機場。

原本8:25pm的航班，未有因明確的緣故，起飛的時間一而再，再而三被推遲，最後，9:50pm才正式起飛，回到家也時值夜深了，但總算安然到埗！

總結一下7日的行程，大部份都是市郊的地方，充滿寧靜、安然，的而且確可洗滌一下心靈，感覺悠然。

詳細行程，煩請瀏覽小弟在「開飯遊蹤」所寫的遊記：http://travel.openrice.com/traveller/blogdetail.htm?blogid=4824

北再宜嬉盡享郊區之旅 - 第6日

05 Dec, 2013 (Thur) 17-23℃ 天晴

昨日完成了烏來之行，今天再繼續台北市郊之旅，目的地是「北海岸風景區」，這一大片海岸景區沒有捷運，看來不便，不過，買一張「台灣好行皇冠北海岸景點巴士票」，就立時變得非常方便。因為由淡水跨越整個北海岸至基隆，沿途設置多個景點上下車站，隨上隨落，只要自行計算好下一斑次的時間，預早候車就不是大問題。

我們選了由淡水出發，早上先到石門洞，再到附近的「劉家肉糉」買點好吃的。

中午來到「朱銘博物館」，展品實在不少，有室內，亦有室外，我們香港也有擺放他的作品，所以，來到這裡看見不少展品感覺都甚親切。到過「朱銘博物館」，就是今次「北海岸風景區」的戲肉「野柳」，上次跟團到台北，匆匆而未有到訪，這回自由行就是鐵定要到的地方。

傍晚回到基隆市，坐火車去松山，先逛逛饒河街夜市「醫肚」，趁時間還早，便到了誠品松菸店，扮一扮偽文青，不過，太太很喜歡看書的，所以，這「景點」其實是為她而設。

詳細行程，煩請瀏覽小弟在「開飯遊蹤」所寫的遊記：http://travel.openrice.com/traveller/blogdetail.htm?blogid=4821

北再宜嬉盡享郊區之旅 - 第5日

04 Dec, 2013 (Wed) 15-21℃ 天晴

雖然回到台北市，但仍繼續我們的郊區之旅。今天是全日烏來之行，明天會到北海岸，後天訪貓空，盡吸台北的新鮮空氣唷。

台北的郊區不難到，捷運再配合其他交通工配套不俗。就像今天要到烏來，先坐捷運到新店站，再轉849路巴士，30min巴士車程就到達烏來。一下車，就感受到一份鳥語花香、清幽閒逸的感覺。烏來屬於新北市一個頗知名的景區，更有不少人會到來泡溫泉，由於我們已在礁溪泡過，所以，就沒有打算在這裡再泡了。在此，我們玩了一整個下午，走遍多處地方。

回程時順道看看在新店站附近的碧潭風景區，是一個小社區裡的休閒點。

晚上，回到市內，就只有到台北101的觀景台看夜景，「了解」這台北摩天大樓的建造及「細聽」大樓外不同建築的故事。再到地庫層的美食廣場吃過晚飯，才打道回府。

詳細行程，煩請瀏覽小弟在「開飯遊蹤」所寫的遊記：http://travel.openrice.com/traveller/blogdetail.htm?blogid=4790

北再宜嬉盡享郊區之旅 - 第4日

03 Dec, 2013 (Tue) 15-23℃ 天晴

是日將會離開宜蘭縣，返回台北市，不過，宜蘭的行程還未完結，因為，早上先會到頭城鎮走一趟，為的是參觀蘭陽博物館，若想對宜蘭有更深入的認識，就別錯過這博物館。

午飯過後，是跟民宿，跟宜蘭告別的時候。乘坐首都客運，穿越雪山隧道，真的一個小時不到就到了台北的市府轉運站（實際用了50min）。先到酒店安頓、小休，之後去了藏品有趣的袖珍博物館逛逛。

晚上，又約了另一位台灣朋友晚膳，地點由她安排，選了到大酒店吃自助餐。回程，還順路帶我們遊一會兒寧夏夜市。這一天，又是充充實實的，卻不是太匆匆忙忙地過。

詳細行程，煩請瀏覽小弟在「開飯遊蹤」所寫的遊記：http://travel.openrice.com/traveller/blogdetail.htm?blogid=4787

北再宜嬉盡享郊區之旅 - 第3日

02 Dec, 2013 (Mon) 13℃~22℃ 天晴

來到第三天，天氣依然十分好，陽光普照！早上輕鬆地吃過早餐，收拾好行裝，就乘火車前往礁溪鄉，其實羅東鎮跟礁溪鄉很近，只是15min的火車車程。

到達礁溪，有民宿的主人駕車來接我們，安頓後，先出發參觀第一個景點「呂美麗精雕館」，之後，返回火車站附近吃午飯。

而下午的行程，包括到五峰旗風景區，爬爬山，看看瀑布。之後，沿跑馬古道山徑行一回，鳥瞰整個礁溪鄉全景，再沿另一山徑落山走回民宿。

在民宿小歇一會，夜遊市中心，在湯溝圍到此一遊，然後，在寒夜裡一邊泡脚，一邊吃拉麵。回民宿的途中，看見新鮮即開馬來西亞鳳梨，帶一個回去跟民宿屋主同享。

雖然整天好像去了很多地方，但因為礁溪鄉本身地方不大，各景點很集中，而每個地方要花的時間也不多，所以，一天裡也可以遊玩多處。

詳細行程，煩請瀏覽小弟在「開飯遊蹤」所寫的遊記：http://travel.openrice.com/traveller/blogdetail.htm?blogid=4786

北再宜嬉盡享郊區之旅 - 第2日

01 Dec, 2013 (Sun) 11℃~22℃ 天晴

有位台灣朋友居於台北，由於早前他來香港時，由小弟帶他暢遊南丫島，趁着今天是星期天，他駕車過來宜蘭，一同遊覽幾個縣內景點。

早上，相約在羅東鎮林業文化園區會合，遊玩過後，一嚐地道的肉羹、三星蔥餅作為是日午餐。

下午，到五結鄉那邊，先在冬山河親水公園踏單車（自行車），原來太太「久疏戰陣」，控制不了單人單車，故我們同踏雙人單車。沿着冬山河一直踏往國立傳統藝術中心，遊覽這個甚富民間藝術趣味的地方。之後，再把單車駛點還車地點，再由台灣朋友駕車載我們回羅東鎮。 

其實，羅東鎮跟五結鄉不是很遠的距離，大概十來分鐘的車程。返回羅東，已近傍晚，一齊到朋友極力推介的「肉粽李」吃香菇肉粽、喝香菇湯，之後，再過對面小店品嚐紅豆湯圓，而跟朋友的共聚亦隨湯圓吃掉而結束，他送我們到民宿後就自行駕車回台北去了。

在民宿稍事休息一會，再往羅東夜市閒逛，買點伴手禮，又買點生果，這才結束整日的行程。

詳細行程，煩請瀏覽小弟在「開飯遊蹤」所寫的遊記：http://travel.openrice.com/traveller/blogdetail.htm?blogid=4784

北再宜嬉盡享郊區之旅 - 第1日

30 Nov, 2013 (Sat) 15℃~20℃ 天晴

再次踏足台北，已經是相隔八年的事了，那時隨旅行團到台北，對整個行程的印象十分差，因為我們成一了一群「小鴨子」。這回再訪，有不一樣的感覺，零購物，接觸台北近郊，而且，更順道走訪宜蘭，感受鄉土、人文氣息，來一個不再兒嬉的台灣郊區之旅。大致行程如下：

Day 1 – 早機出發，到步桃園機場再下台北，轉客運入宜蘭縣羅東鎮，夜遊羅東夜市；

Day 2 – 是日暢遊羅東鎮林業文化園區、五結鄉冬山河親水公園及國立傳統藝術中心；
Day 3 – 出發前往礁溪鄉，探索呂美麗精雕館，午後到五峰旗風景區郊遊，晚上邊泡脚邊吃拉麵；
Day 4 – 早上到過頭城鎮的蘭陽博物館，下午坐客運返回台北，參觀袖珍博物館及寧夏夜市；
Day 5 – 全日是烏來之行，順道看看碧潭風景區，晚上到台北101看夜景；
Day 6 – 走訪台北市郊的北海岸，參觀石門洞、朱銘美術館、野柳等景點，晚上到饒河街夜市；
Day 7 – 上貓空遠足去也，嘆咖啡，遠眺台北市，下午返回市內，傍晚出發到機場。

這趟旅程的天氣很不錯，雖然有點冷，但陽光常伴左右。再者，行程安排得輕鬆，悠閒渡日，所到之處大部份也是市郊地區，令人感到豁然開朗，真的心懷舒暢！

詳細行程，煩請瀏覽小弟在「開飯遊蹤」所寫的遊記：http://travel.openrice.com/traveller/blogdetail.htm?blogid=4782

香香燒 Pop Bar & Grill：香燒肉殞

近年，串燒店似乎越開越多，雖未至於遍地開花，但感覺都一間接一間咁開，而且，各出奇謀，可謂各顯特色。是夜，獲邀嚟到山林道樓上鋪嘅香香燒，品嚐其不拘一格嘅中日串燒，又睇睇有咩賣點嚟殺出重圍！

EXP：與小契女有個午膳

因為自己母會進行重建，都少咗過嚟又一城食嘢，今次就專燈約埋小契女同佢老豆，加埋幾個教會朋友完崇拜一齊過嚟又一城嘅EXP食晏。講開EXP，我都好耐無幫襯過，對上一次，都仲喺未寫食評嘅年代。

星巴克咖啡 Starbucks Coffee：星包Duck

由於從Maison Eric Kayser半山堅道新店獲贈一小袋甜點禮品，包括Mini Financier（迷你金磚蛋糕）、Madeleine（瑪德蓮貝殼蛋糕）及Macaroon（馬卡龍），大師出品又豈可一人獨享，所以拉埋一對老友夫婦一同品嚐。淨食甜點有啲「寡」，所以就加啲沙律菜、三文治，老友就再拎啲芝士、水餅及私伙紅酒過嚟，當喺一餐輕怡晚餐，而三文治就順路晌星巴克買啲就可以。

Fat Angelo's：肥安嘅董事午餐

雖然小弟一向都偏向鍾意試新嘢，但對有啲食肆都有少少偏愛，間唔時都會返兜，Fat Angelo’s喺其中一家，皆因其大眾化價錢，但又算喺質、量兼備，正所謂大件夾抵食。

Maison Eric Kayser Artisan Boulanger Cafe：大師出品，豈能獨享！

多謝食友撘路，很高興有幸出席是晚Maison Eric Kayser Artisan Boulanger Café新店嘅開幕活動，讓小弟對Eric Kayser本人、佢嘅店舖，以及其出品有更多了解。原來貴為法國麵包大師嘅佢，旗下分店已超過100間，分佈全球多個國家和地區，包括歐洲、亞洲、中東、北美，實在唔講得笑。而2012年尾首間香港旗艦店落戶海港城海運大廈之後，2013年中再晌跑馬地開設香港第二分店，繼而今晚再下一城，於半山堅道新開第三分店。

薄荷葉泰國菜 Mint Thai House：再泰過

年初同表姐、表外甥入過嚟一次「薄荷葉」，印象唔錯，當時嘅總結喺：「整體而言，菜式選擇多，價位唔高，用料又幾新鮮，尤其肉類及魚類頗出色，只喺個咖喱未符期望，有待改善。」今趟再入嚟唔使表外甥帶路都知掟，西鐵轉輕鐵，豐年路站落，行多5分鍾，話咁快就由市區嚟到，唔知啲水準保持到定，定會升跌呢？

Leonidas：公朱同好（三）

俗語所講，一不離二，二不離三，所以就寫埋「公朱同好」嘅第三篇。Leonidas本身喺比利時朱古力品牌，唔講唔知原來佢都有成百年歷史，由一對香港夫婦引入，晌2013年11月更成為比利時皇家御用保證朱古力，可見得水準有保證。早前，請位朋友食飯，意外地收到對方相贈嘅Leonidas排裝朱古力，仲要打孖兩排，實在感謝之餘，仲喜出望外。

八吉 Yakichi：吉不及待

年初同老友嚟過八吉一趟，好鍾意佢個極重和風味嘅裝潢，加上嗰次試咗多款地道又有特色嘅和食，雖然無試到啲魚鮮，但首會「一夜乾」（喺北海道當地對即日捕獲鮮魚嘅一種食物保存處理方法，有興趣可以睇番嗰次食評），印象深刻。難得掹食友車邊，有幸過嚟試試多款新菜式，當然欣然接受，急不及待啦。

茶之環 Cha-no-wa：下午抺茶

「茶之環」喺咩來頭？日本廣島市五十多年老店！日本第一茶匠鑑定！相信唔少食家晌食評中都已經介紹過，晌「開飯喇」頁首嘅餐廳排行榜亦長駐第一位，實力實在不容少覷，出品質素更不用懷疑。今日有幸以其抹茶蛋卷作為下午茶，真喺非常多謝同事嘅慷慨。

Dabyida Restaurant and Bar：Brunch定喺Lunchea？

近來生活有啲忙亂，近年尾有啲工作積壓住，唔喺唔積極做，只喺老細放大假拖住啲嘢，但又有唔少「死線」趕埋身。不過，點都好，工作時工作，搵食時搵食，星期六、日總要調劑一下。依次調劑地點就喺尖沙咀隱蔽酒吧街棉登徑嘅Dabyida，喺睇見食友嘅食評所以揀咗依度，原本打算嚟食午餐嘅，點知11月中開始，星期六都改埋Brunch Buffet（半自助午餐），消息比食午餐高少少，但都無所謂啦！

熱狗家族 Trigger Dog：家族新成員「奧利華」

身為九龍人嘅小弟，北角區其實真喺好少嚟，所以對依區都唔太熟悉，但認識「熱狗家族」始於食友嘅一篇食評。位處炮台山電器道嘅熱狗家族，其實鋪面面晌內街福元街，正正天橋底下，由於鋪面細細，好易走漏眼，幸好光猛嘅燈箱招牌，一眼就認到！

世華餐廳 See Fah Restaurant：世估唔到

一向都喺由小弟帶老婆搵食，唔喺因為小弟喺咩鬼「食家」，只喺佢甚少留意飲食行情，對食亦唔會太講究。不過，偶爾佢同事有啲好介紹，都會轉告我知，就好似依間樓上鋪「世華餐廳」（始於1936？），就喺其中一例。

美心西餅 Maxim's Cake Shop：哈囉吉蒂的摩天輪

原來哈囉吉蒂喺晌11月生日，又襯著聖誕快到，美心西餅特別推出咗Hello Kitty x Maxim's Cakes Party系列，有主題蛋糕、可愛嘅杯子蛋糕、特色甜品（Hello Kitty馬卡龍），讓大家無論晌生日派對，抑或聖誕派對都大派用場，令氣氛更歡樂。就算唔喺佢嘅死硬粉絲，見到咁可愛嘅吉蒂貓，小朋友都會開心不已。

多多餅店 Door Door Bakery：聯朋結糖（四）

因為好友所贈，一連寫咗3篇講紐結糖嘅食評「聯朋結糖」（一）、（二）、（三）。晌屋企附近嘅多多餅店同樣有出鳥結糖，仲晌鋪面大大個招牌寫上「曲奇鳥結糖專門店」，故此都有買嚟送贈番比食友，當然買開都要預番一包俾自己啦，所以就多埋依一篇「聯朋結糖」（四）喇。

好．廚房 Good Kitchen：不發一言

相信有唔少人都聽過「黑暗中對話」依間體驗館，連「開飯喇」都有佢嘅食評，睇番啲食評就知喺咩回事，小弟就唔多解釋。原來，佢仲開立咗另一個體驗館「無聲對話」，小弟同老婆及幾個朋友，就參加咗佢哋個工作坊，做咗半日失聰人士，體驗吓佢哋所面對嘅難處，感受吓溝通唔到時嘅焦慮，跟數個唔相識嘅組員合作完成多項活動，認真雞手鴨腳，有口難言。

Awfully Chocolate：公朱同好（二）

有好嘢食，當然共諸同好啦，獨食難肥嘛。公朱同好（一）就分享過agnès b. DÉLICES嘅香脆牛奶朱古力豆（Milk chocolate crunchy pearl），依篇就分享awfully chocolate嘅爆谷黑朱古力豆豆 (chocomais)。

agnès b. DÉLICES：公朱同好（一）

近年收到唔少食友所送嘅零食，餅乾、糖果、曲奇比比皆是，當然朱古力亦唔少得，所以趁機寫幾篇講朱古力嘅食評，題為「公朱同好」，有好嘢就梗喺共諸同好啦。依年同agnès b. DÉLICES都幾有緣喎，先後試過佢嘅朱古力月餅、朱古力餅乾同純黑朱古力片，都喺多得食友 / 老友餽贈。今次，又喺agnès b. DÉLICES嘅產品，認真多謝食友厚愛！

涮得棧星級火鍋 Hot Pot Cuisine：私人房內涮涮烚烚

雖然依家食火鍋都無分季節，一年365日都可以，不過，晌冬天尤其感覺特別有風味。就好似盛夏之時，雖然可以開大冷氣打邊爐，但食完一出門口，夏死辣辣，無晒涮完火鍋之後嗰種禦寒嘅感覺；相反，晌寒冬之下，涮完火鍋一出門口，寧捨有種仲喺暖笠笠嘅感覺。今晚，雖然未喺好凍，天氣都有啲涼，經介紹下，就同幾個朋友嚟到「涮得棧」涮涮火鍋，慢慢涮，慢慢嘆！

橡木意大利餐廳Oak Tree Ristorante：橡心獨運

小弟平時寫食評改標題，都鍾意玩吓食字，估唔到最近佐敦有間新酒店個名都一樣玩吓食字，Rainbow Hotel Hong Kong點都諗住佢中文名會改番「彩虹」啦，吖幾搞鬼呀，叫做「彩鴻酒店」，唔知真喺以為我打錯字添。點解會嚟依度，因為今晚有幸應邀到酒店內一間意大利餐廳「橡木」（Oak Tree Ristorante）試菜，講開傾開，原來喺Marco's Oyster Bar & Grill嘅分支，打算走更平易近人嘅路線。

黑炙 ABURI：竹炭鹽燒．炙捲全城

成語「膾炙人口」相信好多人都聽過，「膾」指切細咗嘅肉，「炙」意謂烤、燒，原本嘅 典故喺借用美味好食嘅烤肉，人人都鍾意食，引用比喻好嘅詩詞受到眾人稱讚和傳頌。之後，就衍生成用依個成語嚟形容一件好受歡迎嘅事物，又或形容一樣嘢好為人讚賞。今晚，嚟到灣仔謝菲道嘅「黑炙」，品嚐其日式串燒，睇睇「膾炙」入口，能否做到膾炙人口！

陸陸雞煲火鍋 66 Hot Pot：滾紅滾綠滾到去陸陸

小弟多出沒尖沙咀、荃灣等區，見唔少主打雞煲嘅食肆，亦從雜誌所見，依年雞煲大熱，遍地開花，其中去年先晌旺角開業嘅陸陸雞煲，聽食友講應該都算喺其中一間幾火速上位嘅雞煲專賣店。做得成功就自然擴展版圖開分店，雖然新店開晌尖沙咀，但就選擇較遠離少少大街嘅松山道（官方地址雖則註明柯士甸道，實在正門開晌松山道），靜中帶旺，距佐敦站都只喺5-10分鐘腳程，所以無減熟客幫襯。今晚跟一眾食友一試新店手勢，實在多謝「試食兵團」嘅邀請，食到好嘢之餘，又可以跟舊雨詳談，更認識咗幾位新知。

ABC餅屋：聯朋結糖（三）

前文提要下先，事緣從食友先後收到好幾包嚟自唔同店舖嘅紐結糖，所以就希望一次過寫晒4篇食評，名為「聯朋結糖」（一）、（二）、（三）、（四），記錄一下對依幾包紐結糖味道嘅體會，亦藉此多謝食友一番心意。晌「聯朋結糖」（一）、（二）兩篇食評中，已分享咗澳門「老牌」車厘哥夫同澳門「正牌」車厘哥夫嘅食後感，嚟到第（三）篇，都要講番下我哋香港嘅本土出品，ABC餅屋嘅鳥結糖。

意粉屋 Spaghetti House：意猶未盡

之前同朋友去過尖沙咀星光行地庫間意粉屋食晚餐，最後俾咗個喊臉佢，雖然服務幾好，兩個甜品又好食，咖啡亦好飲，可惜主菜平平無奇，又實在太多不足之處。其實，以往間唔時都有幫襯佢，都唔想一錘定音，斷定佢死症，所以，趁老婆星期六朝去聽講座，返嚟約埋一齊去新都會廣場嘅意粉屋食個晏，睇睇質素又如何？

丸龜製麵 Marugame Seimen：深龜簡出

依家跟同事返完大陸做嘢，落到深圳機場，都會揀經深圳灣口岸過關，因為離機場近之餘，順路又比較少人，所以，再順路啲過埋去屯門食埋晚飯先歸家。雖然同事唔喺屯門人，但原來佢幾熟依區，介紹咗晌屯門時代廣場嘅「丸龜製麵」，話佢啲烏冬唔錯，所以，今次由佢帶路，跟佢搵食。